| e-texts navigator |
| Wylie |
294a1 ཉིད་དེ། ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་རྣམས་ཀྱི་བར་ཆད་མེད་པའི་གནས་པ་ནི་ནམ་མཁའ་ལ་མི་གནས་ཏེ། བྱིས་པ་སོ་སོའི་སྐྱེ་བོ་རྣམས་ཀྱིས་ཁོང་དུ་ཆུད་པར་བྱ་བ་ཡང་མ་ཡིན་ནོ། །བློ་གྲོས་ཆེན་པོ་དེ
294a2 བཞིན་གཤེགས་པ་རྣམས་ཀྱི་ཐུགས་སུ་ཆུད་པའི་ཡེ་ཤེས་ནི་ཤེས་རབ་ཀྱིས་ཡོངས་སུ་བསྒོས་པ་ཡིན་གྱི། བློ་གྲོས་ཆེན་པོ་དེ་བཞིན་གཤེགས་པ་ནི་སེམས་དང་། ཡིད་དང་། ཡིད་ཀྱི་རྣམ་པར་ཤེས་པ་དང་། ཕུང་པོ་དང་། ཁམས་དང་། སྐྱེ་མཆེད་དེ་དག་གིས
294a3 ཡོངས་སུ་བསྒོས་པ་མ་ཡིན་ནོ། །བློ་གྲོས་ཆེན་པོ་སྲིད་པ་གསུམ་པོ་ཐམས་ཅད་ནི་ཡང་དག་པ་མ་ཡིན་པ་རྣམ་པར་རྟོག་པ་ལས་བྱུང་བ་ཡིན་གྱི། དེ་བཞིན་གཤེགས་པ་རྣམས་ནི་ཡང་དག་པ་མ་ཡིན་པ་རྣམ་པར་རྟོག་པ་ལས་བྱུང་བ་མ་ཡིན་ནོ། །བློ་གྲོས་ཆེན་པོ
294a4 ཆོས་གཉིས་ཡོད་པར་གྱུར་པའི་ཕྱིར་རྟག་པ་དང་མི་རྟག་པ་ཡོད་པར་འགྱུར་གྱི་གཉིས་སུ་མེད་པ་ལ་ནི་མ་ཡིན་ནོ། །གཉིས་སུ་མེད་པ་ནི་རབ་ཏུ་དབེན་པའོ། །ཆོས་ཐམས་ཅད་ནི་གཉིས་སུ་མེད་པ་དང་། མ་སྐྱེས་པའི་མཚན་ཉིད་ཡིན་པའི་ཕྱིར། དེ་བས་ན་དེ་བཞིན
294a5 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྟག་པ་ཡང་མ་ཡིན། མི་རྟག་པ་ཡང་མ་ཡིན་ནོ། །བློ་གྲོས་ཆེན་པོ་ཇི་ཙམ་དུ་ཚིག་གི་རྣམ་པར་རྟོག་པ་འཇུག་པ་དེ་ཙམ་དུ་རྟག་པ་དང་མི་རྟག་པའི་ཉེས་པར་འགྱུར་གྱི། རྣམ་པར་རྟོག
294a6 པའི་བློ་ཟད་པར་གྱུར་ན་ནི་བྱིས་པ་སོ་སོའི་སྐྱེ་བོ་རྣམས་ཀྱིས་རྟག་པ་དང་མི་རྟག་པར་ལྟ་བ་རབ་ཏུ་མ་ཞི་བ་ཡོངས་སུ་སྤོང་བར་འགྱུར་བས་བློ་དང་ལྡན་པ་རྣམས་ཀྱིས་རྟག་པ་དང་མི་རྟག་པ་དང་། རྟག་པ་དང་། མི་རྟག་པ་ཡང་མ་ཡིན་པའི
294a7 ཡོངས་སུ་བསྒོས་པ་རྣམས་ཤིན་དུ་སྤང་བར་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །ཚོགས་རྣམས་དོན་མེད་གྱུར་ན་ནི། །རྟག་དང་མི་རྟག་ཉེས་པ་སྐྱེ། །རྣམ་པར
294a8 རྟོག་པའི་བློ་མེད་ན། །རྟག་དང་མི་རྟག་རབ་ཏུ་སྤོང་། །དམ་ནི་རབ་ཏུ་འཆའ་བ་ལས། །གུད་ན་འདྲེས་པའི་དོན་ཡོད་གྱུར། །རང་སེམས་ཙམ་དུ་མཉམ་རྟོག་ན། །ཚིག་གི་བརྗོད་པ་དམིགས་སུ་མེད། །དེ་ནས་བྱང་ཆུབ་སེམས་དཔའ་བློ་གྲོས
iiif viewer powered by OpenSeadragon
