| e-texts navigator |
| Wylie |
287a1 པའི་ནོར་པ་སྐྱེད་པར་བྱེད་དེ། དེ་དག་ལ་ནི་འདུས་བྱས་སམ། འདུས་མ་བྱས་གང་ཡང་མེད་དོ། །སྒྱུ་མའི་སྐྱེས་བུ་ལྟར་སྐྱེ་ཡང་ཡང་དག་པར་དེ་ལ་སྐྱེ་བའམ་འགག་པ་ཅི་ཡང་མེད་དེ། དངོས་པོ་དང་དངོས་པོ་མེད་པ
287a2 གང་ཡང་ཡོད་པ་མ་ཡིན་པའི་ཕྱིར་རོ། །ཆོས་ཐམས་ཅད་ཀྱང་དེ་བཞིན་ཏེ། སྐྱེ་བ་དང་འགག་པ་སྤངས་པ་ཡིན་ན། བྱིས་པ་སོ་སོའི་སྐྱེ་བོ་མི་མཁས་པ་རྣམས་ནི་ཡང་དག་པ་མ་ཡིན་པར་ལྷུང་བས་སྐྱེ་བ་དང་འགག་པའི་རྣམ
287a3 པར་རྟོག་པ་འབྱུང་གི་འཕགས་པ་རྣམས་ནི་མ་ཡིན་ནོ། །དེ་ལ་ཡང་དག་པ་མ་ཡིན་པ་ཞེས་བྱ་བ་ནི་དངོས་པོའི་རང་བཞིན་བརྟགས་པ་དེ་བཞིན་དུ་ཡང་མ་ཡིན། གཞན་དུ་ཡང་མ་ཡིན་ནོ། །གལ་ཏེ་གཞན་དུ་བརྟགས་ན་ནི་དངོས་པོ
287a4 ཐམས་ཅད་ཀྱི་རང་བཞིན་ལ་མངོན་པར་ཞེན་པ་ཉིད་དུ་འབྱུང་བས་རབ་ཏུ་དབེན་པ་མི་མཐོང་ངོ་། །རབ་ཏུ་དབེན་པ་མི་མཐོང་ན་རྣམ་པར་རྟོག་པ་དང་བྲལ་བར་མི་འགྱུར་རོ། །དེའི་ཕྱིར་བློ་གྲོས་ཆེན་པོ་མཚན་མ་མེད་པས་ནི་མཆོག་མཐོང
287a5 གི་མཚན་མས་ནི་མ་ཡིན་ཏེ། མཚན་མར་མཐོང་བ་ནི་སྐྱེ་བ་ལེན་པའི་རྒྱུ་ཡིན་པའི་ཕྱིར་མཆོག་མ་ཡིན་ནོ། །བློ་གྲོས་ཆེན་པོ་མཚན་མ་མེད་པ་ནི་རྣམ་པར་རྟོག་པ་མི་སྐྱེ་སྟེ། མི་འབྱུང་མི་འགག་པས་ངས་མྱ་ངན་ལས་འདས་པ་ཞེས
287a6 བཤད་དེ། བློ་གྲོས་ཆེན་པོ་དེ་ལ་མྱ་ངན་ལས་འདས་པ་ནི་ཡང་དག་པའི་དོན་ཇི་ལྟ་བ་བཞིན་དུ་མཐོང་བས་སྔར་རྣམ་པར་རྟོག་པའི་སེམས་དང་སེམས་ལས་བྱུང་བའི་ཆོས་རྣམས་སྤངས་པ། དེ་བཞིན་གཤེགས་པའི་སོ་སོ་རང་གིས་རིག་པ
287a7 འཕགས་པའི་ཡེ་ཤེས་ཐོབ་པ་དེ་ནི་ངས་མྱ་ངན་ལས་འདས་པ་ཡིན་ནོ་ཞེས་བསྟན་ཏོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །སྐྱེ་བར་སྨྲ་བ་དེ་བཟློག་ཕྱིར། །མི་སྐྱེ
287a8 དོན་ནི་རྣམ་པར་གཞག་། ང་ཡིས་དེ་ལྟར་བཤད་པའི་ཆོས། །བྱིས་པ་རྣམས་ཀྱིས་རིག་མི་ནུས། །ཆོས་རྣམས་ཐམས་ཅད་མི་སྐྱེ་བས། །དངོས་པོ་མེད་ཅིང་སྐྱེ་བ་མེད། །རྨི་ལམ་སྒྱུ་མ་དྲི་ཟའི་གྲོང་། །དངོས་པོ་ཡོད་ཀྱང་རྒྱུ་ནི་མེད། །མ
iiif viewer powered by OpenSeadragon
