| e-texts navigator |
| Wylie |
155b1 ཏེ་གཟུངས་སུ་བཟུང་ན་བསོད་ནམས་ཇི་ཙམ་ཞིག་ཐོབ། སངས་རྒྱས་ཀྱི་བྱམས་པའི་ཐུགས་རྗེས་བདག་ལ་བཀྲོལ་བཤད་པར་སྨོན་ཏོ། །སངས་རྒྱས་ཀྱིས་གསུངས་པ། ཕོ་དགེ་བ་ཆོས་ཀྱི་ཡི་གེ་འདིའི་མིང་ནི་བསམ་གྱིས་མི
155b2 ཁྱབ་སྟེ། སྔ་མ་འདས་པའི་སངས་རྒྱས་རྣམས་ཀྱིས་འོར་བར་དགོངས་པས་ཡང་དག་པར་གཤེགས་པའི་ཡེ་ཤེས་ཀྱི་མཚོར་ཆུད་པར་གསུངས་སོ། །སེམས་ཅན་ལ་ལ་ཞིག་གིས་ཆོས་ཀྱི་ཡི་གེ་འདི་གཟུངས་སུ་འཛིན་པ་གཅིག་ཡོད
155b3 ན་ཆོས་ཀྱི་ཡི་གེ་ཐམས་ཅད་ལ་ཅི་ཡང་རེ་ཞིང་བཙལ་བ་མེད། ཆོས་ཀྱི་ཡི་གེ་འདིས་ནི་ཆོས་ཀུན་གྱི་མདོ་བཏུས་ཏེ། ཆོས་སོ་ཅོག་གི་གཅེས་པ་བསྡུས་སོ། །ཆོས་ཀྱི་ཡི་གེ་རྣམས་ཀྱི་ཕྱི་མོའི་བསམས་པ་སྟེ། ཆོས་ཀྱི
155b4 ཡི་གེ་འདིའི་མིང་ནི་ཐེག་པ་ཆེན་པོ་བསྡུས་སོ། །ཡང་མིང་རྡོ་རྗེའི་ཏིང་ངེ་འཛིན་ཅེས་ཀྱང་བྱའོ། །ཡང་མིང་དཔག་ཏུ་མེད་པའི་གཞུང་གི་ཕྱི་མོ་ཞེས་ཀྱང་བྱ་སྟེ། མི་ལ་ལ་ཞིག་གིས་ཆོས་ཀྱི་ཡི་གེ་འདི་མནོས་ཏེ་གཟུངས་སུ
155b5 འཛིན་པ་ཞིག་ཡོད་ན་དེ་བརྒྱ་སྟོང་གིས་སངས་རྒྱས་གཟུངས་སུ་འཛིན་པ་སྟེ། དེ་ལྟ་བུའི་ལེགས་པའི་དོན་ནི་དཔེར་ནམ་མཁའ་དང་མཚུངས་མུ་མཐའ་མེད་དེ། བསམ་གྱིས་མི་ཁྱབ་པའི་ཆོས་ཀྱི་ཡི་གེ་འདི་གཏམས་བཅོལ
155b6 ཏོ། །དགའ་བོས་གསོལ་པ། ཇི་ལྟ་བུའི་སེམས་སྤྱོད་པ་དང་། ཇི་ལྟ་བུའི་མིས་ཆོས་ཀྱི་ཡི་གེ་འདི་མནོས་ཤིང་གཟུངས་སུ་འཛིན། སངས་རྒྱས་ཀྱིས་གསུངས་པ། ཕོ་དགེ་བ་ཆོས་ཀྱི་ཡི་གེ་འདི་མནོས་ཤིང་གཟུངས་སུ
155b7 འཛིན་པའི་མི་དེ་ནི་སེམས་ཐོབ་པ་དང་། སྟོར་བ་མེད་ལ་རྟག་ཏུ་ཚངས་པར་སྤྱོད་པ་སྤྱད་དེ། འདྲན་ཏོར་བརྗོད་པ་ལ་ཡང་རྟག་པར་མི་གཡོ་བའི་སེམས་ལ་དད་དེ། གྲོང་ཁྱིམ་དུ་ཞུགས་པ་ཡང་སེམས་རྟག་པར་ཐུབ་པ་ལ
155b8 འདུག་གོ། །ཁྱིམ་དུ་འདུག་ན་ཡང་ཡོད་པ་གསུམ་ལ་མ་ཆགས་པ་དེ་ལྟ་བུའི་ད་ལྟར་གྱི་ཚེའི་དུས་ལ་དཔལ་ཡོན་རྣམ་པ་ལྔ་ཡོད་དེ། གཅིག་ནི་ཕལ་གྱིས་བཙུན་ཞིང་གུས་པའོ། །གཉིས་ནི་ལུས་ཡེ་འདྲོག་ཏུ་མི་མཆི་བའོ། །
iiif viewer powered by OpenSeadragon
