| e-texts navigator |
| Wylie |
150a1 སྐྱེའོ། །དེ་ལྟར་ཞུགས་པ་ནི་ཡང་དག་པར་གཤེགས་པར་ཞུགས་ཞེས་བྱར་རུང་ངོ་། །ཡང་དག་པར་གཤེགས་པར་ཞུགས་པ་ནི་ཞུགས་ཞུགས་ན་མ་ཞུགས་སོ། །ཡ་རབས་ཚངས་པར་སྤྱོད་པས་གསོལ་པ། བསམ
150a2 གྱིས་མི་ཁྱབ་པར་ཡང་དག་པར་གཤེགས་པའི་མཛོད་དུ་འཇུག་པ་ལྗང་བུ་ལས་འབུར་རྙེད་པ་དང་མཚུངས་ཏེ་འཇུག་པའི་གནས་མེད་དོ། །ཕྱི་མོ་རྩ་བ་རྣོ་བའི་གྲུབ་སྟེ་ཕྱི་མོ་ཐོབ་ན་ཕྱི་མོ་བདེན་པའི་མུ་ཐོབ་པ་དེའི་ཤེས་རབ་དུ་མཆིས། སངས
150a3 རྒྱས་ཀྱིས་གསུངས་པ། ཤེས་རབ་དེ་ལ་གྲངས་མེད་དེ། མདོ་ཙམ་ཞིག་བཤད་ན་ཤེས་རབ་དེ་ལ་བཞི་ཡོད་དོ། །བཞི་གང་ཞེས་བྱས་ན། གཅིག་ནི་ཐུབ་པའི་ཤེས་རབ་སྟེ། འདི་ནི་མི་གཡོ་བ་བཞིན་ནོ། །གཉིས་ནི་འགྱུར་བའི
150a4 ཤེས་རབ་སྟེ། དེ་ནི་ཐབས་ཀྱིས་ནི་བཤིག་པའོ། །གསུམ་ནི་མྱ་ངན་ལས་འདས་པའི་ཤེས་རབ་སྟེ། དེ་ནི་གློག་གི་ཚོར་བ་བསལ་བའོ། །བཞི་ནི་མཐའ་ཡུན་གྱི་ཤེས་རབ་སྟེ། ཡང་དག་པའི་ཆོ་ག་ཚངས་པའི་ལམ་དུ་འཇུག་པའོ། །
150a5 ཡ་རབས་དེ་ལྟ་བུའི་དོན་ཆེན་པོ་བཞི་ནི་སྔ་མ་འདས་པའི་སངས་རྒྱས་རྣམས་ཀྱིས་བཤད་པ་སྟེ། ཟབ་མོ་ཆེན་པོ་ཡིན་ནོ། །སེམས་ཅན་བསྟན་ན་ཤེས་རབ་འདི་སྤྱད་པའི་རིགས་ཡ་རབས་ཚངས་པར་སྤྱོད་པ་ཆེན་པོ་ཡིན་ནོ། །ཡང་དོན་ཆེན
150a6 པོ་རྣམ་གསུམ་ཡོད་དེ། ཏིང་ངེ་འཛིན་གསུམ་ཕྱི་ནང་དུ་གཅིག་ལ་གཅིག་མི་གནོད་དོ། །གཉིས་ནི་གཞུང་ཆེན་པོ་འཁོར་ལ་ལམ་བཞིན་དུ་བདབས་ཏེ་བསལ་བའོ། །གསུམ་ནི་མི་གཡོ་བའི་ཤེས་རབ་ཐུབ་པས་སྙིང་རྗེ་དང་གཉིས
150a7 ཀ་རྣོ་བའོ། །དེ་ལྟ་བུའི་དོན་གསུམ་གྱི་བྱང་ཆུབ་འབྱོར་འགྲུབ་བོ། །དེ་ལྟ་བུའི་དོན་མ་སྤྱད་ན་ཤེས་རབ་དེ་བཞིན་དུ་འབབ་མི་ནུས་ཏེ། བདུད་ཆེན་པོ་རྣམས་ཀྱིས་གླགས་རྙེད་པར་འོང་ངོ་། །ཡ་རབས་ཁྱོད་ལ་སོགས་པ་མང་པོས་སངས
150a8 རྒྱས་གྲུབ་ཀྱི་བར་དུ་རྟག་པར་སྤྱོད་པ་སྦྱོངས་ཏེ་སྐད་ཅིག་ཀྱང་སྟོང་པ་མ་བྱས་ཤིག་། ཡ་རབས་ཚངས་པར་སྤྱོད་པས་གསོལ་པ། ཇི་ལྟ་བུར་ན་ཏིང་ངེ་འཛིན་གསུམ་ཞེས་བགྱི། སངས་རྒྱས་ཀྱིས་གསུངས་པ། ཏིང་ངེ་འཛིན་གསུམ
iiif viewer powered by OpenSeadragon
