| e-texts navigator |
| Wylie |
289b1 འགྱུར་རོ། །གལ་ཏེ་ངོ་བོ་ཉིད་མི་རྟག་པ་ཉིད་ཡིན་ན་ནི་བྱ་བའི་རྒྱུའི་ངོ་བོ་ཉིད་ཀྱི་མཚན་ཉིད་དུ་ལྷུང་བར་གྱུར་ན་ནི་དངོས་པོ་ཐམས་ཅད་ཡོངས་སུ་རྫོགས་པར་མི་འགྱུར་རོ། །དངོས་པོ་ཐམས་ཅད་བྱེད་པའི་རྒྱུའི་མཚན་ཉིད་དུ་ལྷུང་ན་ནི་མི་རྟག་པ
289b2 བདག་ཉིད་མི་རྟག་པར་འགྱུར་རོ། །མི་རྟག་པ་ཉིད་མི་རྟག་པའི་ཕྱིར་དངོས་པོ་ཐམས་ཅད་མི་རྟག་པར་མི་འགྱུར་ཏེ་རྟག་པ་ཉིད་དུ་འགྱུར་རོ། །གལ་ཏེ་མི་རྟག་པ་དངོས་པོ་ཐམས་ཅད་ཀྱི་ནང་དུ་སོང་བ་ཡིན་ན་ནི་དུས་གསུམ་དུ་ལྷུང་བར་འགྱུར་ཏེ། གང་འདས
289b3 པའི་གཟུགས་དེ་ནི་ཞིག་པ་དང་ལྡན་པའོ། །གང་མ་འོངས་པ་ནི་མ་སྐྱེས་པ་སྟེ། གཟུགས་མ་སྐྱེས་པའི་ཕྱིར་རོ། །ད་ལྟར་གྱི་གཟུགས་ནི་འཇིག་པའི་མཚན་ཉིད་དང་ལྡན་པའོ། །དེ་ལ་གཟུགས་ནི་འབྱུང་བ་ཆེན་པོ་རྣམས་བསགས་པའི་བྱེ་བྲག་གོ། །
289b4 འབྱུང་བ་ཆེན་པོ་དག་དང་། འབྱུང་བ་ལས་གྱུར་པའི་གཟུགས་རྣམས་ཀྱི་རང་བཞིན་ནི་མི་འཇིག་སྟེ། ཐ་དད་པ་དང་། ཐ་དད་པ་མ་ཡིན་པ་སྤངས་པའི་ཕྱིར་རོ་ཞེས་མུ་སྟེགས་ཅན་ཐམས་ཅད་འབྱུང་བ་ཆེན་པོ་རྣམས་མི་འཇིག་པར་རྟོགས་གོ། །བློ་གྲོས་ཆེན
289b5 པོ་སྲིད་པ་གསུམ་པོ་ཐམས་ཅད་འབྱུང་བ་དང་འབྱུང་བ་ལས་གྱུར་པའི་གཟུགས་གནས་པ་རྣམས་ནི་སྐྱེ་བ་དང་འཇིག་པ་ཡོད་པར་ཤེས་ན། འབྱུང་བ་ཆེན་པོ་དང་འབྱུང་བ་ལས་གྱུར་པའི་གཟུགས་ལས་ལོགས་ཤིག་ན། མུ་སྟེགས་ཅན་རྣམས་ཀྱིས
289b6 གང་ལ་བསམས་ནས་མི་རྟག་པ་ཞེས་རྟོག་སྟེ། འབྱུང་བ་ཆེན་པོ་བཞི་མི་སྐྱེ་བ་དང་། རང་བཞིན་གྱི་མཚན་ཉིད་མི་འཇིག་པའི་ཕྱིར་རོ། །དེ་ལ་དང་པོ་རྩོམ་པ་ཡོངས་སུ་སྤངས་པའི་མི་རྟག་པ་ཉིད་ཅེས་བྱ་བ་ནི་འབྱུང་བ་ཆེན་པོ་བཞི་ཡང་མ་ཡིན་པ
289b7 དང་། གཞན་ཡང་ཐ་དད་པའི་འབྱུང་བ་ཆེན་པོ་བཞི་དང་། སོ་སོ་ཐ་དད་པའི་མཚན་ཉིད་དང་། རང་གི་མཚན་ཉིད་ཀྱི་ཕྱིར་རོ། །བྱེ་བྲག་མི་དམིགས་པ་དང་། དེའི་བྱེ་བྲག་མེད་པ་དང་། དེ་ལ་སོགས་པས་ཡང་མི་རྩོམ་པ་དང་། སྦྱོར་བ་རྣམ་པ
289b8 གཉིས་པ་མི་རྩོམ་པ་ནི་མི་རྟག་པ་ཉིད་ཤེས་པར་བྱའོ། །དེ་ལ་དབྱིབས་རྣམ་པར་འཇིག་པའི་མི་རྟག་པ་ཞེས་བྱ་བ་ནི་འདི་ལྟ་སྟེ། འབྱུང་བ་ཆེན་པོ་བཞི་དང་། རྒྱུར་བྱས་པའི་གཟུགས་རྣམས་ཀྱི་མི་འཇིག་པ་ནི་མཐར་ཕྱིན་པའི་བར་དུ་མི
iiif viewer powered by OpenSeadragon
