| e-texts navigator |
| Wylie |
288b1 དྲོད་དང་གཡོ་བའི་ཆོས། །བྱིས་པས་རྣམ་པར་བརྟགས་པ་སྟེ། །གྲངས་ལས་མ་གཏོགས་ཆོས་གཞན་མེད། །དེའི་ཕྱིར་དངོས་པོ་མེད་པར་བཤད། །སྨན་པས་ནད་རྣམས་གསོ་བ་དག་།བསྟན་བཅོས་ཐ་དད་མེད་ཀྱང་ནི། །ནད་ནི་ཐ་དད་བྱེ་བྲག་གིས། །གཉེན་པོ
288b2 སྣ་ཚོགས་བཤད་པ་ལྟར། །ང་ཡང་སེམས་ཅན་དེ་དག་གི། །ཉོན་མོངས་ནད་རྣམས་གཞིག་པའི་ཕྱིར། །དབང་པོ་དག་ནི་རབ་ཤེས་ནས། །དེ་ལ་སྒྲོལ་བའི་སྒོ་བཤད་དོ། །ཉོན་མོངས་དབང་པོ་ཐ་དད་པས། །ཆོས་ནི་སྣ་ཚོགས་ཡོད་མ་ཡིན། །ཐེག
288b3 གཅིག་འབའ་ཤིག་ཆོས་སྟོན་པ། །དེ་ནི་ཐེག་པ་ཆེན་པོ་ཡིན། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མུ་སྟེགས་ཅན་ཐམས་ཅད་ཀྱང་མི་རྟག་པ་ཉིད་དོ་ཞེས་རྣམ
288b4 པར་རྟོག་པར་བགྱིད། བཅོམ་ལྡན་འདས་ཀྱིས་ཀྱང་འདུ་བྱེད་ཐམས་ཅད་མི་རྟག་པས། །སྐྱེ་ཞིང་འཇིག་པའི་ཆོས་ཅན་ནོ་ཞེས་བཀའ་སྩལ་ན། འདིའི་དོན་ཇི་ལྟ་བུ་ལོག་པའམ། ཡང་དག་པ་ཞིག་ལགས། མི་རྟག་པ་ཉིད་ལ་ནི་རྣམ་པ
288b5 དུ་མཆིས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་མུ་སྟེགས་ཅན་རྣམས་ལ་ནི་མི་རྟག་པ་རྣམ་པ་བདུན་ཡོད་ཀྱི། ངའི་བསྟན་པ་ལ་ནི་མ་ཡིན་ནོ། །རྣམ་པ་བདུན་གང་ཞེ་ན། དེ་དག་ཁ་ཅིག་འདི་སྐད་དུ་མངོན་པར་འདུས
288b6 བྱས་ནས། ཡོངས་སུ་སྤངས་པ་ནི་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་དབྱིབས་རྣམ་པར་འཇིག་པ་ནི་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་གཟུགས་ཉིད་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་གཟུགས་རྣམ་པར་འགྱུར
288b7 བའི་གནས་སྐབས་ནི་མི་རྟག་པ་ཉིད་ཅེས་བྱ་སྟེ། བར་ཆད་མེད་པར་རང་གི་ངང་གིས་འབྲེལ་ཞིང་འཇིག་པས། ཇི་ལྟར་འོ་མ་ལས་ཞོར་འགྱུར་བ་ལ་སོགས་པའི་བྱེ་བྲག་ཐ་དད་པ་མཐོང་བར་མི་ནུས་པ་དེ་བཞིན་དུ་དངོས་པོ་ཐམས་ཅད
288b8 ལ་ཡང་རྣམ་པར་འཇིག་པའི་མི་རྟག་པ་ཉིད་དུ་འཇུག་གོ། ཞེས་ཟེར་རོ། །ཁ་ཅིག་ནི་དངོས་པོ་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་དངོས་པོའི་དངོས་པོ་མེད་པ་མི་རྟག་པ་ཉིད་དོ་ཞེས་ཟེར་རོ། །ཁ་ཅིག་ནི་ཆོས་ཐམས་ཅད་མི་སྐྱེ་བས་མི
iiif viewer powered by OpenSeadragon
