| e-texts navigator |
| Wylie |
140b1 ངན་ལས་འདས་པ་ལ་འདུག་ན། མྱ་ངན་ལས་འདས་པས་བཅིངས་པ་ཡིན་ནོ། །དེ་ཅིའི་ཕྱིར་ཞེ་ན། མྱ་ངན་ལས་འདས་པ་ནི་ཕྱི་མོ་ཚོར་བ་ལ་ཕན་པ་སྟེ། ཕྱི་མོ་ནས་ཕན་པ་ནི་མྱ་ངན་ལས་འདས་པའོ། །མྱ་ངན་ལས་འདས་པའི་ཚོར
140b2 བའི་ཤས་ཉིད་ཕྱི་མོ་ཚོར་བའི་ཤས་ཡིན་ཏེ། ཚོར་བའི་ངོ་བོ་ཉིད་ཀྱང་ཐ་དད་པ་མེད། མྱ་ངན་ལས་འདས་པ་ཡང་ཐ་དད་པ་མེད་དོ། །ཚོར་བའི་ཕྱི་མོ་ཡང་ཟད་པ་མེད། མྱ་ངན་ལས་འདས་པ་ཡང་ཟད་པ་མེད་དོ། །མྱ་ངན་ལས
140b3 འདས་པའི་ཕྱི་མོ་བས་ན། མྱ་ངན་ལས་འདས་པ་ཐོབ་པ་མེད་དོ། །མྱ་ངན་ལས་འདས་པ་ཐོབ་པ་མེད་ན། ཇི་ལྟ་བུར་འདུག་པ་ཡོད་ཅེས་བྱ། ཕོ་དགེ་བའི་ཚོར་བ་ནི་མྱ་ངན་ལས་འདས་པ་ཡང་མི་ཆགས་སོ། ། དེ་ཅིའི་ཕྱིར
140b4 ཞེ་ན། ཚོར་བ་ནི་ཕྱི་མོ་ནས་སྐྱེ་བ་མེད་དེ། སེམས་ཅན་དྲི་མ་དང་བྲལ་ལོ། །དེ་ལྟ་བུའི་སར་འདུག་པས་སེམས་ལ་འདུག་པའི་གནས་མེད་དེ། འབྱུང་འཇུག་མེད་པས་གཙང་གདང་བའི་ཤེས་པར་ཆུད་དོ། །ཆགས་མེད
140b5 བྱང་ཆུབ་སེམས་དཔས་གསོལ་པ། གཙང་དག་པའི་ཤེས་པ་ལ་ཆུད་པའི་གནས་མཆིས་སམ། གནས་ཐོབ་པ་མཆིས་སམ། དེས་ཆོས་ཐོབ་བམ། སངས་རྒྱས་ཀྱིས་གསུངས་པ་ཡིན་ནོ། །ཇི་ལྟ་ཞེ་ན། བུ་བསླབ
140b6 པ་དང་མཚུངས་ཏེ། ལག་པ་ན་གསེར་གྱི་དོང་ཙེ་ཐོགས་པ་ན་ཡོད་པར་མ་ཤེས་ཏེ། ཕྱོགས་བཅུ་བགྲོད་པ་ནས་ལྔ་བཅུ་ལོན་ཏེ། དབུལ་རྒྱང་ཞིང་ཤིན་ཏུ་ཉེན་མངས་ནས་སློངས་མོ་འབའ་ཤིག་གིས་ལུས་གསོས་ཀྱང་མི་གང
140b7 མི་ཆོག་ནས་དེའི་ཕས་དེ་ལྟ་བུ་ཡོད་པར་མཐོང་ནས་བུ་ལ་སྨྲས་པ། ཁྱེའུ་གསེར་གྱི་དོང་ཙེ་ཁྱེར་བ་ཅིའི་ཕྱི་ནས་བླངས་ཏེ་མ་སྤྱད་ལ། ཡིད་ལ་ཅི་དགོས་པ་ཆོག་པར་མི་བྱ། བུ་དེས་དྲན་ནས་གསེར་གྱི་དོང་ཙེ་རྙེད་དེ་སེམས་ལ
140b8 ཤིན་ཏུ་དགའ་ནས་དོང་ཙེ་རྙེད་ཅེས་ཟེར་རོ། །ཕས་བུ་བསླབ་པ་ལ་སྨྲས་པ། ཁྱོད་དགར་མ་བྱེད་ཅིག་།གསེར་གྱི་དོང་ཙེ་རྙེད་པ་ནི་ཁྱོད་ཉིད་ཀྱི་ནོར་ཡིན་ཏེ། ཁྱོད་ཀྱིས་གུད་ནས་རྙེད་པ་མ་ཡིན་ན་ཇི་ལྟ་བུར་དགར་རུང་།
iiif viewer powered by OpenSeadragon
