| e-texts navigator |
| Wylie |
291a1 བཤད་དེ། །དེ་དག་གི་ནི་སེམས་ཙམ་ཡིན། །དེ་ནས་ཡང་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས
291a2 ཐམས་ཅད་ཀྱིས་འགོག་པའི་སྙོམས་པར་འཇུག་པའི་གོ་རིམས་ཀྱི་མཚམས་སྦྱོར་བའི་མཚན་ཉིད་བཤད་དུ་གསོལ། གལ་ཏེ་འགོག་པའི་སྙོམས་པར་འཇུག་པའི་གོ་རིམས་ཀྱི་མཚམས་སྦྱོར་བའི་མཚན་ཉིད་ལ་མཁས་པར་གྱུར་ན། བདག་དང
291a3 བྱང་ཆུབ་སེམས་དཔའ་གཞན་རྣམས་ཀྱང་འགོག་པའི་སྙོམས་པར་འཇུག་པའི་བདེ་བའི་སྒོ་སྤོང་བར་མི་འགྱུར་ཞིང་། ཉན་ཐོས་དང་། རང་སངས་རྒྱས་དང་། མུ་སྟེགས་ཅན་གྱི་རྨོངས་པར་ལྟུང་བར་མི་འགྱུར་ལགས་སོ། །བཅོམ་ལྡན་འདས
291a4 ཀྱིས་བཀའ་སྩལ་པ། བློ་གྲོས་ཆེན་པོ་ཤིན་དུ་ལེགས་པར་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་པར་བྱའོ། །བློ་གྲོས་ཆེན་པོས་བཅོམ་ལྡན་འདས་ལ་བཅོམ་ལྡན་འདས་བཤད་དུ་གསོལ། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ
291a5 པ། བློ་གྲོས་ཆེན་པོ་ས་དྲུག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དང་། ཉན་ཐོས་དང་། རང་སངས་རྒྱས་རྣམས་ཀྱིས་སྙོམས་པར་འཇུག་པ་བསྐྱེད་པར་བྱེད་ལ། ས་བདུན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཀྱི
291a6 སྐད་ཅིག་རེ་རེ་ལ་སྙོམས་པར་འཇུག་སྟེ། དངོས་པོ་ཐམས་ཅད་ཀྱི་རང་བཞིན་གྱི་མཚན་ཉིད་ཡོངས་སུ་སྤངས་པས་སྙོམས་པར་འཇུག་གི། ཉན་ཐོས་དང་། རང་སངས་རྒྱས་རྣམས་ནི་མ་ཡིན་ཏེ། ཉན་ཐོས་དང་། རང་སངས་རྒྱས་རྣམས་ནི་མངོན་པར
291a7 འདུ་བྱེད་པའི་བློ་ཅན་གཟུང་བ་དང་། འཛིན་པའི་མཚན་ཉིད་དུ་ལྷུང་བས་འགོག་པའི་སྙོམས་པར་འཇུག་གོ། །དེ་བས་ན་ས་བདུན་པ་ནི་ཡིད་ལ་བྱེད་པས་སྙོམས་པར་འཇུག་པ་མ་ཡིན་ཏེ། ཆོས་ཐམས་ཅད་བྱེ་བྲག་མེད་པའི་མཚན་ཉིད་ཐོབ་པས་རིམས་གྱིས
291a8 མཚན་ཉིད་ཀྱི་དངོས་པོ་སྣ་ཚོགས་ཐོབ་པ་ནི་མ་ཡིན་ནོ། །དགེ་བ་དང་མི་དགེ་བའི་ཆོས་ཐམས་ཅད་ཀྱི་རང་གི་མཚན་ཉིད་ཁོང་དུ་ཆུད་དེ། སྙོམས་པར་འཇུག་པས་དེའི་ཕྱིར་ས་བདུན་པ་ལ་དགེ་བའི་སེམས་ཀྱིས་སྙོམས་པར་འཇུག་པ་མེད་དོ། །བློ་གྲོས
iiif viewer powered by OpenSeadragon
