| e-texts navigator |
| Wylie |
141b1 དེའི་ལྷའི་མིག་དེས་ནི་དེ་བཞིན་གཤེགས་པའི་སྤྱན་གྱི་ཡུལ་མ་གཏོགས་པར་སེམས་ཅན་དུ་སྣང་བ་འམ། གཟུགས་སུ་སྣང་བ་འམ། ཆོས་སུ་སྣང་བ་གང་ཡང་མི་རྟོགས་པ་དང་། མི་མཐོང་བ་དང་། མི་ཤེས་པ་ཅི་ཡང་མེད
141b2 དོ། །ཀླུའི་བདག་པོ་དེ་ལ་ཉན་ཐོས་དང་། རང་སངས་རྒྱས་རྣམས་ཀྱི་ལྷའི་རྣ་བ་གང་ཡིན་པ་ནས་མི་དང་མི་མ་ཡིན་པའི་བར་རྣམས་ཀྱི་ལྷའི་རྣ་བ་གང་ཡིན་པ་དེ་བས་ནི་བྱང་ཆུབ་སེམས་དཔའི་ལྷའི་རྣ་བ་དེ་ཆེས
141b3 འདས་པ་དང་། ཆེས་གསལ་བ་དང་། ཆེས་ཁྱད་པར་དུ་འཕགས་པ་དང་། ཆེས་མཆོག་ཏུ་གྱུར་པ་དང་། ཆེས་རྣམ་པར་དག་པ་སྟེ། དེ་ལྷའི་རྣ་བའི་དབང་པོ་དེས་ནི་དེ་བཞིན་གཤེགས་པའི་སྙན་གྱི་ཡུལ་མ་གཏོགས
141b4 པར་སྒྲར་གྲག་པ་གང་ཡང་ཐོས་པར་མི་འགྱུར་བ་ཅི་ཡང་མེད་དེ། དེས་ནི་སྒྲ་ཐམས་ཅད་ཀྱི་སྔོན་གྱི་མཐའ་དང་། ཕྱི་མའི་མཐའ་ཡོངས་སུ་གཅོད་པ་རབ་ཏུ་ཤེས་སོ། །ཀླུའི་བདག་པོ་དེ་ལ་བྱང་ཆུབ་སེམས་དཔས་ནི
141b5 སེམས་ཅན་ཐམས་ཅད་ཀྱི་སེམས་ཀྱི་རྒྱུ་བ་དང་། སེམས་ཀྱི་དམིགས་པ་དང་། སེམས་ཀྱི་མཚན་མ་དང་། སེམས་ཀྱི་དཔྱོད་པ་དང་། སེམས་ཀྱི་རྒྱུ་དང་། སེམས་ཀྱི་བསམ་པ་དང་། སེམས་ཀྱི་འབྲས་བུ་དང་། སེམས་ཀྱི
141b6 ངེས་པ་དང་། སེམས་ཀྱི་བརྟག་པ་དང་། སེམས་ཀྱི་རྣམ་པ་སྣ་ཚོགས་དང་། སེམས་ཀྱི་རྗེས་སུ་ཆགས་པ་དང་། སེམས་ཀྱི་ཁོང་ཁྲོ་བ་དང་། སེམས་རྣམ་པར་གཡེངས་པ་དང་། སེམས་བསྡུ་བ་དང་། སེམས་བྲལ་བར་གཡོ
141b7 བ་དང་། སེམས་ལྷག་པར་གཡོ་བ་དང་། སེམས་བསྐུལ་བ་དང་། སེམས་གནས་པ་དང་། སེམས་ཀྱི་སྔོན་ཀྱི་མཐའ་དང་། སེམས་ཀྱི་ཕྱི་མའི་མཐའ་དང་། སེམས་ཀྱི་ད་ལྟར་བྱུང་བ་དང་། སེམས་ཀྱི་གནས་དང་།
141b8 སེམས་ཀྱི་གནས་པ་ཐམས་ཅད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། ཤེས་ནས་ཀྱང་དེ་བཞིན་དུ་དེས་སེམས་ཅན་དེ་དག་ལ་ཆོས་དང་ལྡན་པའི་གཏམ་འཇུག་པར་བྱེད་དོ། །དེས་སྔོན་གྱི་གནས་རྗེས་སུ་དྲན
iiif viewer powered by OpenSeadragon
