| e-texts navigator |
| Wylie |
143a1 ལྡན་ན་བྱང་ཆུབ་སེམས་དཔའ་སེམས་ཅན་གྱི་སྤྱོད་པ་དང་། བསམ་པ་དང་ཆོ་ག་ཤེས་པ་ཡིན་ནོ། །ཀླུའི་བདག་པོ་ཆོས་ལྔ་དང་ལྡན་ན་བྱང་ཆུབ་སེམས་དཔའ་སེམས་ཅན་རྣམས་ཡོངས་སུ་སྨིན་པར་བྱེད་པ
143a2 ཡིན་ཏེ། ལྔ་གང་ཞེ་ན། བདག་གི་བདེ་བ་ལ་མི་ལྟ་བས་ཡིད་ཡོངས་སུ་མི་སྐྱོ་བ་དང་། བརྩོན་པ་བརྟན་པས་སེམས་ཅན་ལ་བདེ་བ་སྦྱིན་པ་དང་། སྙིང་རྗེ་ཆེན་པོ་དང་། སེམས་ཅན་རྣམས་ཀྱི་སྤྱོད་པ་ཇི་ལྟ་བ་དེ་ལྟ་བུའི
143a3 སྤྱོད་པ་ལ་རྗེས་སུ་འཇུག་པ་དང་། གོང་དུ་ཡང་ཡོན་ཏན་ཁྱད་པར་ཅན་ལ་ཡང་འགོད་པར་བྱེད་པ་སྟེ། ཀླུའི་བདག་པོ་ཆོས་ལྔ་པོ་དེ་དག་དང་ལྡན་ན་བྱང་ཆུབ་སེམས་དཔའ་སེམས་ཅན་ཡོངས་སུ་སྨིན་པར་བྱེད་པ་ཡིན་ནོ།
143a4 ཀླུའི་བདག་པོ་ཆོས་དྲུག་དང་ལྡན་ན་བྱང་ཆུབ་སེམས་དཔའ་འཛིན་པ་དང་། ཀློག་པ་དང་། བརྡ་སྤྲོད་པ་ལ་མཁས་པ་ཡིན་ཏེ། དྲུག་གང་ཞེ་ན། གཟུངས་ཐོབ་པ་དང་། དྲན་པ་དང་ཤེས་བཞིན་གྱིས་སྒྲུབ་པ་དང་། ཡང
143a5 དག་པ་ལ་ཚུལ་བཞིན་དུ་འཇུག་པ་དང་། སེམས་ཀྱི་རྗེས་སུ་འཇུག་པ་ཤེས་པ་དང་། ཐོགས་པ་མེད་པའི་སྤོབས་པ་ཐོབ་པ་དང་། དགོངས་པའི་ཚིག་སྟོན་པའི་ཤེས་པ་ལ་མཁས་པ་སྟེ། ཀླུའི་བདག་པོ་ཆོས
143a6 དྲུག་པོ་དེ་དག་དང་ལྡན་ན་བྱང་ཆུབ་སེམས་དཔའ་འཛིན་པ་དང་། ཀློག་པ་དང་། བརྡ་སྤྲོད་པ་ལ་མཁས་པ་ཡིན་ནོ། །ཀླུའི་བདག་པོ་ཆོས་བརྒྱད་དང་ལྡན་ན་བྱང་ཆུབ་སེམས་དཔའ་བདུད་ཕྱིར་རྒོལ་བ་བཅོམ་པ
143a7 ཡིན་ཏེ། བརྒྱད་གང་ཞེ་ན། སྒྱུ་མའི་ཆོས་ཉིད་ཕུང་པོ་ལྔ་ཡོངས་སུ་ཤེས་པ་དང་ཡང་ལྡན་ལ་འཇིག་ཚོགས་ལ་ལྟ་བའི་ཉོན་མོངས་པ་དང་བྲལ་ཏེ། སྟོང་པ་ཉིད་ལ་སྤྱོད་ཡུལ་བ་ཡང་ཡིན་པ་དང་། འདུ་བྱེད་ཐམས
143a8 ཅད་ཀྱི་སྐྱེ་བ་མེད་པར་ཡང་རབ་ཏུ་ཤེས་ལ་སེམས་ཅན་ཡོངས་སུ་སྨིན་པར་བྱ་བའི་ཕྱིར་བསམས་བཞིན་དུ་སྐྱེ་བར་ཡང་བྱེད་པ་དང་། བརྩོན་འགྲུས་བརྟན་པས་བྱང་ཆུབ་ཀྱི་བསམ་པ་ཡང་ཡོངས་སུ་མི་གཏོང་ལ་ཁམས
iiif viewer powered by OpenSeadragon
