| e-texts navigator |
| Wylie |
154a1 གདོད་ཁམས་གསུམ་ལས་འདས་སོ། །བྱང་ཆུབ་སེམས་དཔའ་སའི་སྙིང་པོས་གསོལ་པ། ཡང་དག་པར་གཤེགས་པས་བཤད་པ་ལ་སྐྱེ་བ་ཡང་མེད། ཞི་བ་ཡང་མེད་ན་རྟག་པར་མེད་པ་ཡིན་ཏེ། སྐྱེ་ཤི་བཀག
154a2 ན་སྟོང་ཞི་བ་བཀག་པ་ལགས་སོ། །རྟག་པས་ནི་མི་ཆད་དེ་མི་ཆད་པའི་ཆོས་དེ་ཁམས་གསུམ་མི་གཡོ་བའི་ཆོས་རྣམས་དང་བྲལ་ཏེ། བྱ་བ་ཡོད་པའི་ཆོས་ལ་ནི་མེའི་ངོ་ལས་ཡོལ་བ་དང་མཚུངས་སོ། །གང་ལ་སོགས
154a3 པའི་ཆོས་ལ་རྟེན་ཏེ་བདག་གིས་བདག་སྤྱོད་པ་ལ་སྒོ་མོ་དེ་གཅིག་པུར་འཇུག་། སངས་རྒྱས་ཀྱིས་གསུངས་པ། བྱང་ཆུབ་སེམས་དཔས་དོན་ཆེན་པོ་གསུམ་ལ་རང་གི་སེམས་སྤྱོད་དེ། བདེན་པ་ཆེན་པོ་གསུམ་གྱི་སྤྱོད
154a4 པ་དེར་འཇུག་གོ། །བྱང་ཆུབ་སེམས་དཔའ་སའི་སྙིང་པོས་གསོལ་པ། ཇི་ལྟ་བུར་དོན་གསུམ་ལ་བདག་གི་སེམས་སྤྱོད། ཇི་ལྟ་བུར་ན་བདེན་པ་གསུམ་གྱི་སྤྱོད་པ་གཅིག་ཏུ་འཇུག་།སངས་རྒྱས་ཀྱིས་གསུངས
154a5 པ། དོན་ཆེན་པོ་གསུམ་ཞེས་བགྱི་བ་ནི་གཅིག་ནི་རྒྱུའོ། །གཉིས་ནི་འབྲས་བུའོ། །གསུམ་ནི་རྣམ་པར་ཤེས་པའོ། །དེ་ལྟ་བུའི་དོན་གསུམ་ཕྱི་མོ་ནས་སྟོང་པ་མེད་པ་སྟེ། ང་དང་ཡང་དག་པའི་ང་མེད་ན་ཇི་ལྟ
154a6 བུར་དེ་ལ་སྲེད་ཅིང་ཆགས་པ་སྐྱེ། དོན་གསུམ་ལ་རྟགས་ན་བཅིངས་པ་ཁྱེར་ཏེ། ཁྱེར་བས་སྡུག་བསྔལ་གྱི་མཚོར་འབབ་བོ། །དེ་བས་ན་རྟག་པར་བདག་སྤྱོད། བདེན་པ་གསུམ་ཞེས་བྱ་བ་ནི་གཅིག་བྱང་ཆུབ་ཀྱི
154a7 ལམ་སྟེ། མཉམ་སྙོམས་པའི་བདེན་པ་ཡིན་གྱི་མི་སྙོམས་པའི་བདེན་པ་མ་ཡིན་ནོ། །གཉིས་ནི་ཚོར་བ་ཆེན་པོའི་དྲང་པོའི་ཡེ་ཤེས་ཐོབ་པའི་བདེན་པ་ཡིན་ནོ། །གསུམ་ནི་ཤེས་རབ་དང་འཐུན་པ་དང་ཐ་དད་པ་སྤྱད
154a8 པ་མེད་པའི་ཞུགས་པའི་བདེན་པ་སྟེ། གོ་བདུན་སྤྱད་པས་ཞུགས་པས་བདེན་པས་མ་ཡིན་ནོ། །བདེན་པ་འདི་གསུམ་སྤྱད་དེ། སངས་རྒྱས་ཀྱི་ལམ་སྤྱད་ན་དེ་ལྟ་བུའི་ཆོས་སུ་ཆུད་དེ་དྲང་པོའི་ཚོར་བ་མི་ཐོབ་པ་མེད་དོ། །
iiif viewer powered by OpenSeadragon
