| e-texts navigator |
| Wylie |
296a1 སེམས་དཔའ་ཤེས་རབ་ཅན་རྣམས་ཀྱི་སྤྱོད་ཡུལ་ཡིན་ཏེ། དེ་ལྟ་བས་ན་བློ་གྲོས་ཆེན་པོ་ཁྱོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་གིས་དེ་བཞིན་གཤེགས་པའི་སྙིང་པོ་ཀུན་གཞི་རྣམ་པར་ཤེས་པ་འདི་ལ་རབ་ཏུ
296a2 བརྩོན་ཞིང་བསླབ་པར་བྱ་སྟེ། ཐོས་པ་དང་། ཤེས་པ་ཙམ་གྱིས་ཆོག་པའི་འདུ་ཤེས་སུ་མི་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །ཟབ་མོ་དེ་བཞིན་གཤེགས་པ་ཡི། །སྙིང་པོ
296a3 རྣམ་ཤེས་བདུན་དག་དང་། །ལྷན་ཅིག་འཛིན་གཉིས་རབ་ཏུ་འཇུག་།མཁས་པ་དག་ནི་ཡོངས་སུ་སྤོང་། །མེ་ལོང་གཟུགས་བཞིན་སེམས་སྣང་སྟེ། །ཐོག་མ་མེད་ནས་བག་ཆགས་བསྒོས། །ཡང་དག་ཇི་བཞིན་རབ་རྟོགས་ན། །དངོས་པོ་རྣམས་ནི
296a4 དངོས་པོ་མེད། །ཇི་ལྟར་བྱིས་པ་སོར་མོའི་རྩེར། །འཛིན་ཅིང་ཟླ་བ་མི་ལྟ་བ། །དེ་བཞིན་ཡི་གེར་ཞེན་པ་རྣམས། །ང་ཡི་ཡང་དག་མཐོང་མི་འགྱུར། །སེམས་ནི་གར་མཁན་བཞིན་དུ་གནས། །ཡིད་ནི་རམ་བུ་ཐོག་པ་འདྲ། །རྣམ་ཤེས་ལྔ་ནི་གྲོགས་ལྟ་བུ། །རྣམ
296a5 རྟོག་གར་རྣམས་རབ་ཏུ་ལྟ། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཆོས་ལྔ་དང་། རང་བཞིན་དང་། རྣམ་པར་ཤེས་པ་དང་། བདག་མ་མཆིས་པ་གཉིས་ཡོངས
296a6 སུ་རྟོགས་པར་འགྱུར་བ་རྣམ་པར་དབྱེ་བའི་མཚན་ཉིད་བཤད་དུ་གསོལ། དེས་བདག་དང་བྱང་ཆུབ་སེམས་དཔའ་གཞན་རྣམས་ཀྱང་ས་ཐམས་ཅད་ཀྱི་གོ་རིམས་ཀྱི་མཚམས་སྦྱོར་ཞིང་ཆོས་འདི་དག་རྣམ་པར་དབྱེ་བ་དང་། སངས་རྒྱས་ཀྱི
296a7 ཆོས་ཐམས་ཅད་ཀྱི་རྗེས་སུ་འཇུག་པར་འགྱུར་ཏེ། སངས་རྒྱས་ཀྱི་ཆོས་ཐམས་ཅད་ཀྱི་རྗེས་སུ་ཞུགས་པ་ནི་དེ་བཞིན་གཤེགས་པའི་རང་གིས་རིག་པའི་སའི་བར་དུ་འཇུག་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། བློ་གྲོས
296a8 ཆེན་པོ་ལེགས་པར་ཉོན་ལ་ཡིད་ལ་ཟུང་ཤིག་། བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། དེ་བཞིན་དུ་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ཆོས་ལྔ་དང་། རང་བཞིན་དང་། རྣམ་པར
iiif viewer powered by OpenSeadragon
