| e-texts navigator |
| Wylie |
147b1 གཤེགས་པ་དང་། ཡང་དག་པར་གཤེགས་པའི་བདེན་པའི་མཚན་མར་ཕྱིན་པ་ནི་གྲལ་རྣམ་པ་ལྔ་ལ་གནས་ཏེ། གཅིག་ནི་ཡིད་ཆེས་པའི་གྲལ་ཡིན་ཏེ། ལུས་འདིའི་ནང་གི་ཡང་དག་པའི་མི་གཡོ་བའི་ས་བོན་མི་བདེན་པར་བསྒྲིབས
147b2 པར་ཡིད་ཆེས་ཏེ། མི་བདེན་པའི་སེམས་བཏང་བྲལ་ན་དང་བའི་སེམས་དཀར་གཙང་སྟེ། ཁམས་ཀྱི་རྣམས་ཡིད་དང་ཚིག་གིས་བྱེ་བྲག་ཕྱེད་པར་རིག་གོ། །གཉིས་ནི་བསམ་པའི་གྲལ་ཏེ་བསམ་པ་ནི་གྲལ་རྣམས་ལས
147b3 བརྟགས་ན་ཡིད་དང་ཚིག་འབའ་ཞིག་སྟེ། ཡིད་དང་ཚིག་གིས་བྱེ་བྲག་ཕྱེད་ནས་ཡིད་བཞིན་མངོན་པར་སྣང་ན་ཁམས་མཐོང་ངོ་ཅོག་ཀུན་བདག་གི་ཕྱི་མོའི་ཤེས་པ་མ་ཡིན་ནོ། །ཕྱི་མོའི་ཤེས་པ་འདི་ལ་ནི་ཆོས་ཀྱང་མེད། གཞུང་ཡང
147b4 མེད། བླང་ངོ་ཅོག་བླང་ནུས་པ་མེད་པར་རིག་གོ། །གསུམ་ནི་སྤྱོད་པའི་གྲལ་ཏེ། རྟག་པར་གཡོ་ནུས་པ་གཡོས་ན། གཡོ་བ་འཐུན་པའི་ཚེ་སྔར་ཤེས་རབ་ཀྱིས་དྲངས་ཏེ། བསྒྲིབས་པ་དང་བགེགས་ཀྱི་རྣམས་བསལ་ནས
147b5 བཀབ་པ་དང་། དཀྲིས་པ་ལས་བྱུང་བྲལ་ལོ། །བཞི་ནི་སྤྱད་པའི་གྲལ་ཏེ་སྤྱད་པའི་ས་རྣམས་དང་བྲལ་ལ། སེམས་ལ་བླང་བ་དང་བཏང་བ་མེད་དོ་ཤིན་ཏུ་དག་པ་ལས་རྩ་བ་རྣོས་ཏེ། སེམས་མི་གཡོ་བས་ན་ཡང་དག་པར་མི
147b6 འགྱུར་བའི་བདེན་པའི་དབྱིངས་མྱ་ངན་ལས་འདས་པ་ཆེན་པོ་སྟེ། ངོ་བོ་ཉིད་སྟོང་པ་ཆེན་པོ་འབའ་ཞིག་གོ། །ལྔ་ནི་བཏང་སྙོམས་ཀྱི་གྲལ་ཏེ་བཏང་སྙོམས་ནི་ངོ་བོ་ཉིད་སྟོང་པའི་དྲང་པོའི་ཤེས་རབ་ལ་ཡང་མི་གནས་ཏེ། སྙིང་རྗེ་ཆེན་པོ
147b7 ལ་འབབ་ཅིང་འཁོར་ཀྱང་མཚན་མ་མི་གཡོའོ། །མཚན་མ་ནི་མི་གཡོ་བ་ལ་ཡང་མ་ཆགས་ཏེ། གཡུང་དྲུང་རྫོགས་པའི་བྱང་ཆུབ་ཀྱི་སྟོང་པའི་སེམས་ཀྱང་ཐོབ་པ་མེད། སེམས་ལ་མུ་མེད་མཐའ་མེད་དེ། གནས་ཀྱང་མི
147b8 མཐོང་བ་དེ་ནི་ཡང་དག་པ་གཤེགས་པའི་ཕྱིན་པའོ། །ཕོ་དགེ་བ་གྲལ་ལྔ་ནི་ཚོར་བ་གཅིག་ཕྱི་མོ་བསོད་པ་ནས་ཞུགས་ཏེ། སེམས་ཅན་བསྟན་པ་ནི་ཕྱི་མོའི་གནས་ནས་སོ། །ཤཱ་རིའི་བུས་གསོལ་པ། ཇི་ལྟར་ན་ཕྱི་མོའི
iiif viewer powered by OpenSeadragon
