| e-texts navigator |
| Wylie |
293b1 ཉིད་ཀྱི་གཞིའི་དངོས་པོ་མེད་པས་ཕུང་པོ་ཞིག་པ་ལྟར་ཆད་པར་འགྱུར་བའི་རིགས་ན། དེ་བཞིན་གཤེགས་པ་ནི་ཆད་པར་མི་འགྱུར་རོ། །བློ་གྲོས་ཆེན་པོ་བྱས་པ་ཐམས་ཅད་མི་རྟག་ན་ནི་བུམ་པ་དང་སྣམ་བུ་ལ་སོགས་པ་བཞིན་དུ་ཐམས་ཅད་ཀྱང
293b2 མི་རྟག་པའི་ཉེས་པར་འགྱུར་བས། ཐམས་ཅད་མཁྱེན་པའི་ཚོགས་དང་། སྦྱོར་བ་རྣམས་དོན་མེད་པར་འགྱུར་ཏེ། འདི་ལྟར་བྱས་པའི་ཕྱིར་རོ། །བྱས་པ་ཐམས་ཅད་ཀྱང་དེ་བཞིན་གཤེགས་པ་ཡིན་པར་འགྱུར་ཏེ། བྱེ་བྲག་གི་རྒྱུའི་དངོས
293b3 པོ་མེད་པའི་ཕྱིར་རོ། །དེ་ལྟ་བས་ན་དེ་བཞིན་གཤེགས་པ་ནི་རྟག་པ་ཡང་མ་ཡིན། མི་རྟག་པ་ཡང་མ་ཡིན་ནོ། །གཞན་ཡང་བློ་གྲོས་ཆེན་པོ་དེ་བཞིན་གཤེགས་པ་ནི་ནམ་མཁའ་ལྟར་རྟག་པ་མ་ཡིན་ཏེ། ནམ་མཁའ་ལྟར་རྟག་པ་ཡིན་ན་ནི
293b4 སོ་སོ་རང་གིས་རིག་པ་འཕགས་པའི་ཡེ་ཤེས་ཀྱི་ཚོགས་རྣམས་དོན་མེད་པའི་ཉེས་པར་འགྱུར་རོ། །བློ་གྲོས་ཆེན་པོ་དཔེར་ན་ནམ་མཁའ་ནི་རྟག་པ་ཡང་མ་ཡིན། མི་རྟག་པ་ཡང་མ་ཡིན་ཞིང་། རྟག་པ་དང་། མི་རྟག་པ་དང་། གཅིག
293b5 པ་དང་། ཐ་དད་པ་དང་། གཉི་ག་དང་། གཉི་ག་མ་ཡིན་པ་དང་། རྟག་པ་དང་མི་རྟག་པའི་ཉེས་པ་སྤངས་པའི་ཕྱིར། བརྗོད་པར་བྱ་བ་མ་ཡིན་ནོ། །དེའི་ཕྱིར་དེ་བཞིན་གཤེགས་པ་ནི་རྟག་པ་མ་ཡིན་ནོ། །གཞན་ཡང་བློ་གྲོས་ཆེན་པོ
293b6 གལ་ཏེ་དེ་བཞིན་གཤེགས་པ་སྐྱེ་བ་མེད་པའི་རྟག་པ་ཡིན་ན་ནི་རི་བོང་དང་རྟ་ལ་སོགས་པའི་རྭ་དང་མཚུངས་ཤིང་སྐྱེ་བ་མེད་པའི་རྟག་པར་འགྱུར་བའི་ཕྱིར། བསྒྲུབས་པ་རྣམས་དོན་མེད་པར་འགྱུར་ཏེ། སྐྱེ་བ་མེད་པའི་རྟག་པའི
293b7 ཉེས་པར་འགྱུར་བས་ན། དེ་བཞིན་གཤེགས་པ་ནི་རྟག་པ་མ་ཡིན་ནོ། །གཞན་ཡང་བློ་གྲོས་ཆེན་པོ་དངོས་པོ་གཞན་གྱིས་དེ་བཞིན་གཤེགས་པ་རྟག་པ་ཡིན་པར་ཤེས་པར་འགྱུར་བ་ཡང་ཡོད་དོ། །དེ་ཅིའི་ཕྱིར་ཞེ་ན། འདི་ལྟ་སྟེ། བར
293b8 ཆད་མེད་པས་མངོན་པར་རྟོགས་པའི་ཡེ་ཤེས་རྟག་པའི་ཕྱིར་དེ་བཞིན་གཤེགས་པ་རྟག་པའོ། །བློ་གྲོས་ཆེན་པོ་དེ་བཞིན་གཤེགས་པ་འཇིག་རྟེན་དུ་བྱུང་ཡང་རུང་། འཇིག་རྟེན་དུ་མ་བྱུང་ཡང་རུང་། ཆོས་ཉིད་ནི་ངེས་པར་གནས་པ
iiif viewer powered by OpenSeadragon
