| e-texts navigator |
| Wylie |
289a1 རྟག་པ་ཉིད་དེ། ཆོས་ཐམས་ཅད་ཀྱི་ནང་དུ་འཇུག་པའོ་ཞེས་ཟེར་རོ། །དེ་ལ་བློ་གྲོས་ཆེན་པོ་དངོས་པོ་མེད་པ་མི་རྟག་པ་ཉིད་ཅེས་བྱ་བ་ནི་འདི་ལྟ་སྟེ། འབྱུང་བ་ཆེན་པོ་བཞི་དང་། འབྱུང་བ་ལས་གྱུར་པའི་རང་གི་མཚན་ཉིད
289a2 འཇིག་ཅིང་འབྱུང་བ་ཆེན་པོ་བཞིའི་རང་བཞིན་ནི་མི་དམིགས་པ་དང་མི་སྐྱེ་བའོ། །དེ་ལ་མི་སྐྱེ་བའི་མི་རྟག་པ་ཞེས་བྱ་བ་དེ་ནི་རྟག་པ་དང་། མི་རྟག་པ་ཡིན་པས་ཆོས་ཐམས་ཅད་ཡོད་པ་དང་མེད་པ་མི་སྐྱེ་བ་དང་། རྡུལ་ཕྲ་མོའི་བར་དུ་རབ་ཏུ་བཤིག་སྟེ།
289a3 མི་མཐོང་བ་འདི་ནི་མི་སྐྱེ་བའི་དོན་ཡིན་གྱི་སྐྱེ་བ་ནི་མ་ཡིན་པས་འདི་ནི་མི་སྐྱེ་བའི་མི་རྟག་པ་ཉིད་ཀྱི་མཚན་ཉིད་ཡིན་ཏེ། འདི་ཁོང་དུ་མ་ཆུད་པ་ནི་མུ་སྟེགས་ཅན་རྣམས་ཀྱི་སྐྱེ་བ་མི་རྟག་པའི་དོན་དུ་ལྷུང་བར་འགྱུར་རོ། །བློ་གྲོས་ཆེན་པོ་དངོས་པོ
289a4 མི་རྟག་པ་ནི་རང་གིས་བློས་རྣམ་པར་བརྟགས་པ་སྟེ། རྟག་པ་དང་། མི་རྟག་པའི་དངོས་པོ་ནི་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟ་སྟེ། མི་རྟག་པ་ནི་རང་གི་ངོ་བོ་ཉིད་ཀྱིས་མི་འཇིག་གོ། །བློ་གྲོས་ཆེན་པོ་འདི་ནི་དངོས་པོ་ཐམས་ཅད་ཀྱི་དངོས
289a5 པོ་མེད་པའི་ཕྱིར་མི་རྟག་པའི་བྱ་བའོ། །མི་རྟག་པ་མ་གཏོགས་པར་གཞན་གང་ཡང་ཆོས་ཐམས་ཅད་ཀྱི་དངོས་པོ་དངོས་པོ་མེད་པར་བྱེད་པ་མི་དམིགས་ཏེ། ཇི་ལྟར་དབྱུག་པ་དང་། གྱོ་མོ་དང་། རྡོ་བས་དངོས་པོ་དག་བཅོམ་པར་བྱེད་པ་བཞིན་ནོ། །
289a6 མངོན་སུམ་དུ་སོ་སོས་ཐ་མི་དད་པར་མཐོང་བས་མི་རྟག་པ་ཉིད་དངོས་པོའི་བྱ་བ་ཡིན་གྱི། བྱེད་པ་དང་བྱ་བ་བྱེ་བྲག་ཡོད་པ་ནི་མ་ཡིན་ཏེ། འདི་ནི་མི་རྟག་པ་ཉིད་དོ། །འདི་ནི་བྱ་བའོ་ཞེས་བྱ་བའི་བྱེ་བྲག་མེད་པའི་ཕྱིར་རོ། །བྱེད་པ་དང་བྱ་བ་ཐ
289a7 མི་དད་ན་ནི་དངོས་པོ་ཐམས་ཅད་རྟག་ཅིང་རྒྱུའི་ངོ་བོ་ཉིད་མེད་པར་འགྱུར་རོ། །བློ་གྲོས་ཆེན་པོ་དངོས་པོ་ཐམས་ཅད་ཀྱི་ངོ་བོ་ཉིད་མེད་པ་ནི་རྒྱུ་ཡོད་དེ། བྱིས་པ་སོ་སོའི་སྐྱེ་བོ་རྣམས་ཀྱིས་ཤེས་པར་བྱ་བ་མ་ཡིན་ནོ། །རྒྱུ་མ་ཡིན་ན་མི་འདྲ་བའི་དངོས་པོ
289a8 སྐྱེད་པར་འགྱུར་རོ། །ཅི་སྟེ་སྐྱེད་ན་ནི་དངོས་པོ་ཐམས་ཅད་མི་རྟག་པར་ཡང་འགྱུར་ཞིང་། །དངོས་པོ་མི་འདྲ་བ་ཡང་ཡིན་པས་བྱེད་པ་དང་བྱ་བ་ཡང་བྱེ་བྲག་མེད་པར་ཡང་འགྱུར་ལ། ཐམས་ཅད་ཀྱིས་བྱེ་བྲག་ཡོད་པར་ཡང་མཐོང་བར
iiif viewer powered by OpenSeadragon
