| e-texts navigator |
| Wylie |
141b1 རིག་ན། ཕྱི་མོའི་བསོད་པ་དང་། ཕྱི་མོའི་ཚོར་བའོ། །ཚོར་བ་གཙང་དང་བ་ལ་གོས་པ་མ་མཆིས་པས་མི་འགྱུར་མི་ལྡོག་སྟེ། ངོ་བོ་ཉིད་ཡང་དག་པར་མི་འགྱུར་བས་ན་བསམ་གྱིས་མི་ཁྱབ་བོ། །སངས་རྒྱས་ཀྱིས་གསུངས
141b2 པ་དེ་ཡིན་ནོ། །ཆགས་མེད་བྱང་ཆུབ་སེམས་དཔས་ཚིག་དེ་སྐད་ཐོས་པ་དང་ཡོད་མ་མྱོང་བ་ཐོས་ཏེ་ཚིགས་སུ་བཅད་པ་བཤད་དོ། །བཙུན་པ་ཚོར་ཆེན་བཙུན་པ་ཡིས། །བསམ་པ་མེད་པའི་ཆོས་སྐྱེ་བཤད། །སེམས་སྐྱེ
141b3 མེད་ཅིང་བསམ་པ་མེད། །སེམས་རྟག་སྐྱེ་ཞིང་ཞི་བ་མེད། །གཅིག་ཚོར་ཕྱི་མོ་ཚོར་བ་བསོད། །གསེར་གྱི་དོང་ཙེ་རྙེད་དང་མཚུངས། །རྙེད་པ་ཉིད་ནི་རྙེད་མ་ཡིན། །དེ་ནས་ཕལ་མང་པོས་ཚིག་དེ་བཤད་པ་ཐོས་ནས་ཀུན་གྱིས
141b4 ཕྱི་མོའི་ཚོར་བའི་བསོད་པ་ཤེས་རབ་ཀྱི་ཕ་རོལ་དུ་ཕྱིན་པ་ཐོབ་བོ། །རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་ལེའུ་ལྔ་སྟེ། ཡང་དག་པ་བདེན་པའི་དབྱིངས་སུ་འཇུག་པའི་ལེའུ་འོ།། །།
141b5 དེ་ནས་ཡང་དག་པར་གཤེགས་པས་ཚིག་འདི་སྐད་དུ་གསུངས་སོ། །བསྐལ་ཏུ་རུང་བའི་སེམས་ཅན་ཕྱིན་ཆད་དུས་གཞན་གྱི་ཚེ་ཡང་ཆོས་འདི་བཞིན་བཤད་པའི་རིགས་སོ། །དུས་དང་བཟོད་པ་ལྷན་མི་ཅིག་གོ། །འགལ་བ་དང་མི
141b6 འགལ་བར་བཤད་པ་འཐུན་པ་ཡང་མེད། ཐ་དད་པ་ཡང་མེད་དེ། མཚན་མ་ཡང་དེ་བཞིན་བཤད་པའི་རིགས་སོ། །ཐམས་ཅད་ཀྱི་ཡིད་ཀྱིས་ཤེས་རབ་དྲངས་ལ། ཐམས་ཅད་མཁྱེན་པའི་ཡེ་ཤེས་ཀྱི་མཚོར་ཚུད་པར་ཕབ
141b7 སྟེ་རུང་བ་རྣམས་སྟོང་པའི་རླུང་ལ་བརླབས་པ་བཞིན་མ་བྱས་པར་ཕལ་དེ་དག་ཀུན་རོ་གཅིག་པའི་འཕྲུལ་གྱིའོ། །མ་ཐོབ་པར་བྱོས་ཤིག་།འཇིག་རྟེན་དང་འཇིག་རྟེན་མེད་པ་ལ་འདུག་པ་དང་། འདུག་པའི་གནས་མེད་པ་སྟོང
141b8 པ་ལྔ་ལ་འབྱུང་བར་འཇུག་པ་དང་། བླང་ཞིང་བཏང་བ་མེད་དོ། །ཇི་ལྟ་ཞེ་ན། ཆོས་རྣམས་ནི་མཚན་མ་སྟོང་པ་སྟེ་ཆོས་ཀྱི་ངོ་བོ་ཉིད་མེད་པ་མེད་དོ། །མེད་པ་མེད་པ་ཡང་མ་ཡིན་ནོ། །མེད་པ་མ་ཡིན་ན་ཡོད་ཀྱང་མེད་དོ། །ཡང
iiif viewer powered by OpenSeadragon
