| e-texts navigator |
| Wylie |
283b1 པོ་རེ་རེ་ལ་ཡང་མིང་གི་རྣམ་གྲངས་མང་པོ་ཡོད་དེ། མིང་མང་བའི་ཕྱིར་དངོས་པོ་མང་པོ་ཡོད་པ་ཡང་མ་ཡིན་ལ། རང་བཞིན་མེད་པ་ཡང་མ་ཡིན་ནོ། །དེ་བཞིན་དུ་བློ་གྲོས་ཆེན་པོ་ང་ཡང་མི་མཇེད་ཀྱི་འཇིག་རྟེན་གྱི་ཁམས་འདི་ན་མིང་གྲངས
283b2 མེད་པ་བརྒྱ་སྟོང་ཕྲག་གསུམ་ཡོད་པར་བྱིས་པ་རྣམས་ཀྱི་རྣ་ལམ་དུ་གྲགས་ཏེ། སོ་སོ་ནས་ངའི་མིང་བརྗོད་ཀྱང་དེ་དག་གིས་ངའི་དེ་བཞིན་གཤེགས་པའི་མིང་གི་རྣམ་གྲངས་མི་ཤེས་སོ། །བློ་གྲོས་ཆེན་པོ་སེམས་ཅན་ཁ་ཅིག་ནི་ང་ལ་དེ
283b3 བཞིན་གཤེགས་པ་ཡིན་པར་ཤེས་སོ། །ཁ་ཅིག་ནི་ཐམས་ཅད་མཁྱེན་པར་ཤེས་པ་ཡང་ཡོད་དོ། །སངས་རྒྱས་སུ་ཤེས་པ་ཡང་ཡོད་དོ། །འཇིག་རྟེན་སྐྱོབ་པར་ཤེས་པ་ཡང་ཡོད་དོ། །བདག་ཉིད་རིག་པར་ཤེས་པ་ཡང་ཡོད་དོ། །འདྲེན་པར་ཤེས
283b4 པ་ཡང་ཡོད་དོ། །རྣམ་པར་འདྲེན་པར་ཤེས་པ་ཡང་ཡོད་དོ། །ཡོངས་སུ་འདྲེན་པར་ཤེས་པ་ཡང་ཡོད་དོ། །དྲང་སྲོང་དུ་ཤེས་པ་ཡང་ཡོད་དོ། །ཚངས་པར་ཤེས་པ་ཡང་ཡོད་དོ། །ཁྱབ་འཇུག་ཏུ་ཤེས་པ་ཡང་ཡོད་དོ། །དབང་ཕྱུག་ཏུ་ཤེས
283b5 པ་ཡང་ཡོད་དོ། །གཙོ་བོར་ཤེས་པ་ཡང་ཡོད་དོ། །སེར་སྐྱ་ཡིན་པར་ཤེས་པ་ཡང་ཡོད་དོ། །ཡང་དག་པའི་མཐའ་ཡིན་པར་ཤེས་པ་ཡང་ཡོད་དོ། །ཟླ་བར་ཤེས་པ་ཡང་ཡོད་དོ། །ཉི་མར་ཤེས་པ་ཡང་ཡོད་དོ། །བདག་པོར་ཤེས་པ་ཡང་ཡོད་དོ། །
283b6 སྐྱེ་བ་མེད་པར་ཤེས་པ་ཡང་ཡོད་དོ། །འགག་པ་མེད་པར་ཤེས་པ་ཡང་ཡོད་དོ། །སྟོང་པ་ཉིད་དུ་ཤེས་པ་ཡང་ཡོད་དོ། །དེ་བཞིན་ཉིད་དུ་ཤེས་པ་ཡང་ཡོད་དོ། །བདེན་པ་ཉིད་དུ་ཤེས་པ་ཡང་ཡོད་དོ། །དེ་ཁོ་ན་ཉིད་དུ་ཤེས་པ་ཡང་ཡོད་དོ། །ཆོས
283b7 ཀྱི་ངོ་བོ་ཉིད་དུ་ཤེས་པ་ཡང་ཡོད་དོ། །མྱ་ངན་ལས་འདས་པར་ཤེས་པ་ཡང་ཡོད་དོ། །རྟག་པར་ཤེས་པ་ཡང་ཡོད་དོ། །མཉམ་པ་ཉིད་དུ་ཤེས་པ་ཡང་ཡོད་དོ། །གཉིས་སུ་མེད་པར་ཤེས་པ་ཡང་ཡོད་དོ། །མཚན་མ་མེད་པར་ཤེས་པ་ཡང
283b8 ཡོད་དོ། །རྣམ་པར་ཐར་པར་ཤེས་པ་ཡང་ཡོད་དོ། །ལམ་ཡིན་པར་ཤེས་པ་ཡང་ཡོད་དོ། །ཡིད་ལ་བྱུང་བར་རབ་ཏུ་ཤེས་པ་ཡང་ཡོད་དོ། །བློ་གྲོས་ཆེན་པོ་དེ་ལ་སོགས་པ་མིང་གྲངས་མེད་པ་བརྒྱ་སྟོང་ཕྲག་གསུམ་ལྷག་ཆད་མེད
iiif viewer powered by OpenSeadragon
