| e-texts navigator |
| Wylie |
152a1 རྒྱས་ཀྱི་གསུང་མ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀླུའི་བདག་པོ་ཆོས་གང་སངས་རྒྱས་བཅོམ་ལྡན་འདས་རྣམས་འབྱུང་བར་འགྱུར་བ་དང་། འགོག་པར་འགྱུར་བའི་ཕྱིར་སྐྱེ
152a2 བ་མ་ཡིན་པ་ཁམས་གསུམ་ན་སྤྱོད་པ་ངེས་པར་འབྱུང་བར་འགྱུར་བ་མ་ཡིན་པ་དེ་དག་ཐམས་ཅད་ནི་འཇིག་རྟེན་པའི་ཡིན་གྱི། དེ་དག་ནི་སངས་རྒྱས་ཀྱི་གསུང་མ་ཡིན་ནོ། །དེ་དག་ཀྱང་གང་ཞེ་ན། བསམ་གཏན་བཞི
152a3 དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། མངོན་པར་ཤེས་པ་ལྔ་དང་། དགེ་བ་བཅུའི་ལས་ཀྱི་ལམ་རྣམས་དང་། འཇིག་རྟེན་པའི་སྦྱིན་པ་དང་། ཚུལ་ཁྲིམས་དང་། བཟོད
152a4 པ་དང་། བརྩོན་འགྲུས་དང་། བསམ་གཏན་དང་། ཤེས་རབ་ཤེས་པ་དང་། ཡི་གེ་དང་། གྲངས་དང་། བགྲང་བ་དང་། ལག་རྩིས་ཤེས་པ་དང་། འབྱུང་ཁུངས་ཤེས་པ་དང་། སྔགས་དང་། སྨན་དང་གསོ་བ་ཤེས་པ
152a5 དང་། ལས་དང་བཟོའི་གནས་ཤེས་པ་དང་། མཚན་མ་དང་བཅས་པ་དང་། ཆེད་དུ་བྱ་བ་དང་བཅས་པ་དང་། ཟང་ཟིང་དང་བཅས་པ་དང་། རྒྱུ་བ་དང་བཅས་པ་དང་། རྫས་དང་བཅས་པ་ཤེས་པ་དང་། འཇིག་རྟེན་པ་དང་།
152a6 ཁམས་གསུམ་ན་སྤྱོད་པ་གང་ཡིན་པ་དེ་དག་ནི་སངས་རྒྱས་ཀྱི་གསུང་མ་ཡིན་ནོ། །ཀླུའི་བདག་པོ་སངས་རྒྱས་བཅོམ་ལྡན་འདས་རྣམས་འབྱུང་བར་འགྱུར་བའི་ཆོས་སྔོན་མ་ཐོས་པ་ལས་ཐོས་པ་གང་དག་ཡིན་པ་འདི
152a7 ལྟ་སྟེ་མི་རྟག་པའི་དོན་དང་། སྡུག་བསྔལ་བའི་དོན་དང་། བདག་མེད་པའི་དོན་དང་། ཞི་བའི་དོན་དང་། སྡུག་བསྔལ་ཡོངས་སུ་ཤེས་པའི་དོན་དང་། ཀུན་འབྱུང་བ་སྤོང་བའི་དོན་དང་། འགོག་པ་མངོན་སུམ་དུ་བྱ་བའི་དོན་དང་།
152a8 ལམ་སྒོམ་པའི་དོན་དང་། སྟོང་པ་ཉིད་སྒོམ་པའི་དོན་དང་། མཚན་མ་མེད་པས་ངེས་པར་རྒལ་བའི་དོན་དང་། སྨོན་པ་མེད་པས་ངེས་པར་འབྱུང་བའི་དོན་དང་། མངོན་པར་འདུ་བྱ་བ་མེད་པ་དང་། མ་སྐྱེས་པ་དང་། མ་བྱུང་བའི
iiif viewer powered by OpenSeadragon
