| e-texts navigator |
| Wylie |
150b1 ཞེས་བྱ་བ་དེ་ནི་སྟོང་པའི་ཏིང་ངེ་འཛིན་དང་། མཚན་མ་མེད་པའི་ཏིང་ངེ་འཛིན་དང་། བྱ་བ་མེད་པའི་ཏིང་ངེ་འཛིན་དང་། དེ་ལྟ་བུའི་ཏིང་ངེ་འཛིན་ཏོ། །ཡ་རབས་ཚངས་པར་སྤྱོད་པས་གསོལ་པ། ཇི་ལྟ་བུར་ན་འཁོར་གཞུང་ཆེན་པོ་འཁོར
150b2 ཞེས་བགྱི། སངས་རྒྱས་ཀྱིས་གསུངས་པ། ཆེན་པོ་བཞིའི་གཞུང་སྟེ། ཕུང་པོ་དང་། ཁམས་དང་། ཞུགས་པ་ལ་སོགས་པའི་འཁོར་ཏོ། །ཕྱི་མོའི་རྣམ་པར་ཤེས་པས་གཞུང་ཆེན་པོའི་འཁོར་ཡིན་ནོ། །ཡ་རབས་ཚངས
150b3 པར་སྤྱོད་པས་གསོལ་པ། བསམ་གྱིས་མི་ཁྱབ་པ་དེ་ལྟ་བུའི་ཤེས་རབ་ཀྱི་དོན་ནི་བདག་ལ་ཡང་ཕན། གཞན་ལ་ཡང་ཕན་ཏེ། ཁམས་ཀྱི་ས་ལས་འདས་ནས་མྱ་ངན་འདས་པ་ལ་ཡང་མི་ཆགས་ཏེ། བྱང་ཆུབ་ཀྱི་ལམ་དུ་ཆུད་དོ། །
150b4 དེ་ལྟ་བུའི་ཆོས་ཀྱི་མཚན་མ་ནི་སྐྱེ་ཤིའི་ཆོས་ཡིན་ཏེ། རྣམ་པར་རྟོག་པ་དང་བྲལ་ན་ཆོས་ནི་མ་ཞི་བའོ། །དེ་ནས་ཡང་དག་པར་གཤེགས་པས་གཞུང་འདི་བསླབས་པའི་ཚིགས་སུ་བཅད་པས་བཤད་པ། ཆོས་ནི་རྣམ་པར་རྟོག་ལས་སྐྱེས།
150b5 སླར་ཡང་རྣམ་པར་རྟོག་ལ་བཀག་།རྣམ་པར་རྟོག་པའི་ཆོས་བཀག་ན། །ཆོས་དེ་སྐྱེ་ཤི་ཞི་བ་མེད། །དེ་ནས་ཡ་རབས་ཚངས་པར་སྤྱོད་པས་ལེའུ་བཤད་པ་ཐོས་ནས་ཡིད་ཤིན་ཏུ་དགའ་སྟེ་གཞུང་འདི་བསླབས་པར་ཚིགས་སུ་བཅད་པ
150b6 བཤད་དོ། །ཆོས་རྣམས་སྟོང་པ་ཕྱི་མོ་ཞི། །སྟོང་པ་ཞི་བ་སྐྱེ་བ་མེད། །ཆོས་གཞན་སྐྱེས་ཤིང་ཤི་བ་ཡིན། །ཆོས་འདི་སྐྱེ་བ་མེད་པ་མེད། །དེ་དང་འདི་ནི་མི་མཐུན་ཏེ། །ཆད་དང་རྟག་དང་ཡོད་ཕྱིར་རོ། །འདི་ནི་གཉིས་དང
150b7 བྲལ་བ་སྟེ། ཚིག་གཅིག་ལ་ཡང་མི་འཇུག་གོ། །ཆོས་གཅིག་ཡོད་ཅེས་བཤད་པ་ནི། །དེའི་གཟུགས་སྤུའི་འཁོར་ལོ་བཞིན། །སྨིག་རྒྱུས་ཆུ་རུ་བསླད་དང་མཚུངས། །སྒྱུ་མ་མི་བདེན་རྣམས་ཕྱིར་རོ། །ཆོས་ལ་མེད་པར
150b8 མཐོང་བ་ནི། །ཆོས་སྟོང་པར་ནི་འཐུན་པ་ཡིན། །དམུས་ལོང་གཉིས་མེད་ལོང་བ་བཞིན། །ཆོས་རྣམས་རུ་སྦལ་སྤུ་དང་མཚུངས། །བདག་ང་སངས་རྒྱས་བཤད་པ་ཐོས། །ཆོས་ལ་གཉིས་མཐོང་མེད་པར་རིག་།དབུ་མ་ལ་ཡང
iiif viewer powered by OpenSeadragon
