| e-texts navigator |
| Wylie |
288a1 འདི་ལྟར་རང་བཞིན་མེད་པ་དང་། །སྟོང་པ་ལ་སོགས་དབྱེ་བར་བྱ། །སྟོང་ཕྱིར་སྟོང་ཞེས་བཤད་པ་མིན། །སྐྱེ་བ་མེད་ཕྱིར་སྟོང་ཞེས་བཤད། །རྒྱུ་རྐྱེན་གྲངས་ནི་འདུས་པ་ལས། །སྐྱེ་དང་འཇིག་པ་ཡོད་པར་གྱུར། །རྒྱུ་རྐྱེན་གྲངས་ལས
288a2 ལོགས་ཤིག་ན། །སྐྱེ་བ་དང་ནི་འཇིག་པ་མེད། །རྒྱུ་རྐྱེན་གྲངས་ལས་ལོགས་ཤིག་ན། །དངོས་པོ་ཐ་དད་ཡོད་མ་ཡིན། །གཅིག་དང་ཐ་དད་ཅེས་བྱ་བ། །མུ་སྟེགས་རྣམ་པར་རྟོག་པ་ཡིན། །ཡོད་མེད་དངོས་པོ་མི་སྐྱེ་སྟེ། །ཡོད་པ་མ་ཡིན་མེད་པའང
288a3 མིན། །གྲངས་འགྱུར་བ་ནི་མ་གཏོགས་པར། །གང་ཡང་དམིགས་པར་མི་འགྱུར་རོ། །ཀུན་རྫོབ་ཙམ་དུ་གྲངས་ཡོད་པས། །ཕན་ཚུན་དུ་ནི་འབྲེལ་པར་བྱེད། །རྒྱུ་རྐྱེན་འབྲེལ་ལས་ལོགས་ཤིག་ན། །སྐྱེ་བའི་དོན་ནི་མི་རིགས་སོ། །སྐྱེ་བ་མེད
288a4 པས་དངོས་མི་འགྱུར། །མུ་སྟེགས་ཅན་གྱི་སྐྱོན་རྣམས་སྤངས། །རྐྱེན་ཀྱི་འབྲེལ་པ་ཅོམ་བཤད་དེ། །བྱིས་པ་རྣམས་ཀྱིས་མི་རིག་གོ། །རྐྱེན་གྱི་འབྲེལ་ལས་ལོགས་ཤིག་ན། །དངོས་པོ་སྐྱེ་བ་ཡོད་ཅེས་པ། དེ་ནི་རྒྱུ་མེད་སྨྲ་བ་སྟེ། །འབྲེལ་པའི
288a5 དོན་ནི་འཇིག་པར་བྱེད། །མར་མེའི་གཟུགས་རྣམས་སྣང་བྱེད་ལྟར། །འབྲེལ་པ་སྣང་བའང་དེ་བཞིན་ན། །དེ་ནི་འབྲེལ་ལས་ལོགས་ཤིག་ན། །དངོས་པོ་རྣམས་ནི་ཡོད་པའི་རིགས། །དངོས་པོ་མེད་པ་སྐྱེ་མེད་པས། །ནམ་མཁའི་རང་བཞིན་ལྟ་བུའོ། །
288a6 འབྲེལ་པ་དག་ལས་ལོག་གྱུར་ན། །བློ་ཡིས་རྟོག་པར་བྱ་བ་མེད། །གཞན་ཡང་སྐྱེ་བ་མེད་ཡོད་དེ། །འཕགས་པས་ཐོབ་པའི་ཆོས་ཉིད་དོ། །གང་དེའི་སྐྱེ་བ་མི་འབྱུང་བ། །དེ་ནི་མི་སྐྱེ་བཟོད་པ་ཡིན། །ནམ་ཞིག་འཇིག་རྟེན་འདི་དག་ཀུན། །འབྲེལ་པ
288a7 ཙམ་དུ་རབ་རྟོག་ན། །ཐམས་ཅད་འབྲེལ་པ་ཡོངས་སྤངས་ནས། །དེ་ནས་ཏིང་འཛིན་འཐོབ་པར་འགྱུར། །མི་ཤེས་སྲེད་པ་ལས་ལ་སོགས། །དེ་ནི་ནང་གི་འབྲེལ་པ་ཡིན། །མི་ཤེས་འཇིམ་གོང་འཁོར་ལོ་དང་། །ས་བོན་ལ་སོགས་ཕྱི་རོལ་ཡིན། །གལ
288a8 ཏེ་དངོས་པོ་གཞན་ཡོད་དེ། །རྒྱུ་དང་རྐྱེན་ལས་སྐྱེ་ཞེ་ན། །དེ་ནི་འབྲེལ་པའི་དོན་མིན་པས། །དེ་ཡང་འགྲུབ་པར་མི་འགྱུར་རོ། །གལ་ཏེ་སྐྱེ་བ་རང་བཞིན་མེད། །དེ་ནི་སུ་ཡི་འབྲེལ་པར་འགྱུར། །ཕན་ཚུན་དུ་ནི་བསྐྱེད་པའི་ཕྱིར། །རྒྱུ་རྐྱེན་དོན་དུ་ཤེས་པར་བྱ། །སྲ་གཤེར
iiif viewer powered by OpenSeadragon
