| e-texts navigator |
| Wylie |
131b1 འབྱོར་དང་། དེ་ལྟ་བུ་ལ་སོགས་པ་དང་། ཡང་དགྲ་བཅོམ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མི་ཉིས་སྟོང་དང་ལྷན་ཅིག་སྟེ། དེའི་མིང་ལ་གྲོལ་ཐར་དང་། བྱང་ཆུབ་སེམས་དཔའ་སེམས་ཀྱི་རྒྱལ་པོ
131b2 དང་། བྱང་ཆུབ་སེམས་དཔའ་ཆགས་མེད་དང་། བྱང་ཆུབ་སེམས་དཔའ་དེ་ལྟ་བུ་ལ་སོགས་པའི་བྱང་ཆུབ་སེམས་དཔའ་དང་། ཡང་ཡ་རབས་ཀྱི་མི་བརྒྱད་ཁྲི་ཡོད་པ་དང་ལྷན་ཅིག་སྟེ། དེའི་མིང་ལ་ཡ་རབས་ཚངས་པར་སྤྱོད་པ
131b3 དང་། ཡ་རབས་ཚངས་པར་སྤྱོད་པ་ཆེན་པོ་ཡ་རབས་ཞུ་ཏེ་དང་དེ་ལྟ་བུ་ལ་སོགས་པ་དང་ཡང་ལྷན་ཅིག་ལྷ་དང་། གནོད་སྦྱིན་དང་དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ལ
131b4 སོགས་པ་འབུམ་ཁྲི་ཕྲག་དྲུག་བཅུ་ཡོད་དེ། དེའི་བཙུན་མོ་ཕལ་མང་པོས་འཁོར་བར་བསྐོར་ནས་ཕལ་མང་པོ་རྣམས་ལ་ཐེག་པ་ཆེན་པོའི་ཆོས་ཀྱི་མིང་རོ་གཅིག་པ་ཡང་དག་པའི་བདེན་པ། མཚན་མ་མེད་པ། སྐྱེ་བ་མེད་པ།
131b5 བདེན་པ་མི་འགྱུར་བའི་དབྱིངས་ཕྱི་མོའི་ཚོར་བ་ཕན་པ་སྤྱོད་པ་བཤད་དོ། །ལ་ལ་ཞིག་གིས་ཡི་གེ་འདི་ཐོས་ཏེ་ཚིག་བཞི་ལེའུ་གཅིག་པ་ཡན་ཅད་མནོས་ཏེ་གཟུངས་སུ་བཟུང་བའི་མི་དེས་སངས་རྒྱས་ཀྱི་ཡེ་ཤེས་ཀྱི་སར་ཆུད་ཅེས་བྱའོ། །ཐབས་སྤྱད
131b6 དེ་སེམས་ཅན་ལ་བསྟན་བསླབས་ནས་སེམས་ཅན་གྱི་དགེ་བའི་བཤེས་གཉེན་ཆེན་པོ་བྱ་ནུས་སོ། །སངས་རྒྱས་ཀྱི་ཡི་གེ་བཤད་ཟིན་ནས། སྐྱིལ་མོ་དཀྲུང་དུ་བཞུགས་ནས་མོད་བཞིན་རྡོ་རྗེའི་ཏིང་ངེ་འཛིན་དུ་བཞུགས་ཏེ་ལུས་དང་སེམས་མི
131b7 གཡོ། དེའི་ཚེ་ཕལ་མང་པོའི་ནང་ན་དགེ་སློང་མིང་ཨ་ག་སྟ་ཞེས་བྱ་བ་ཞིག་ཡོད་པ་འདུག་པ་ལས་ལངས་ཏེ་ཐལ་མོ་སྦྱར་པུས་མོ་ས་ལ་བཙུགས་ནས་ཡིད་ཀྱི་གཞུང་བཟླས་པར་བྱས་ཏེ་ལེའུ་ཚིགས་སུ་བཅད་པ་བཤད་དོ། །བྱམས
131b8 པ་ཆེན་པོ་མཆོག་ཏུ་བཙུན། །ཤེས་རབ་སྤྱོད་པས་ཐོགས་པ་མེད། །སེམས་ཅན་རྒྱ་ཆེན་བསྒྲལ་བའི་ཕྱིར། །བདེན་པ་གཅིག་གིས་གཞུང་སྤྱད་པ། །སྤྱད་པ་ཀུན་ཀྱང་རོ་གཅིག་ལམ། །མཐའ་རུ་ཐེག་ཆུང་མི་སྤྱོད་པ། །
iiif viewer powered by OpenSeadragon
