| e-texts navigator |
| Wylie |
145b1 པར་བགྱིས་ལ། ཡང་དག་པའི་དབྱིངས་སུ་ཆུད་པར་རུང་། སངས་རྒྱས་ཀྱིས་གསུངས་པ། བྱང་ཆུབ་སེམས་དཔའ་དེའི་སེམས་ཀྱི་དབུགས་ནི་ཕྱི་ནང་སྤྱད་པས་མངགས་ཏེ། མངགས་པ་བཞིན་དུ་འབབ་ཅིང་རྒྱུ་བས་ཐིགས
145b2 པས་མཚོར་ལངས་ཏེ། གནམ་གྱི་རླུང་གིས་དབའ་བསྐྱོད་པས་ཀླུ་ཆེན་པོ་དངངས་འདྲོགས་སོ། །དངངས་འདྲོགས་པའི་སེམས་ཀྱིས་ན་དབུགས་རྒྱུ་བ་མང་བར་བྱས་སོ། །བྱང་ཆུབ་སེམས་དཔའ་སེམས་ཅན་དེས་གསུམ་མ
145b3 ཉམས་ཤིང་གཅིག་བསྲུང་བར་བྱས་ན་ཡང་དག་པར་གཤེགས་པའི་བསམ་གཏན་དུ་ཆུད་དེ། བསམ་གཏན་གྱི་བསམ་གཏན་ཐུབ་པར་སྤྱད་པས་ན། སེམས་ལ་དབུགས་མེད་དོ། །མཐུ་ཆེན་བྱང་ཆུབ་སེམས་དཔས
145b4 གསོལ་པ། ཇི་ལྟ་བུར་ན་གསུམ་མ་ཉམས་ལ་གཅིག་བསྲུངས་ན། ཡང་དག་པར་གཤེགས་པའི་བསམ་གཏན་དུ་ཆུད་ཅེས་བགྱི། སངས་རྒྱས་ཀྱིས་གསུངས་པ། གསུམ་མ་ཉམས་ཤེས་བྱ་བ་ནི་གྲོལ་ཐར
145b5 གསུམ་མ་ཉམས་པ་གཅིག་བསྲུངས་པ་ནི་སེམས་མི་གཡོ་བ་གཅིག་བསྲུང་ངོ་། །ཡང་དག་པར་གཤེགས་པའི་བསམ་གཏན་དུ་ཆུད་ཅེས་བྱ་བ་ནི་གཞུང་ལ་བཏགས་རྟག་པ་དེ་ལྟ་བུའི་སེམས་ཀྱིས་ནི་ཡང་དག་པའི
145b6 དབྱིངས་སུ་ཆུད་དོ། །མཐུ་ཆེན་བྱང་ཆུབ་སེམས་དཔས་གསོལ་པ། གྲོལ་ཐར་གསུམ་གྱི་ཆོས་ནི་གང་ལ་སོགས་པའི་དོན་ལགས། གཞུང་གིས་བཏགས་པའི་ཏིང་ངེ་འཛིན་ནི་ཆོས་གང་ལ་འཇུག་།སངས་རྒྱས
145b7 ཀྱིས་གསུངས་པ། གྲོལ་ཐར་གསུམ་ཞེས་བྱ་བ་ནི་སྟོང་པའི་གྲོལ་ཐར། རྡོ་རྗེའི་གྲོལ་ཐར། ཤེས་རབ་ཀྱི་གྲོལ་ཐར་ཏོ། །གཞུང་ལ་བཏགས་རྟག་ཞེས་བྱ་བ་ནི་སེམས་གཙང་གཞུང་གཙང་ན། སེམས་མེད་ཅེས
145b8 བྱར་རུང་ངམ། མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་མ་ཉམས་པར་སྤྱད། ཇི་ལྟ་བུར་ན་བརྟག་།སངས་རྒྱས་ཀྱིས་གསུངས་པ། སེམས་རྣམས་གཉིས་སུ་མེད་ན། དེའི་མ་ཉམས
iiif viewer powered by OpenSeadragon
