| e-texts navigator |
| Wylie |
204b1 ཇི་ལྟར་མུ་སྟེགས་ཅན་དག་སོ་སོ་ནས་ངའི་གཞུང་ནི་བདེན་པ་ཡིན་ནོ་ཞེས་ཟེར་བ་དང་འདྲའོ། །དེའི་དུས་ན་མདོ་སྡེ་བཅུ་གཉིས་འཇིག་རྟེན་ན་སྤྱོད་ཀྱང་གཟི་བརྗིད་དང་མཐུ་མེད་དོ། །ལ་ལ་ཞིག་འདོན་ཏམ་ཀློག་ཀྱང་མི་གཅིག་འགའ་ཡང་དགེ་སྦྱོང་གི་འབྲས་བུ་བཞི་ཐོབ་པ
204b2 མེད་དོ། །དེ་ལྟར་ངའི་སློབ་མ་རྣམས་ཀྱང་རྒྱལ་སྲིད་སྟོར་བ་འམ། བྱ་འདབ་མ་མེད་པ་དང་འདྲ་སྟེ། གཙུག་ལག་ཁང་དང་། མཆོད་རྟེན་ཡང་སྟོངས་ཤིང་ཞིག་རལ་གསོ་བ་ཡང་མེད་དོ། །དེ་ལྟར་སྐུ་གཟུགས་དེང་བ་དན་དང་། རིན་པོ་ཆེའི་གདུགས་ཡོད་པ་ཡང་དགྲ་ཆ་ཞིག་པ
204b3 འདྲ་སྟེ། ཕུག་རོན་དང་། བྱེའུ་དང་། ཕག་དང་། ཁྱི་དང་། ལུག་ལ་སོགས་པའི་ཚང་དང་། གནས་སུ་འགྱུར་རོ། །དགེ་སློང་སོ་སོ་ན་འདུག་པའི་གནས་ནི་བྱི་དོར་བཟང་དུ་བྱེད་དོ། །བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། འདི་ཡང་ཁྱེད་ལ་མདོ་ཙམ་ཞིག
204b4 བཤད་པ་ཡིན་ནོ། །དགའ་བོས་སངས་རྒྱས་ཀྱིས་གསུངས་པ་ཐོས་ནས་མཆི་མ་བླགས་ཏེ་ངུས་སོ། །དེ་ལྟར་དགའ་བོས་ཡིད་གདུང་ཞིང་ངུ་བ་མ་བཏང་བ་ལས། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ཁྱོད་དེ་ལྟར་མ་ངུ་བར་མདོ་སྡེ་འདི་གཟུངས་སུ་ཟུང་ལ་འཇིག
204b5 རྟེན་དུ་རྒྱས་པར་སྤེལ་ཅིག་། དེ་ནས་དགའ་བོས་གདོང་མཆི་མ་ཕྱིས་ནས། བཅོམ་ལྡན་འདས་ལ་བདག་གིས་གཟུངས་སུ་བཟུང་ངོ་། །ཞེས་གསོལ་ཏོ། །བརྒྱ་བྱིན་དང་། ལྷ་དང་། མི་རྣམས་ཀྱིས་ཀྱང་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་བདག་ཅག་གིས
204b6 ཡོངས་སུ་བཟུང་སྟེ། གང་ཞིག་མདོ་སྡེ་འདི་རི་འམ། ཚལ་ལམ། ཤིང་དྲུང་ངམ། བས་མཐའ་འམ། དུར་ཁྲོད་ན་གནས་ཏེ་འདོན་ཏམ། ཀློག་ན་བདག་ཅག་གིས་ལྷ་དང་། མིའི་འཁོར་དང་། མི་མ་ཡིན་པ་དང་བཅས་ཏེ། གནས་དེར་འགྲོ་ཞིང་ཆུང་ངུ་ན་ཚིགས་སུ་བཅད་པ་གཅིག་གམ
204b7 ཚིག་གཅིག་ཙམ་ཡང་མི་བརྗེད་མི་ཉམས་པར་བཟུང་ངོ་ཞེས་གསོལ་ཏོ། །མདོ་སྡེ་འདི་གསུངས་པའི་ཚེ་དགེ་སློང་སྟོང་སྙེད་ཀྱིས་དགེ་སྦྱོང་གི་འབྲས་བུ་བཞི་ཐོབ་པར་གྱུར་ཏོ། །དགེ་སློང་མ་སྟོང་ལྔ་བརྒྱས་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ། །དགེ་བསྙེན་ལྔ་བརྒྱ་ཡོངས
204b8 སུ་དག་པར་གྱུར་ཏེ། ལྷ་དང་མི་དང་ལྷ་མ་ཡིན་ལ་སོགས་པས་ཕྱག་བྱས་ནས་ཕྱིར་དོང་ངོ་། །འཕགས་པ་ཏིང་ངེ་འཛིན་མཆོག་དམ་པ་རྫོགསྷོ།། །།མཾ་ག་ལཾ་བྷ་བ་ཏུ། ཤུ་བྷ་མ་སྟུ་སརྦ་ཛཱ་ག་ཏ~ཾ། ཤུ་བྷ~ཾ། ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུན་ཏེ་ཥཱན་ཏ་ཐཱ་ག་ཏོ་ཧྱ་བ་དཏ། ཏེ་ཥཱཉ་ཙ་ཡོ་ནི་རོ་དྷ་ཨེ་བ~ཾ་བཱ་དཱི་མ་ཧཱ་ཤྲ་མ་ཎ:།
iiif viewer powered by OpenSeadragon
