| e-texts navigator |
| Wylie |
302b1 སྐད་ཅིག་དོན་དུ་ངས་བཤད་དེ། །དངོས་པོ་སྐྱེས་ནས་འཇིག་པར་ནི། །བྱིས་པ་རྣམས་ལ་མི་འཆད་དོ། །བར་ཆད་མེད་པར་རྒྱུན་ཆགས་དངོས། །རྣམ་པར་རྟོག་པས་ཡོངས་སུ་བསྒོས། །མ་རིག་པ་ནི་རྒྱུ་བྱེད་དེ། །སེམས་ནི་དེ་ལས་རབ་ཏུ་འབྱུང་། །
302b2 ཇི་སྲིད་གཟུགས་དག་མ་སྐྱེས་པ། །དེ་ཡི་བར་དུ་ཕྱོགས་ཅི་ཡོད། །ཞིག་པར་གྱུར་མ་ཐག་ཏུ་ནི། །སེམས་གཞན་དེའི་རྗེས་སུ་སྐྱེ། །གཟུགས་ནི་དུས་སུ་མི་གནས་ན། །ཅི་ལ་དམིགས་ཏེ་འབྱུང་བར་འགྱུར། །དེ་དག་ལས་ནི་རབ་འབྱུང་ཕྱིར། །
302b3 ཡང་དག་མ་ཡིན་རྒྱུ་ལས་སྐྱེས། །ཇི་ལྟར་གྲུབ་པ་མེད་པ་དེས། །སྐད་ཅིག་འཇིག་པར་རབ་ཏུ་ཤེས། །རྣལ་འབྱོར་ཅན་གྱི་སྙོམས་འཇུག་དང་། །རྡོ་རྗེ་སངས་རྒྱས་རིང་བསྲེལ་དང་། །འོད་གསལ་གནས་ཀྱི་གཞལ་མེད་ཁང་། །
302b4 འཇིག་རྟེན་མི་འཇིག་དངོས་པོའོ། །ཡང་དག་ཆོས་ཐོབ་གནས་པ་དང་། །དེ་བཞིན་གཤེགས་མཁྱེན་ཕུན་སུམ་ཚོགས། །དགེ་སློང་མཉམ་པ་ཉིད་ཐོབ་རྣམས། །སྐད་ཅིག་མར་ནི་ཇི་ལྟར་མཐོང་། །དྲི་ཟ་སྒྱུ་མ་ལ་སོགས་པའི། །
302b5 གཟུགས་རྣམས་སྐད་ཅིག་ཡོད་མ་ཡིན། །ཡང་དག་མ་ཡིན་གཟུགས་སོགས་ལ། །ཡང་དག་ཉིད་དུ་ལྟ་བར་བྱེད། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
302b6 བཅོམ་ལྡན་འདས་ཀྱིས་ཇི་སྐད་དུ་དགྲ་བཅོམ་པ་རྣམས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ལུང་བསྟན་པས་བྱང་ཆུབ་སེམས་དཔའ་རྣམས་དང་མཚུངས་ཤིང་བྱེ་བྲག
302b7 མ་མཆིས་པར་འགྱུར་རོ། །གལ་ཏེ་སེམས་ཅན་རྣམས་མྱ་ངན་ལས་འདའ་བའི་ཆོས་ཅན་ལགས་ན་སུ་ཞིག་མངོན་པར་རྫོགས་པར་བྱང་ཆུབ་པར་འགྱུར། །གཞན་ཡང་ཇི་སྲིད་དུ་དེ་བཞིན་གཤེགས་པ་གང་གི་ནུབ་མོ་བླ་ན་མེད་པ་ཡང
302b8 དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ནས་གང་གི་ནུབ་མོ་ཡོངས་སུ་མྱ་ངན་ལས་འདས་པ་དེའི་བར་དུ་ཡི་གེ་གཅིག་ཀྱང་མ་གསུངས། ལན་བཏབ་པ་ཡང་མེད་ཅེས་བཀའ་སྩལ། གཞན་ཡང་དེ་བཞིན
iiif viewer powered by OpenSeadragon
