| e-texts navigator |
| Wylie |
297a1 ལས་སྐྱེས་པ། དབང་ཕྱུག་དང་། དུས་དང་། རྡུལ་ཕྲ་མོ་དང་། གཙོ་བོ་ལས་བྱུང་བ་མ་ཡིན་པར་མ་ཤེས་ནས་བྱིས་པ་སོ་སོའི་སྐྱེ་བོ་རྣམས་མིང་དང་། རྒྱུ་མཚན་གྱི་རྗེས་སུ་འབྲང་ངོ་། །དེ་ལ་བློ་གྲོས་ཆེན་པོ་རྒྱུ་མཚན་དེ་ཡང་མིག་གི་རྣམ་པར་ཤེས
297a2 པས་སྣང་བར་བྱ་བ་ནི་གཟུགས་ཤེས་བྱའོ། །དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པས་སྣང་བར་བྱ་བ་ནི་སྒྲ་དང་། དྲི་དང་། རོ་དང་། རེག་བྱ་དང་། ཆོས་ཤེས་བྱ་སྟེ། འདི་ནི་རྒྱུ་མཚན་ཞེས་བྱའོ། །བློ་གྲོས་ཆེན་པོ་རྣམ་པར་རྟོག
297a3 པ་དེ་ནི་གང་གིས་མིང་མང་པོར་བཏགས་ནས་མཚན་མ་རྣམས་གསལ་བར་བྱེད་པ་སྟེ། འདི་ནི་དེ་བཞིན་གྱི་གཞན་དུ་མ་ཡིན་ནོ་ཞེས་གླང་པོ་ཆེ་དང་། རྟ་དང་། ཤིང་རྟ་དང་། རྐང་ཐང་དང་། སྐྱེས་པ་དང་། བུད་མེད་ལ་སོགས་པའི་མིང་གང་ཡིན་པ་དེ་ནི་རྣམ
297a4 པར་རྟོག་པ་ཞེས་བྱའོ། །བློ་གྲོས་ཆེན་པོ་ཡང་དག་པའི་ཡེ་ཤེས་གང་གིས་མིང་དང་། རྒྱུ་མཚན་དེ་དག་མི་དམིགས་ཤིང་ཕན་ཚུན་འགྲོ་བའི་འགྲོན་པོ་དང་མཚུངས་ཏེ། རྣམ་པར་ཤེས་པ་རྣམས་མི་སྐྱེ་བས་རྟག་པ་མེད་པ། ཆད་པ་མེད་པས
297a5 མུ་སྟེགས་ཅན་དང་། ཉན་ཐོས་དང་། རང་སངས་རྒྱས་ཐམས་ཅད་ཀྱི་སར་མི་ལྟུང་བའོ། །གཞན་ཡང་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཡང་དག་པའི་ཡེ་ཤེས་དེས་མིང་དང་། རྒྱུ་མཚན་རྣམ་པར་འཇོག་པར
297a6 ཡང་མི་བྱེད་ལ། མིང་དང་རྒྱུ་མཚན་རྣམ་པར་མི་གཞོག་པ་ཡང་མ་ཡིན་པས་ལྟ་བ་གཉིས་སུ་སྒྲོ་འདོགས་པ་དང་། སྐུར་པ་འདེབས་པ་ཡོངས་སུ་སྤོང་བར་བྱེད་དོ། །མིང་དང་རྒྱུ་མཚན་མི་སྐྱེ་བ་ནི་དེ་བཞིན་ཉིད་ཅེས་བྱའོ། །བློ་གྲོས་ཆེན་པོ་བྱང
297a7 ཆུབ་སེམས་དཔའ་སེམས་དཔའ་ཆེན་པོ་དེ་བཞིན་ཉིད་ལ་གནས་པ་ནི་སྣང་བ་མེད་པའི་སྤྱོད་ཡུལ་ཐོབ་པའི་ཕྱིར་བྱང་ཆུབ་སེམས་དཔའི་ས་རབ་ཏུ་དགའ་བ་འཐོབ་སྟེ། བྱང་ཆུབ་སེམས་དཔའི་ས་རབ་ཏུ་དགའ་བ་ཐོབ་ནས་མུ་སྟེགས་ཅན
297a8 དང་ངན་སོང་གི་འགྲོ་བ་ཐམས་ཅད་ལས་ཤིན་དུ་འདས་ཤིང་འཇིག་རྟེན་ལས་འདས་པའི་ཚུལ་ལ་ཡང་དག་པར་གནས་པ། ཆོས་ཀྱི་མཚན་ཉིད་ལ་འདྲིས་པ། སྒྱུ་མ་ལྟ་བུ་ལ་སོགས་པའི་ཆོས་ཐམས་ཅད་རྣམ་པར་འབྱེད་པ། རང་གིས་རིག་པའི
iiif viewer powered by OpenSeadragon
