| e-texts navigator |
| Wylie |
136b1 སོ། །སངས་རྒྱས་ཀྱིས་གསུངས་པ་མ་ཡིན་ནོ། །ཅི་ལྟ་ཞེ་ན། ཐོབ་པ་ཡང་མེད། མནགས་པ་ཡང་མེད་ན་དེ་ནི་ཐོབ་པ་ཡོད་པ་ཡིན་ནོ། །ཐོབ་པ་ཡོད་ཆགས་པ་ཡོད་ན་དེ་ནི་སྐྱེ་བ་ཡོད་པ་ཡིན་ནོ། །སྐྱེ་བ་ཡོད་ལ་ཐོབ་པ་ཡོད
136b2 ན་ཐོབ་པ་ཡོད་པའི་ཆོས་ཏེ། ཀུན་ཀྱང་སྒྱུ་མ་མི་བདེན་པ་ཡིན་ནོ། །སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བཙུན་པ་ཇི་ལྟ་བུར་ན་མནགས་པ་མ་མཆིས། སྐྱེ་བ་མ་མཆིས་པའི་སེམས་སྒྱུ་མ་མི་བདེན་པ་ལགས
136b3 ཤེས་བགྱི། སངས་རྒྱས་ཀྱིས་གསུངས་པ། མནགས་པ་མེད་སྐྱེ་བ་མེད་པའི་སེམས་ཤེས་བྱ་བ་ནི་སེམས་ལ་བཟུང་བ་དང་། མཚན་མ་མེད་དེ། དཔེར་ན་མེའི་རང་བཞིན་དང་མཚུངས་ཏེ་ཤིང་གི་ནང་ན་འདུག་མོད་ཀྱི་ག་ལ་འདུག་པའི
136b4 གནས་མེད་དོ། །རང་བཞིན་མི་འགྱུར་ཡང་དག་ན། མིང་དང་མཁན་ཡོད་དུ་ཟད་ཀྱི་རང་བཞིན་བཙལ་དུ་མི་རྙེད་དོ། །དེའི་གཞུང་བརྗོད་པའི་ཕྱིར་མིང་བརྙན་མ་བཤད་ན། མིང་རྙེད་པར་མི་རུང་ནས་སེམས་ཀྱི་མཚན་མ་ཡང་དེ་བཞིན་ཏེ
136b5 གནས་མི་མཐོང་ངོ་། །སེམས་དེ་ལྟ་བུ་ཡིན་པར་རིག་ན་གདོད་སྐྱེ་བའི་སེམས་མེད་དོ། །ཕོ་དགེ་བའི་སེམས་དེའི་རང་བཞིན་གྱི་མཚན་མ་ནི་ཤིང་ཏོག་ཨ་མ་ལི་ཀ་དང་མཚུངས་ཏེ། ཕྱི་མོ་རང་ལས་ཀྱང་མ་སྐྱེས། གཞན་ལས
136b6 ཀྱང་མ་སྐྱེས། ཕྱི་ལས་ཀྱང་མ་སྐྱེས། རྒྱུ་རྐྱེན་མཆེད་ལས་སྐྱེས་པ་ཡང་མ་ཡིན། སྐྱེ་བ་ཡང་མེད། ཅི་ལྟ་ཞེ་ན། རྐྱེན་བརྗེས་ཤིང་འདས་པའི་ཕྱིར་རོ། །རྐྱེན་གཡོས་པ་ཡང་སྐྱེ་བ་མེད། རྐྱེན་འདས་པ་ལ་ཞི
136b7 བ་མེད་དེ་མངོན་པ་དང་མི་མངོན་པའི་མཚན་མ་མེད་དོ། །ཕྱི་མོ་གཞུང་སྟོང་ཞིང་ཞི་སྟེ། མེད་པའི་གནས་ན་འདུག་པས་འདུག་པའི་གནས་སུ་མི་མཐོང་སྟེ། ངོ་བོ་ཉིད་ཡང་དག་པར་མི་འགྱུར་བས་ཡང་དག་པར་མི
136b8 འགྱུར་བའི་ངོ་བོ་ཉིད་ནི་གཅིག་ཀྱང་མི་གཅིག་། ཐ་དད་མི་དད། མི་རྟག་མི་ཆད། མི་ཞུགས་མི་འབྱུང་། མི་སྐྱེ། མི་ཤི་སྟེ་སྐུར་པ་དང་གཞི་དང་བྲལ་ལ། སྨྲ་བའི་ཚིག་གི་ལམ་བཅད་དོ། །སྐྱེ་བ་མེད་པའི་སེམས
iiif viewer powered by OpenSeadragon
