| e-texts navigator |
| Wylie |
140a1 རྡོ་རྗེ་ཡེ་ཤེས་ཀྱི་སར་ཆུད་དོ། །གྲོལ་ཐར་གྱི་ལམ་ཆད་དོ། །ཆད་ན་ཆགས་པ་མེད་པའི་སར་ཆུད་དེ་འབྱུང་འཇུག་མེད་དོ། །སེམས་ལ་འདུག་པ་མེད་པ་ལ་གནས་ན་ཡང་དག་པར་མི་འགྱུར་བའི་ངོ་བོ་ཉིད་ཀྱིས་ཏེ།
140a2 ས་ནི་གཙང་གདང་སྟེ་བཻ་དཱུརྱ་གཙང་མ་དང་མཚུངས་སོ། །ངོ་བོ་ཉིད་རྣམ་པར་མཉམ་སྙོམས་པ་ནི་ས་ཆེན་པོ་དང་མཚུངས་སོ། །ཡེ་ཤེས་དེར་ཆུད་པ་ནི་སངས་རྒྱས་ཀྱི་སར་ཆུད་པ་ཡིན་ནོ། །ཡེ་ཤེས་ཀྱི་སར་ཆུད་ན་རྣམ་པར་ཤེས་པ་རྣམས
140a3 མི་སྐྱེའོ། །ཆགས་མེད་བྱང་ཆུབ་སེམས་དཔས་གསོལ་པ། ཡང་དག་པར་གཤེགས་པས་བཤད་དོ། །འཚལ་ནི་ཚོར་བ་གཅིག་གི་འཕྲུལ་སྟོབས་ཏེ། རྒྱལ་པོ་ཆེན་པོ་བཞིའི་ཡེ་ཤེས་ཀྱི་སའོ། །སེམས་ཅན་ཐམས་ཅད་ཀྱི
140a4 རྩ་བའི་ཕན་བསོད་དོ། །ཇི་ལྟ་ཞེས་བགྱིས་ན། སེམས་ཅན་ཐམས་ཅད་ཀྱི་ལུས་ཀྱི་ནང་ན་ཕྱི་མོ་ནས་སུ་གང་བར་རྒྱས་སོ། །སངས་རྒྱས་ཀྱིས་གསུངས་པ་དེ་ཡིན་ནོ། །ཇི་ལྟ་ཞེ་ན། སེམས་ཅན་ཐམས་ཅད་ནི་ཕྱི་ནས་ཟག་པ་མེད་དེ།
140a5 དགེ་བ་རྣམས་ཀྱིས་ཕན་པའི་ཕྱི་མོ་ནི་འདོད་པའི་ཕན་པ་ཡོད་པ་ནི་མ་ཁུམས་མ་ཐུལ་བའི་ཕྱིར་རོ། །ཆགས་མེད་བྱང་ཆུབ་སེམས་དཔས་གསོལ་པ། སེམས་ཅན་ལ་ལ་ཕྱི་མོའི་ཕན་པ་མ་ཐོབ་ཚོར་ཞིང་སྡུད་པ་མ་མཆིས་ན་ཇི་ལྟར
140a6 གདུལ་དཀའ་བ་བས་དབབ་ཅིང་གདུལ། སངས་རྒྱས་ཀྱིས་གསུངས་པ། འདུག་ཀྱང་རུང་། འབའ་ཤིག་འགྲོ་ཡང་རུང་རྣམ་པར་རྟོག་པ་དང་གོས་པ་ཡང་རུང་། ཡིད་བསྒྱུར་ཏེ་ཕུང་བར་འདུག་ན་ཁུགས་ཤིང་ཐུལ་བ། དཀའ
140a7 བ་ཁུགས་ཐུལ་བ། བདུད་ཀྱིས་བཅིངས་པ་ལས་གྲོལ་ཐར་ནས་སང་ཞེས་བྱེད་དེ། ས་ཐང་ཡངས་པ་ལ་འདུག་པ་དང་མཚུངས་ནས་རྣམ་པར་ཤེས་པ་དང་། ཕུང་པོ་མྱ་ངན་ལས་འདས་སོ། །ཆགས་མེད་བྱང་ཆུབ་སེམས
140a8 དཔས་གསོལ་པ། སེམས་ཀྱིས་མྱ་ངན་ལས་འདས་པ་ཐོབ་སྟེ། གཅིག་པུ་གྲོགས་མ་མཆིས་ན། རྟག་པར་མྱ་ངན་ལས་འདས་པ་ལ་གནས་པས་གྲོལ་ཐར་པའི་རིགས་སོ། །སངས་རྒྱས་ཀྱིས་གསུངས་པ། མྱ
iiif viewer powered by OpenSeadragon
