| e-texts navigator |
| Wylie |
148a1 གནས་ཞེས་བགྱི། སངས་རྒྱས་ཀྱིས་གསུངས་པ། ཕྱི་མོ་ནས་ཕྱི་མོའི་གནས་མེད་ན་གནས་མེད་པའི་ཕྱི་མོའི་མུ་ནས་བདེ་བར་ཞུགས་ཏེ། བྱང་ཆུབ་སྤྱོད་ན་འཕྲུལ་གྱི་ལམ་གང་ཞིག་གྲུབ་བོ། །ཇི་ལྟ་ཞེས་བྱས
148a2 ན། ཕོ་དགེ་བ་ལག་པས་སྟོང་པ་ལ་བཟུང་བ་དང་མཚུངས་པས་མ་ཐོབ་སྟེ། མ་ཁྱབ་པ་ཡང་མེད་དོ། །ཤཱ་རིའི་བུས་གསོལ་པ། བཙུན་པས་བཤད་པ་བཞིན་ཏེ། དོན་གྱི་སྔོན་ལོགས་སུ་ཕྱི་མོའི་བཟོད་པ་སྤྱད་དེ། བླང་བ།
148a3 སྟོང་པ། ཞི་བ། བསམ་པ་ཡིན་ནོ། །སྟོང་པ་ཞི་བ་ནི་མི་གཡོ་བ་ཡིན་ཏེ། ལེགས་སོ་ཅོག་གི་མདོ་བསྡུས་ཤིང་བཟུང་བས་ན། ཆོས་སོ་ཅོག་ཀུན་འདུས་པས་རྫོགས་ཆུབ་སྟེ། གཉིས་སུ་མེད་དོ། །བསམ་གྱིས་མི
148a4 ཁྱབ་པོ། །ཤེས་པར་བྱོས་ཤིག་།ཆོས་དེས་ནི་ཤེས་རབ་ཆེན་པོས་ཕ་རོལ་ཏུ་ཕྱིན་པ་ཡིན་ནོ། །ལྷ་ཆེན་པོའི་སྔགས་ཡིན་ནོ། །སྣང་བ་ཆེན་པོའི་སྔགས་ཡིན་ནོ། །བླ་ན་མེད་པའི་སྔགས་ཡིན་ནོ། །བསྒྲུབ་ཏུ་མེད་པའི
148a5 སྔགས་ཡིན་ནོ། །སངས་རྒྱས་ཀྱིས་གསུངས་པ་དེ་ཡིན་ནོ། །ཡང་དག་པར་མི་གཡོ་བའི་སྟོང་པའི་ངོ་བོ་ཉིད་ཀྱིས་སྟོང་པའི་ཤེས་རབ་ཀྱི་མེས་མདུད་པ་རྣམས་བསྲེགས་ཏེ། མེད་ནས་མཉམ་སྙོམས་སོ། །མཉམ
148a6 སྙོམས་པའི་སྙོམས་པ་ཚོར་བ་གསུམ་དང་། དམ་པའི་ཚོར་བའི་ལུས་གསུམ་གྱིས་དགུ་ཤེས་པའི་ནང་སང་དེར་སྣང་ཞིང་གཙང་ཞིང་གཙང་དག་ལ་གྲིབ་མ་རྣམས་མེད་དོ། །ཕོ་དགེ་བ་དེ་ཆོས་དེ་ནི་རྒྱུ་ཡང་མེད་རྐྱེན་ཡང
148a7 མེད་དེ། ཤེས་རབ་རང་སྤྱོད་པའོ། །གཡོ་བ་ཡང་མེད་མི་གཡོ་བ་ཡང་མེད་དེ། སྤྱོད་པའི་ངོ་བོ་ཉིད་ཀྱིས་སྟོང་པའོ། །གཞུང་ལ་ཡོད་མེད་དོ། །སྟོང་པའི་མཚན་མ་ཡང་སྟོང་པའོ། །ཕོ་དགེ་བ་ན་སེམས་ཅན་དེ
148a8 དག་གཞུང་དེ་ལ་རྟོགས་པར་ཆུད་པར་གྱིས་ཤིག་། གཞུང་དེ་ཆུད་ན་ཡང་དག་པར་གཤེགས་པའི་མཐོང་བ་ཡིན་ནོ། །ཤཱ་རིའི་བུས་གསོལ་པ། ཡང་དག་པར་གཤེགས་པའི་གཞུང་བརྟག་པ་ནི་འབབ་པ་རྣམས་ལ་ཆགས
iiif viewer powered by OpenSeadragon
