| e-texts navigator |
| Wylie |
155a1 པའི་གཏམ་ཟད་པ་འམ། བྱང་ཆུབ་ཀྱི་ཕྱོགས་ཀྱི་ཆོས་བསྟན་པའི་གཏམ་ཟད་པ་འམ། ལས་ཀྱི་རྣམ་པར་སྨིན་པ་བསྟན་པའི་གཏམ་ཟད་པ་འམ། ཕ་རོལ་ཏུ་ཕྱིན་པ་བསྟན་པའི་གཏམ
155a2 ཟད་པ་མེད་དོ། །ཀླུའི་བདག་པོ་དེ་ལྟར་ན་ཡི་གེ་བསྟན་པ་ལ་ཟད་པ་མེད་པ། གང་ཡིན་པ་དེ་ནི་མི་ཟད་པའི་ཟ་མ་ཏོག་ཅེས་བྱ་བའི་གཟུངས་ཤེས་བྱའོ། །ཀླུའི་བདག་པོ་མི་ཟད་པའི་ཟ་མ་ཏོག་གི་གཟུངས
155a3 འདི་ནི་མི་ཟད་པ་ཉིད་བཞིས་རྟོགས་པར་བྱ་སྟེ། བཞི་གང་ཞེ་ན། སོ་སོ་ཡང་དག་པར་རིག་པ་མི་ཟད་པ་ཉིད་དང་། ཡེ་ཤེས་མི་ཟད་པ་ཉིད་དང་། ཤེས་རབ་མི་ཟད་པ་ཉིད་དང་། གཟུངས་ཀྱི་སྤོབས་པ་མི
155a4 ཟད་པ་ཉིད་དེ། བཞི་པོ་དེ་དག་གོ། །ཀླུའི་བདག་པོ་མི་ཟད་པའི་ཟ་མ་ཏོག་གི་གཏིང་དཔག་དཀའ་བ་བཞིས་རྟོག་པར་བྱ་སྟེ། བཞི་གང་ཞེ་ན། བསམ་པ་གཏིང་དཔག་དཀའ་བ་དང་། བློ་གཏིང་དཔག་དཀའ
155a5 བ་དང་། ཆོས་ལ་འཇུག་པ་གཏིང་དཔག་དཀའ་བ་དང་། སེམས་ཅན་གྱི་སྤྱོད་པ་ལ་འཇུག་པ་གཏིང་དཔག་དཀའ་བ་སྟེ། བཞི་པོ་དེ་དག་གོ། །ཀླུའི་བདག་པོ་བཞི་པོ་འདི་དག་མི་ཟད་པའི་ཟ་མ་ཏོག་གི
155a6 གཟུངས་ཀྱི་སྙིང་པོ་དང་། ཡི་གེ་ཡིན་པར་རྟོགས་པར་བྱ་སྟེ། བཞི་གང་ཞེ་ན། ཤེས་རབ་ལ་སྙིང་པོར་བྱེད་པ་དང་། སྒྲུབ་པ་ལ་སྙིང་པོར་བྱེད་པ་དང་། བཟོད་པ་ལ་གནས་པ་སྙིང་པོར་བྱེད་པ་དང་། བརྩམས
155a7 པ་ཉམས་འོག་ཏུ་ཆུད་པར་བྱེད་པ་སྙིང་པོར་བྱེད་པ་སྟེ། བཞི་པོ་དེ་དག་གོ། །ཀླུའི་བདག་པོ་བཞི་པོ་འདི་དག་ནི་མི་ཟད་པའི་ཟ་མ་ཏོག་གི་གཟུངས་ཀྱི་ངེས་པར་འབྱེད་པ་སྟེ། བཞི་གང་ཞེ་ན། བདེན
155a8 པ་ངེས་པར་འབྱེད་པ་དང་། རྟེན་ཅིང་འབྲེལ་པར་འབྱུང་བ་ངེས་པར་འབྱེད་པ་དང་། སེམས་ཅན་ཐམས་ཅད་ཀྱི་སྤྱོད་པ་ངེས་པར་འབྱེད་པ་དང་། ཐེག་པ་ཐམས་ཅད་ངེས་པར་འབྱེད་པ་སྟེ། བཞི་པོ་དེ་དག་གོ། །
iiif viewer powered by OpenSeadragon
