| e-texts navigator |
| Wylie |
149a1 དུ་འདུས་སོ། །ཤཱ་རིའི་བུས་གསོལ་པ། ཇི་ལྟ་བུར་ན་ཚིག་བཞི་ལེའུ་གཅིག་ཅེས་བགྱི་བ་བཤད་པར་སྨོན་ཏོ། །དེ་ནས་བཙུན་པས་ལེའུ་བཤད་དེ་གསུངས་པ། རྒྱུ་དང་རྐྱེན་ལས་སྐྱེས་པའི་གཞུང་།
149a2 གཞུང་དེ་ཡོད་མེད་སྐྱེ་བ་མེད། །སྐྱེ་དང་ཤི་རྣམས་གཞུང་མེད་ན། །གཞུང་དེ་སྐྱེ་བ་ཤི་བ་མེད། །དེ་ནས་ཕལ་མང་པོས་ལེའུ་བཤད་པ་ཐོས་ནས་ཐམས་ཅད་ཀུན་ཤིན་ཏུ་དགའ་སྟེ། ཀུན་སྐྱེ་ཤི་མེད་པར་བྱས་པ་ཐོས་ནས
149a3 ཤེས་རབ་ཀྱིས་ངོ་བོ་ཉིད་སྟོང་པའི་ཡེ་ཤེས་ཀྱི་ཆོས་སྐྱེས་སོ། །རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་ལེའུ་བདུན་ཏེ། ཡང་དག་པར་གཤེགས་པའི་མཛོད་ཀྱི་ལེའུའོ།། །།
149a4 དེའི་ཡ་རབས་ཚངས་པར་སྤྱོད་པ་སྔོན་གྱི་གནས་ནས་ལངས་ཏེ་སངས་རྒྱས་ལ་གསོལ་པ། བཙུན་པ་སྐྱེ་བའི་གཞུང་ནི་མ་བཀག་།ཤི་བའི་གཞུང་ནི་མི་སྐྱེ། དེ་ལྟ་བུ་མི་གཡོ་བའི་གཞུང་ནི་སངས་རྒྱས་ཀྱི་བྱང་ཆུབ་ལགས་སོ། །
149a5 བྱང་ཆུབ་ཀྱི་ངོ་བོ་ཉིད་ལ་ནི་རྣམ་པར་རྟོག་པ་མ་མཆིས། རྣམ་པར་རྟོག་པའི་ཤེས་རབ་མ་མཆིས་སོ། །རྣམ་པར་རྟོག་པའི་གྲངས་མ་མཆིས་པའི་མཚན་མ་ནི་རྣམ་པར་རྟོག་པ་འབའ་ཞིག་གིས་བཀབ་བོ། །དེ་ལྟ་བུའི་གཞུང་གི་མཚན
149a6 མ་ནི་བསམ་གྱིས་མི་ཁྱབ་བོ། །བསམ་གྱིས་མི་ཁྱབ་པའི་ནང་ན་རྣམ་པར་རྟོག་པ་མ་མཆིས་ན། བཙུན་པ་ཆོས་སོ་ཅོག་གྲངས་ནི་དཔག་ཏུ་མ་མཆིས། མུ་མ་མཆིས་པའི་ཆོས་ཀྱི་མཚན་མ་ནི་ཡང་དག་པ་གཅིག་གི་གཞུང་གི་ངོ་བོ
149a7 ཉིད་དེ། ངོ་བོ་ཉིད་གཅིག་འབའ་ཞིག་ལ་གནས་པ་དེའི་དོན་ཇི་ལྟ་བུ། སངས་རྒྱས་ཀྱིས་གསུངས་པ། ཡ་རབས་བསམ་གྱིས་མི་ཁྱབ་པ་ནི་ངས་ཆོས་རྣམས་བཤད་པ་ལ་བསླད་པ་རྣམས་ཀྱི་ཕྱིར་ཐབས་ཀྱི་ལམ་སྤྱོད་དོ། །ཆོས
149a8 སོ་ཅོག་གི་མཚན་མ་ནི་ཡང་དག་པ་གཅིག་གི་གཞུང་གི་ཤེས་རབ་བོ། །ཇི་ལྟ་ཞེ་ན། དཔེར་ཚོང་དུས་གཅིག་ལ་སྒོ་ཆེན་པོ་བཞི་ཕྱེ་བ་དང་། མཚུངས་ཏེ། སྒོ་ཆེན་པོ་བཞི་ཀུན་ནི་ཚོང་དུས་གཅིག་ལ་འདུས་ཏེ། ཕལ་མང་པོ་དེ་རྣམས
iiif viewer powered by OpenSeadragon
