| e-texts navigator |
| Wylie |
132a1 བཤད་པ་ཀུན་ཀྱང་གཞུང་རོ་གཅིག་།མི་བདེན་ཐམས་ཅད་ཀུན་དང་བྲལ། །སངས་རྒྱས་ཡེ་ཤེས་ས་ལ་བཞུགས། །མི་འགྱུར་ཡང་དག་བདེན་པའི་དབྱིངས། །ཆོས་ཀུན་འཇིག་རྟེན་ཁམས་ལས་བྱུང་། །
132a2 མ་གྲོལ་མ་ཐར་ཡོང་ཡེ་མེད། །གྲངས་མེད་བྱང་ཆུབ་སེམས་དཔའ་རྣམས། །ཐམས་ཅད་ཀུན་ཀྱང་སེམས་ཅན་གྲོལ། །ཕལ་ཕྱིར་ཡངས་ཤིང་ཟབ་པ་དྲིས། །སྟོང་པ་ཞི་བའི་ཆོས་མཚན་རིག་།མི་འགྱུར་གནས
132a3 པའི་དེ་རུ་རིག་། ཡང་དག་གཤེགས་པའི་ཡེ་ཤེས་ཐབས། །དེ་ཕྱིར་མངོན་བཞུགས་བདེན་པ་འཆང་། །ཀུན་ཀྱང་ཐེག་པ་གཅིག་བཞིན་འབྲང་། །གོ་བདུན་རྣམས་ཀྱི་རོ་བྲོ་མེད། །དཔེ་རུ་ཆར་གཅིག་རླན་གྱིས་སུ། །
132a4 རྩཝ་རྣམས་ཐམས་ཅད་ཀུན་རྒྱས་ནས། །སོ་སོའི་རང་བཞིན་ཐ་དད་དོ། །ཆོས་རོ་གཅིག་གིས་བདས་པ་ནི། །ཐམས་ཅད་ཀུན་ཏུ་ཁྱབ་པར་གང་། །དཔེར་རུ་ཆར་དེས་བདས་དང་འདྲ། །ཀུན་ཀྱང་བྱང་ཆུབ་མྱུ་གུ་སྐྱེ། །
132a5 རྡོ་རྗེ་རྡོ་འདྲ་དེ་རུ་ཞུགས། །ཡང་དག་བདེན་ཐུབ་ཆོས་བཤད་དེ། །འགྱུར་དོགས་པའི་འགྱོད་པ་བཅད། །ཚོགས་གཅིག་རྒྱས་བཏབ་ཀུན་ཀྱང་འགྲུབ། །རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེའི་ལེའུ་གཉིས་ཏེ་མཚན་མ
132a6 མེད་པའི་ཆོས་ཀྱི་ལེའུ་འོ། ། །། དེ་ནས་བཙུན་པ་ཏིང་ངེ་འཛིན་ལས་བཞིངས་ནས་འདི་སྐད་ཅེས་གསུངས་སོ། །སངས་རྒྱས་ཡེ་ཤེས་ཀྱིས་ནི་ཡང་དག་པའི་ཆོས་ཀྱི་མཚན་མར་ཞུགས་ཏེ།
132a7 ངོ་བོ་ཉིད་མི་འགྱུར་བའི་ཕྱིར་རོ། །ཐབས་ཀྱི་རྫུ་འཕྲུལ་ཀུན་ཀྱང་མཚན་མ་ཡང་མེད། ཕན་པ་ཡང་མེད་ཚོགས་པ་གཅིག་གིས་གཞུང་རྟོགས་པས་ནི་ཤེས་པར་ཡང་དཀའ་ཆུད་པར་ཡང་དཀའ་སྟེ། ཐེག་པ་གཉིས་མཐོང
132a8 བ་དང་ཤེས་པ་ནི་གནས་མ་ཡིན་ནོ། །སངས་རྒྱས་དང་བྱང་ཆུབ་སེམས་དཔའ་འབའ་ཞིག་ཤེས་པར་ནུས་སོ། །སེམས་ཅན་བསྒྲལ་དུ་རུང་བ་རྣམས་ལ་རོ་གཅིག་པུ་བཤད་དོ། །དེའི་ཚེ་གྲོལ་ཐར་བྱང་ཆུབ་སེམས་དཔའ་འདུག
iiif viewer powered by OpenSeadragon
