| e-texts navigator |
| Wylie |
143b1 ཀྱི་ངོ་བོ་ཉིད་ཕྱི་མོ་ནས་སྐྱེ་ཤི་མེད་དོ། །སྐྱེ་ཤི་ངོ་བོ་ཉིད་ཀྱི་ཕྱི་མོ་མྱ་ངན་ལས་འདས་པ་སྟེ། ངོ་བོ་ཉིད་ཀྱི་ཕྱི་མོ་ནས་མི་གཡོ་སྟེ། མི་གཡོ་བ་ལ་གཡོ་བ་མེད་པས་ན། ཆོས་སོ་ཅོག་གི་མཚན་མ་ནི་རྐྱེན་ལས་ལངས་པ་མེད་དོ། །ལངས
143b2 པའི་མཚན་མའི་ངོ་བོ་ཉིད་ནི་མི་གཡོའོ། །མི་གཡོ་ལ་ཅི་ཡང་གཡོ་བ་མེད་དེ། རྐྱེན་གྱི་ངོ་བོ་ཉིད་ཀྱི་མཚན་མ་ཕྱི་མོ་ནས་སྟོང་སྟེ་མེད་ན་རྐྱེན་གྱི་རྐྱེན་དང་། སྟོང་པའི་སྟོང་པ་ལས་རྐྱེན་ལྡང་བ་མེད་དོ། །རྐྱེན་གྱི་ཆོས་སོ་ཅོག་ནི་བསླད
143b3 པའི་སེམས་ཀྱིས་མི་བདེན་པའི་མཚན་མ་མཐོང་ངོ་། །མངོན་པར་ན་ཕྱི་མོ་ནས་མི་སྐྱེའོ། །རྐྱེན་གྱིས་ཕྱི་མོ་ནས་མེད་པས་ན། སེམས་མི་གཡོ་བའི་ཆོས་ཀྱི་གཞུང་ནི་རང་གི་ངོ་བོ་ཉིད་སྟོང་པ་མེད་པའོ། །སྟོང་པའི་རྒྱལ་པོ
143b4 དང་མཚུངས་ཏེ། ཕྱི་མོ་ནས་འདུག་པའི་གནས་མེད་ན། ཐ་མལ་པའི་སེམས་ཀྱི་བདེན་པའི་རྣམ་པར་བརྟགས་པས་མཐོང་ངོ་། །ཡང་དག་པའི་མི་གཡོ་བའི་མཚན་མ་ལ་ཕྱི་མོ་ནས་ཡོད་མེད་དོ། །ཡོད་མེད་ཀྱི་མཚན་མ་ནི
143b5 སེམས་ཀྱི་རྣམ་པར་ཤེས་པ་འབའ་ཞིག་གིས་མཐོང་ངོ་། །བྱང་ཆུབ་སེམས་དཔའ་མི་གཡོ་བའི་སེམས་ཀྱི་ཆོས་ནི་རང་གི་ངོ་བོ་ཉིད་མེད་པ་ལ་མ་ཡིན། རང་གི་ངོ་བོ་ཉིད་ཡོད་པ་ཡང་མ་ཡིན་ཏེ། མི་ཡོང་མི་བྱེད་དོ། །བྱང་ཆུབ
143b6 སེམས་དཔའ་མེད་པ་དང་། མི་བྱེད་པའི་མཚན་མ་ནི་ཚིག་གིས་བཤད་པའི་ས་མེད་དོ། །ཇི་ལྟ་ཞེ་ན། ཡང་དག་པའི་མི་གཡོ་བའི་ཆོས་ནི་སྟོང་པ་ཡངས་པ་སྟེ། མཚན་མ་ནི་མེད་པས་གཉིས་ཀྱིས་ཤེས་པ་མ་ཡིན་ནོ། །
143b7 སྟོང་པའི་ཁམས་ལ་ནི་ཕྱི་ནང་དག་གིས་མི་རིག་སྟེ། དྲུག་སྤྱོད་པའི་དྲི་མས་ན། གདོད་རིག་པར་ནུས་སོ། །མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་དྲུག་སྤྱོད་པ་ཞེས་བགྱི་བཤད་པར་སྨོན་ཏོ། །སངས
143b8 རྒྱས་ཀྱིས་གསུངས་པ། གཅིག་ནི་ཡིད་ཆེས་པ་བཅུ་སྤྱོད་པའོ། །གཉིས་ནི་གནས་བཅུ་སྤྱོད་པའོ། །གསུམ་ནི་སྤྱད་པ་བཅུ་སྤྱོད་པའོ། །བཞི་ནི་བཅུ་བསྒྱུར་ཅིང་ཕྱོགས་པ་སྤྱོད་པའོ། །ལྔ་ནི་བཅུས་པའོ། །
iiif viewer powered by OpenSeadragon
