| e-texts navigator |
| Wylie |
132b1 པ་ལས་ལངས་ནས་ཐལ་མོ་སྦྱར་པུས་མོ་བཙུགས་ཏེ་སངས་རྒྱས་ལ་གསོལ་པ། བཙུན་པ་སངས་རྒྱས་འདས་ཏེ་གཤེགས་པའི་སླད་ན། དྲང་པོའི་ཆོས་ནི་འཇིག་རྟེན་ནས་འདས་གཟུགས་ཀྱི་ཆོས་འཇིག་རྟེན་ན་སྤྱོད་དེ། བསྐལ
132b2 པ་ཐ་མའི་ཚེ་རྙོག་པ་ལྔའི་སེམས་ཅན་ངན་པའི་ལས་རྣམས་མང་པོས་ཁམས་གསུམ་ལ་འཁོར་ལོ་བཞིན་དུ་བསྐོར་ཏེ། འབྱུང་བའི་དུས་མ་མཆིས་པའི་ཚེ་སངས་རྒྱས་བྱམས་པའི་ཐུགས་རྗེས་སེམས་ཅན་ཕྱི་མའི་སླད་དུ་མི
132b3 འགྱུར་བ་ཡང་དག་པའི་བདེན་པའི་ཆོས་ཀྱི་རོ་གཅིག་པ་བཤད་དེ་སེམས་ཅན་དེ་དག་ལ་སོགས་པ་འཐུན་པར་གྲོལ་ཐར་པར་བགྱིར་སྨོན་ཏོ། །སངས་རྒྱས་ཀྱིས་གསུངས་པ། སྐྱེས་བུ་དགེ་བ་ཁྱོད་ང་ལ་འཇིག་རྟེན
132b4 ནས་འབྱུང་བའི་རྒྱུ་འདི་འདྲ་བ་མཁས་ཏེ། སེམས་ཅན་ལ་བསྟན་ལ་སེམས་ཅན་དེ་དག་འཇིག་རྟེན་ལས་བྱུང་བའི་འབྲས་བུ་ཐོབ་པར་བྱ་བ་ནི་དོན་ཆེན་པོ་གཅིག་ཡིན་ཏེ་བསམ་གྱིས་མི་ཁྱབ་བོ། །བྱམས་པ་ཆེན
132b5 པོ་སྤྱད། སྙིང་རྗེ་ཆེན་པོ་སྤྱད་པའི་ཕྱིར་ངས་མ་བཤད་ན་སེར་སྣ་དང་བརྐམ་པའི་ནང་དུ་ལྟུང་ངོ་། །ཁྱེད་ལ་སོགས་པ་སེམས་གཅིག་ཏུ་རྟོགས་པར་ཉོན་ཅིག་དང་ཁྱོད་ལ་དགྲོལ་ཞིང་བཤད་དོ། །སྐྱེས་བུ་དགེ
132b6 བ་སེམས་ཅན་ལ་སྟོན་སློབ་པ་སྟོན་པའི་སེམས་སྐྱེ་བ་ཡང་མེད། མི་སྟོན་པའི་སེམས་སྐྱེ་བ་ཡང་མེད་ན་དེ་ནི་སྟོན་པ་ཆེན་པོ་ཞེས་བྱ་སྟེ། དེ་ནི་སེམས་ཅན་ཀུན་ངའི་སེམས་དང་བྲལ་བའོ། །ངའི་སེམས
132b7 ཐམས་ཅད་ཕྱི་མོ་ནས་སྟོང་པ་མི་གཡོ་བ་སྟེ། སྟོང་པའི་སེམས་ཐོབ་ནས་སེམས་སྒྱུ་མར་སྤྲུལ་པ་མེད་དོ། །སྒྱུ་མ་ཡང་མེད་དོ། །སྤྲུལ་པ་ཡང་མེད་ན་གདོད་སྐྱེ་བ་མེད་པ་འཐོབ་བོ། །སྐྱེ་བ་མེད་པའི
132b8 སེམས་ནི་སྤྲུལ་པ་གནས་སོ། །གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ་སེམས་ཅན་གྱི་སེམས་ཀྱི་ངོ་བོ་ཉིད་ཕྱི་མོ་ནས་སྟོང་ཞིང་མི་གཡོའོ། །སྟོང་ཞིང་མི་གཡོ་བའི་སེམས
iiif viewer powered by OpenSeadragon
