| e-texts navigator |
| Wylie |
149b1 དེ་ལ་ཆོས་གང་བརྗོད་པ་དེ་དག་ཐམས་ཅད་ནི་ཆོས་མ་ཡིན་པ་ཁོ་ནའོ། །ཀླུའི་བདག་པོ་ཆོས་ཉིད་དང་ཆོས་ཀྱི་དབྱིངས་ནི་རང་བཞིན་གྱིས་བརྗོད་པ་འམ་སྨྲ་བར་མི་ནུས་ཏེ། འདི་ལྟར་ཆོས་ཀྱི་དབྱིངས་ཀྱི་རང་བཞིན་བརྗོད་དུ་མེད
149b2 པ་དང་། ཆོས་ཐམས་ཅད་ཆོས་ཀྱི་དབྱིངས་ཀྱི་རང་བཞིན་ཅན་ཡིན་ཏེ། དེ་ལྟ་བས་ན་ཆོས་ཐམས་ཅད་བརྗོད་པར་མི་ནུས་སོ། །ཀླུའི་བདག་པོ་སངས་རྒྱས་ཀྱི་ཆོས་འདི་དག་ནི་རྣམ་གྲངས་འདི་དང་ཚུལ་འདིས་བསྟན
149b3 མོད་ཀྱི། འོན་ཀྱང་སངས་རྒྱས་ཀྱི་ཆོས་དེ་དག་ནི་སྒྲའི་རྣམ་པར་རིག་པར་བྱེད་ཀྱིས་རྣམ་པར་རིག་པར་བྱ་བ་མ་ཡིན་ནོ། །ཀླུའི་བདག་པོ་སངས་རྒྱས་ཀྱི་ཆོས་རྣམས་ནི་འདུས་བྱས་དང་། འདུས་མ་བྱས་ཀྱི་ཆོས་རྣམས
149b4 ཀྱིས་རྣམ་པར་རིག་པར་བྱ་བ་མ་ཡིན། གདགས་པར་བྱ་བ་མ་ཡིན་ནོ། །དེ་ཅིའི་ཕྱིར་ཞེ་ན། ཀླུའི་བདག་པོ་འདུས་བྱས་དང་། འདུས་མ་བྱས་ལ་མ་གཏོགས་པར་གང་གཞན་དུ་བགྲང་དུ་རུང་བའི་ཆོས་ཅི་ཡང་མེད
149b5 མདོ། །གསོལ་པ་བཅོམ་ལྡན་འདས་འོ་ན་སངས་རྒྱས་ཀྱི་ཆོས་རྣམས་འདུས་མ་བགྱིས་པ་ལགས་སམ། དེ་བཞིན་གཤེགས་པ་ཡང་དེ་ལྟ་བུ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ།
149b6 ཀླུའི་བདག་པོ་དེ་དེ་བཞིན་ནོ། །དེ་དེ་བཞིན་ཏེ། སངས་རྒྱས་ཀྱི་ཆོས་རྣམས་ཀྱང་འདུས་མ་བྱས་པའོ། །དེ་བཞིན་གཤེགས་པ་ཡང་འདུས་མ་བྱས་པའོ། །ཀླུའི་བདག་པོ་དེ་ལ་ཇི་སྙམ་དུ་སེམས། འདུས
149b7 མ་བྱས་པ་ལ་གདགས་པ་ཅི་ཡང་ཡོད་དམ། གསོལ་པ་བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀླུའི་བདག་པོ་རྣམ་གྲངས་འདིས་ཀྱང་ཁྱོད་ཀྱིས་ཇི་ལྟར་སངས་རྒྱས་ཀྱི
149b8 ཆོས་རྣམས་པར་རིག་པར་བྱ་བ་མ་ཡིན་པ་དང་། གདགས་པར་བྱ་བ་མ་ཡིན་པ་དེ་ལྟར་རིག་པར་བྱའོ། །སངས་རྒྱས་ཀྱི་ཆོས་རྣམས་ཇི་ལྟ་བ་བཞིན་དུ་ཆོས་ཐམས་ཅད་ཀྱང་དེ་དང་འདྲའོ། །ཀླུའི་བདག་པོ་སེམས་ཅན
iiif viewer powered by OpenSeadragon
