| e-texts navigator |
| Wylie |
292a1 དང་སྤྱིའི་མཚན་ཉིད་ལ་མཁས་ཤིང་གོམས་པར་བྱ་བ་དང་། སོ་སོ་ཡང་དག་པར་རིག་པ་བཞི་རྣམ་པར་གདོན་མི་ཟ་བའི་སྟོབས་ལ་མཁས་པ་དང་། ཏིང་ངེ་འཛིན་གྱི་སྒོ་དང་། སའི་གོ་རིམས་ཀྱི་མཚམས་སྦྱར་བ་དང་། བྱང
292a2 ཆུབ་ཀྱི་ཕྱོགས་ཀྱི་ཆོས་རྣམ་པར་དབྱེ་བར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་རང་དང་སྤྱིའི་མཚན་ཉིད་མི་ཤེས་ཤིང་ས་བདུན་ལ་མི་མཁས་པ་དང་། མུ་སྟེགས་ཅན་གྱི་ལོག་པའི་ལམ་དུ་ལྷུང་བར་མི་བྱ་བའི་ཕྱིར
292a3 སའི་གོ་རིམས་གྱིས་རྣམ་པར་གཞག་པ་ཡིན་ཏེ། བློ་གྲོས་ཆེན་པོ་འདི་ལ་ཡང་དག་པར་གང་ཡང་སྐྱེ་བའམ། འཇིག་པ་ཞེས་བྱ་བ་མེད་དོ། །གཞན་དུ་ན་འདི་ལྟ་སྟེ། སའི་གོ་རིམས་ཀྱི་མཚམས་སྦྱར་བ་དང་། ཁམས་གསུམ་སྣ་ཚོགས་ཀྱི་སྤྱོད
292a4 པ་འདི་ནི་སེམས་སྣང་བ་ཙམ་སྟེ། བྱིས་པ་སོ་སོའི་སྐྱེ་བོ་རྣམས་ཀྱིས་ཁོང་དུ་མི་ཆུད་དོ། །བྱིས་པ་སོ་སོའི་སྐྱེ་བོ་རྣམས་ཀྱིས་ཁོང་དུ་མི་ཆུད་པས་འདི་ལྟ་སྟེ། ང་དང་སངས་རྒྱས་དེ་དག་གིས་སའི་གོ་རིམས་གྱི་མཚམས་སྦྱར་བ་དང་། ཁམས
292a5 གསུམ་གྱི་སྤྱོད་པ་སྣ་ཚོགས་བསྟན་ཏོ། །གཞན་ཡང་བློ་གྲོས་ཆེན་པོ་ཉན་ཐོས་དང་། རང་སངས་རྒྱས་རྣམས་ནི་བྱང་ཆུབ་སེམས་དཔའི་ས་བརྒྱད་ལ་འགོག་པའི་སྙོམས་པར་འཇུག་པའི་བདེ་བའི་མྱོས་པས་མྱོས་ཏེ། རང་གི་སེམས་སྣང་བ
292a6 ཙམ་ལ་མི་མཁས་པས་རང་དང་སྤྱིའི་མཚན་ཉིད་དུ་ལྷུང་བ། བག་ཆགས་ཀྱིས་བསྒྲིབས་པ། གང་ཟག་དང་ཆོས་བདག་མེད་པར་ལྷུང་བ་ཆོས་སུ་འཛིན་པར་ལྟ་བ། རྣམ་པར་རྟོག་པས་མྱ་ངན་ལས་འདས་པར་རབ་ཏུ་ཤེས་པར་གྱུར་ཏེ། རབ་ཏུ
292a7 དབེན་པ་ལ་མོས་པའི་བློ་ནི་མ་ཡིན་ནོ། །བློ་གྲོས་ཆེན་པོ་བྱང་ཆུབ་སེམས་དཔའི་ནི་སྒོའི་བདེ་བ་མཐོང་ཡང་སྔོན་གྱི་སྨོན་ལམ་དང་། སྙིང་བརྩེ་བ་དང་། སྙིང་རྗེ་ཆེན་པོ་དང་ལྡན་ཞིང་མཐར་ཐུག་པའི་གནས་བཅུ་རྣམ་པར་དབྱེ་བ་ཤེས་པས་རྣམ
292a8 པར་རྟོག་པས་མྱ་ངན་ལས་འདས་པར་འདུ་ཤེས་པར་མི་འགྱུར་ཏེ། དེ་ལྟར་མྱ་ངན་ལས་འདས་པའི་རྣམ་པར་རྟོག་པ་མི་སྐྱེ་བའི་ཕྱིར། གཟུང་བ་དང་། འཛིན་པའི་རྣམ་པར་རྟོག་པ་ཡོངས་སུ་སྤོང་ཞིང་། ཆོས་ཐམས་ཅད་རང་གི་སེམས་སྣང་བ་ཙམ་དུ
iiif viewer powered by OpenSeadragon
