| e-texts navigator |
| Wylie |
285a1 རྣམས་ཀྱང་ཐེག་པ་ཆེན་པོ་མཉམ་པ་ཉིད་ལ་འགོད་པར་བྱེད་དོ། །བློ་གྲོས་ཆེན་པོ་ཐེག་པ་ཆེན་པོ་ཡོངས་སུ་བཟུང་ན། སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་རྣམས་ཡོངས་སུ་བཟུང
285a2 བར་འགྱུར་རོ། །སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་རྣམས་ཡོངས་སུ་བཟུང་བས་ནི་སེམས་ཅན་ཐམས་ཅད་ཡོངས་སུ་བཟུང་བར་འགྱུར་རོ། །སེམས་ཅན་ཐམས་ཅད་ཡོངས་སུ་བཟུང་བས
285a3 ནི་དམ་པའི་ཆོས་ཡོངས་སུ་བཟུང་བར་འགྱུར་རོ། །དམ་པའི་ཆོས་ཡོངས་སུ་བཟུང་བས་ནི་སངས་རྒྱས་ཀྱི་གདུང་རྒྱུན་མི་གཅོད་པ་ཡིན་ནོ། །སངས་རྒྱས་ཀྱི་གདུང་རྒྱུན་མི་གཅོད་པ་ནི་གནས་ཁྱད་པར་ཅན་དུ་འཇུག་པའི་ཤེས་པ
285a4 འཐོབ་པར་འགྱུར་རོ། །གནས་ཁྱད་པར་ཅན་དུ་འཇུག་པའི་ཤེས་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་རྟག་པར་རྫུས་ཏེ་སྐྱེ་ཞིང་ཐེག་པ་ཆེན་པོ་རབ་ཏུ་འཇོག་པས་དབང་བཅུའི་སྟོབས་ཀྱིས་གཟུགས
285a5 སྣ་ཚོགས་ཡོངས་སུ་སྟོན་པར་འགྱུར་ཏེ། སེམས་ཅན་གྱི་ཆ་བྱད་དང་། མོས་པ་དང་། ཉོན་མོངས་པའི་མཚན་ཉིད་རྣམས་རྟོགས་པར་ཁོང་དུ་ཆུད་པས་ཡང་དག་པ་ཇི་ལྟ་བ་བཞིན་དུ་ཆོས་སྟོན་ཏོ། །དེ་ལ་ཡང་དག་པ་ཇི་ལྟ་བ་བཞིན་དུ
285a6 སྟོན་པ་ཞེས་བྱ་བ་ནི་དེ་ཁོ་ན་ཉིད་ལས་གཞན་མ་ཡིན་པ་སྟེ། འོང་བ་དང་། འགྲོ་བ་མེད་པའི་མཚན་ཉིད་དང་། སྤྲོས་པ་ཐམས་ཅད་ཉེ་བར་ཞི་བ་ནི་དེ་ཁོ་ན་ཉིད་ཅེས་བྱའོ། །བློ་གྲོས་ཆེན་པོ་རིགས་ཀྱི་བུའམ། རིགས་ཀྱི་བུ་མོ་རྣམས་ཀྱིས
285a7 སྒྲ་ཇི་བཞིན་དུ་གཟུང་ཞིང་མངོན་པར་ཞེན་པར་མི་བྱ་སྟེ། དེ་ཁོ་ན་ཉིད་ནི་མིང་དང་། ཡི་གེ་དང་བྲལ་བའི་ཕྱིར་རོ། །བློ་གྲོས་ཆེན་པོ་ཇི་ལྟར་བླུན་པོ་ཁ་ཅིག་ལ་སོར་མོའི་རྩེ་མོས་དངོས་པོ་བསྟན་ན་བླུན་པོ་དེ་སོར་མོའི་རྩེ་མོ་ལ་ལྟ་བས
285a8 ཡང་དག་པའི་དོན་མི་འཐོབ་བོ། །དེ་བཞིན་དུ་བྱིས་པ་སོ་སོའི་སྐྱེ་བོ་རྣམས་ཀྱང་སྒྲ་ཇི་བཞིན་གྱི་སོར་མོའི་རྩེ་མོ་འཛིན་ཅིང་མངོན་པར་ཞེན་ཏེ། འཆི་བ་ལ་ཐུག་གི་བར་དུ་ཡོངས་སུ་མི་གཏོང་བས་སྒྲ་ཇི་བཞིན་གྱི་སོར་མོའི་རྩེ་མོ་སྤངས་པ
iiif viewer powered by OpenSeadragon
