| e-texts navigator |
| Wylie |
146a1 པ་སྤྱོད་པའི་ནང་ལོགས་ན་སྤྱོད་པ། ཕྱི་ལོགས་སུ་བྱུང་བ་གཉིས་སུ་མེད་པར་ཞུགས་ཏེ། གཅིག་གི་མཚན་མ་ལ་ཡང་མི་ཆགས་ན། ཐོབ་པ་གཏོང་བ་མེད་དེ། གཅིག་དང་གཅིག་གིས་ཞེས
146a2 བྱ་བ་མེད་ནས། སོ་སོ་ཐ་དད་པའི་ཁྲིམས་གཟུང་བ་མ་ལྡན་ལ། ཕོ་ཤི་ཏར་མ་ཞུགས་མོད་ཀྱི། རང་གི་སེམས་སྤྱད་ནུས། བྱ་བ་མེད་པར་རང་སངས་པར་འཕྲུལ་གྱི་འབྲས་བུ་ཐོབ་སྟེ། ཐེག་པ་གཉིས་ལ
146a3 མི་གནས་ནས་བྱང་ཆུབ་ཀྱི་ལམ་དུ་ཆུད་དེ། ཕྱིས་གང་རྒྱས་པའི་སངས་རྒྱས་ཀྱིས་བྱང་ཆུབ་གྲུབ་བོ། །མཐུ་ཆེན་བྱང་ཆུབ་སེམས་དཔས་གསོལ་པ། བསམ་གྱིས་མི་ཁྱབ་བོ། །དེ་ལྟ་བུའི་མི་ནི་ཁྱིམ་ནས་བྱུང་བ
146a4 ཡང་མ་ལགས། མ་བྱུང་བ་ཡང་མ་ལགས་སོ། །ཅི་ལྟ་ཞེས་བགྱིས་ན། མྱ་ངན་ལས་འདས་པའི་ཁྱིམ་དུ་ཞུགས་པའོ། །ཡང་དག་པར་གཤེགས་པའི་ཆོས་གོས་གྱོན་པའོ། །བྱང་ཆུབ་སེམས་དཔའི་བསྟན
146a5 པ་ལ་འདུག་པ་སྟེ། དེ་ལྟ་བུའི་མི་ལ་ནི་དགེ་སྦྱོང་མན་ཆད་ཀྱིས་ཀྱང་གུས་པར་ཡོན་དབུལ་བའི་རིགས་སོ། །སངས་རྒྱས་ཀྱིས་གསུངས་པ་དེ་ཡིན་ནོ། །ཇི་ལྟ་ཞེ་ན། མྱ་ངན་ལས་འདས་པའི་ཁྱིམ་དུ་ཞུགས་པས་ནི
146a6 སེམས་ཁམས་གསུམ་ལས་འདས་སོ། །ཡང་དག་པར་གཤེགས་པའི་གོས་གྱོན་པས་ནི་ཆོས་ཀྱི་སྟོང་པའི་གནས་སུ་ཆུད་དོ། །བྱང་ཆུབ་ཀྱི་བསྟན་ལ་འདུག་པས་ནི་དྲང་པོའི་ཚོར་བའི་སར་འཛེགས་སོ། །དེ་ལྟ
146a7 བུའི་མིའི་སེམས་ནི་ང་གཉིས་ལས་འདས་ན་དགེ་སློང་གིས་གུས་པར་ཡོན་གསོལ་བ་ལྟ་སྨོས་ཀྱང་ཅི་དགོས། མཐུ་ཆེན་བྱང་ཆུབ་སེམས་དཔས་གསོལ་པ། དེའི་ས་གཅིག་དང་སྟོང་པའི་མཚོ་ཐེག་པ་གཉིས་ཀྱི་མིས
146a8 མི་མཐོང་ལགས་སམ། སངས་རྒྱས་ཀྱིས་གསུངས་པ་དེ་ཡིན་ནོ། །ཐེག་པ་གཉིས་ཀྱི་མི་དེ་ནི་ཏིང་ངེ་འཛིན་གྱི་ལུས་ཐུབ་སྟེ། སྟོང་པའི་མཚོ་དང་ས་གཅིག་ལ་ནི་ཆང་ནད་རྙེད་པ་དང་མཚུངས་སོ། །ར་རོ་སྟེ་མྱོས་པ
iiif viewer powered by OpenSeadragon
