| e-texts navigator |
| Wylie |
290b1 འབྱུང་བ་ཆེན་པོ་འདུས་པའི་བྱེ་བྲག་དང་། འབྱུང་བ་དང་འབྱུང་བ་ལས་གྱུར་པའི་ཕྱིར་རྣམ་པ་གཉིས་ཀྱི་དངོས་པོ་གཟུང་བ་དང་འཛིན་པར་རྣམ་པར་རྟོག་པར་འགྱུར་བ་དང་། རྣམ་པར་རྟོག་པ་གཉིས་ཡོངས་སུ་ཤེས་པ་དང་། ཕྱི་རོལ་གྱི་དངོས་པོ
290b2 དང་དངོས་པོ་མེད་པར་ལྟ་བ་གཉིས་དང་བྲལ་བ་དང་། རང་གི་སེམས་སྣང་བ་ཙམ་དུ་ཁོང་དུ་ཆུད་ཅིང་རྣམ་པར་རྟོག་པའི་བསམས་པའི་མངོན་པར་འདུ་བྱེད་པ་ལས་སྐྱེའི། མངོན་པར་འདུས་མ་བྱས་པ་ནི་མ་ཡིན་ནོ། །ཞེས་སེམས་དངོས་པོ
290b3 དང་དངོས་པོ་མེད་པའི་རྣམ་པར་རྟོག་པ་དང་བྲལ་བས་ན་འཇིག་རྟེན་པ་དང་། འཇིག་རྟེན་ལས་འདས་པ་དང་། འཇིག་རྟེན་ལས་འདས་པ་མཆོག་གི་ཆོས་ཐམས་ཅད་ནི་རྟག་པ་ཡང་མ་ཡིན། མི་རྟག་པ་ཉིད་ཀྱང་མ་ཡིན་ནོ། །རང་གི་སེམས
290b4 སྣང་བ་ཙམ་དུ་ཁོང་དུ་མ་ཆུད་པས་མཐའ་གཉིས་ཀྱི་ལྟ་བ་ངན་པའི་རྒྱུན་དུ་ལྷུང་བར་འགྱུར་ཏེ། མུ་སྟེགས་ཅན་ཐམས་ཅད་ཀྱིས་རང་གི་རྣམ་པར་རྟོག་པ་ཁོང་དུ་མི་ཆུད་དོ། །སོ་སོའི་སྐྱེ་བོ་དེ་དག་ལ་གཞི་ཅི་ཡང་མེད་པས་འདི་ལྟར་འཇིག་རྟེན
290b5 པ་དང་། འཇིག་རྟེན་ལས་འདས་པ་དང་། འཇིག་རྟེན་ལས་འདས་པ་མཆོག་གི་ཆོས་ཚིག་གི་རྣམ་པར་རྟོག་པ་ལས་སྐྱེ་བར་བྱིས་པ་སོ་སོའི་སྐྱེ་བོ་རྣམས་ཀྱིས་ཁོང་དུ་ཆུད་པ་མ་ཡིན་ནོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང
290b6 བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །དང་པོ་བརྩམས་ནས་རབ་སྤངས་ཤིང་། །དབྱིབས་དང་རྣམ་པ་གཞན་འགྱུར་དང་། །དངོས་པོ་གཟུགས་ནི་མི་རྟག་པ། །མུ་སྟེགས་བླུན་པོས་རྟོག་པར་བྱེད། །དངོས་པོ
290b7 རྣམས་ལ་འཇིག་པ་མེད། །འབྱུང་བ་འབྱུང་བའི་རང་བཞིན་གནས། །མུ་སྟེགས་མི་རྟག་འདུ་ཤེས་པ། །ལྟ་བ་སྣ་ཚོགས་བྱིང་བ་འགྱུར། །མུ་སྟེགས་ཅན་ནི་དེ་དག་ལ། །སྐྱེ་དང་འཇིག་པ་གང་ཡང་མེད། །འབྱུང་བ་འབྱུང་བའི་རང་བཞིན་རྟག་།ཇི་སྐད
290b8 མི་རྟག་ཉིད་དུ་རྟོག་། ཐམས་ཅད་སེམས་ཙམ་སྣང་བ་སྟེ། །རྣམ་པ་གཉིས་སུ་སེམས་ཀྱང་འཇུག་།གཟུང་བ་དང་ནི་འཛིན་པའོ། །བདག་དང་བདག་གི་ཡོད་མ་ཡིན། །ཚངས་པ་སྡོང་པོ་རྩ་བ་ཡིན། །ཡལ་ག་ལོ་མ་ཀུན་དུ་ཁྱབ། །འདི་སྐད་དུ་ནི་ངས
iiif viewer powered by OpenSeadragon
