| e-texts navigator |
| Wylie |
154b1 གཟུངས་དེ་ཐོབ་པའི་བྱང་ཆུབ་སེམས་དཔའ་ནི་ཚིག་དང་ཡི་གེ་མི་ཟད་པའི་མོས་པའི་ཚིག་ལེགས་པ་བྱས་པ་རྣམས་དང་། སྔོན་གྱི་མཐའ་དང་ཕྱི་མའི་མཐའི་ཕན་ཚུན་གྱི་ཉེས་པ་སྤངས་པ་རྣམས་དང་། ཐོགས་པ་མེད་པ
154b2 རྣམས་དང་། འཐད་པ་རྣམས་དང་། ཀུན་རྫོབ་ཀྱི་བདེན་པས་བརྒྱན་པ་རྣམས་དང་། དོན་དམ་པ་དང་ལྡན་པ་རྣམས་དང་། རྟེན་རྣམ་པར་དག་པ་རྣམས་དང་། དྲང་བའི་དོན་དང་། ངེས་པའི་དོན་མཉམ་པར་རྟག་པ་རྣམས
154b3 དང་། ཀུན་ནས་ཉོན་མོངས་པ་དང་། རྣམ་པར་བྱང་བའི་གཞི་ཇི་ལྟ་བ་བཞིན་དུ་བསྟན་པ་རྣམས་དང་། སེམས་ཅན་ཐམས་ཅད་ཀྱི་སྤྱོད་པ་ལ་འཇུག་པར་རྟོགས་པའི་བསྟན་པ་འཆད་པ་རྣམས་དང་། དབང་པོ་བརྒྱད་ཁྲི
154b4 བཞི་སྟོང་རྐྱེན་ཇི་ལྟ་བ་བཞིན་དུ་རབ་ཏུ་རྣམ་པར་འབྱེད་པ་རྣམས་དང་། ཡི་གེ་རྣམས་ཀྱིས་ཀྱང་ཆོས་དེ་དག་གླེང་བར་བྱེད་ན། འོན་ཀྱང་དེའི་ཡི་གེ་ཟད་པ་འམ། ཆོས་བརྗོད་པ་ཟད་པ་འམ། དཔེར་བྱ་བ་བཀོད་པ
154b5 ཟད་པའམ། དུས་བསྟན་པ་ཟད་པ་འམ། རྒྱུ་དང་འབྲས་བུ་བསྟན་པ་ཟད་པ་འམ། ཚོད་དང་གནས་དང་མཚམས་ཟད་པ་འམ། སེམས་ཀྱི་འཇུག་པ་ཟད་པ་འམ། ཨ་ཞེས་བྱ་བའི་སྒོའི་ཚིག་ཟད་པ་འམ།
154b6 ཨ་ཞེས་བྱ་བའི་མཚམས་སྦྱོར་བའི་ཚིག་ཟད་པ་འམ། དེ་བཞིན་དུ་སྦྱར་ཏེ། པ་ཞེས་བྱ་བའི་ཟད་པ་ནས་ལ་ཞེས་བྱ་བའི་བར་དུ་ཟད་པ་འམ། རྣམ་པར་བྱང་བ་རྣམ་པར་གཞག་པའི་བར་དུ་ཟད་པ་འམ།
154b7 ཆོས་ཀྱི་ངེས་པའི་ཚིག་གི་གཏམ་ཟད་པ་འམ། སྣ་ཚོགས་དང་ཟབ་མོའི་གཏམ་ཟད་པ་འམ། སྣརེལ་གཞིའི་རྒྱུད་སྟོན་པའི་གཏམ་ཟད་པ་འམ། སྤྱིའུ་ཚུགས་དང་འཐུན་པའི་གཏམ་ཟད་པ་འམ།
154b8 འཐུན་པ་དང་མི་འཐུན་པའི་གཏམ་ཟད་པ་འམ། ངེས་པའི་ཚིག་མེད་པའི་གཏམ་ཟད་པ་འམ། སངས་རྒྱས་དང་། ཆོས་དང་དགེ་འདུན་གྱི་ཡོན་ཏན་གྱི་བསྔགས་པ་བརྗོད་པ་ཟད་པ་འམ། བདེན་པ་བསྟན
iiif viewer powered by OpenSeadragon
