| e-texts navigator |
| Wylie |
282b1 རྒྱུ་མེད་པའོ། །གང་དངོས་པོ་དང་རྒྱུ་མེད་པ་དེ་ནི་དམིགས་པ་མེད་པའོ། །གང་དམིགས་པ་མེད་པ་དེ་ནི་སྤྲོས་པ་ཐམས་ཅད་ལས་འདས་པའོ། །གང་སྤྲོས་པ་ཐམས་ཅད་ལས་འདས་པ་དེ་ནི་དེ་བཞིན་གཤེགས་པའོ། །དེ་བཞིན་གཤེགས་པ
282b2 གང་ཡིན་པ་དེ་ནི་ཡང་དག་པར་རྫོགས་པའི་སངས་རྒྱས་ཉིད་དོ། །བློ་གྲོས་ཆེན་པོ་དེ་ནི་ཡང་དག་པར་རྫོགས་པའི་སངས་རྒྱས་པ་ཉིད་ཅེས་བྱ་སྟེ། བློ་གྲོས་ཆེན་པོ་ཡང་དག་པར་རྫོགས་པའི་སངས་རྒྱས་པ་ནི་དབང་པོ་དང་། ཚད་མ
282b3 ཐམས་ཅད་དང་བྲལ་བའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །དབང་པོ་ཚད་མ་རབ་བྲལ་ཞིང་། །དངོས་པོ་མེད་ཅིང་རྒྱུ་ཡང་མེད། །བློ་དང་རིག་བྱ་ཡོངས་སྤངས
282b4 ཤིང་། །མཚན་ཉིད་མཚན་ཉིད་གཞི་ཡང་སྤངས། །ཕུང་པོ་རྐྱེན་སོགས་སངས་རྒྱས་པ། གཅིག་དང་ཐ་དད་མཐོང་མི་ནུས། །གལ་ཏེ་མཐོང་བ་ཡོད་མིན་ན། །ཅི་ཡི་ཕྱིར་ན་རྣམ་པར་རྟོག་།བྱས་པ་མ་ཡིན་མ་བྱས་མིན། །དངོས་པོ་མ་ཡིན་རྒྱུ
282b5 ཡང་མིན། །ཕུང་མིན་ཕུང་ལ་གནས་པ་མིན། །གཞན་ཡང་འདྲེས་པ་ཡོད་མ་ཡིན། །ཇི་ལྟར་དེ་ཡིས་བརྟགས་པ་ལྟར། །དངོས་པོ་རྣམས་ནི་ཡོད་མ་ཡིན། །མེད་པའང་མ་ཡིན་ཤེས་པར་བྱ། །དེ་ནི་ཆོས་ཀྱི་ཆོས་ཉིད་དོ། །ཡོད་པར་གྱུར་ཕྱིར་མེད
282b6 པ་ཡོད། །མེད་པར་གྱུར་ཕྱིར་ཡོད་པ་ཡོད། །མེད་པར་ཡང་ནི་འཛིན་མི་བྱ། །ཡོད་པར་ཡང་ནི་མི་བརྟག་གོ། །བདག་དང་བདག་མེད་བསླད་པས་ན། །སྒྲ་ཙམ་ལ་ནི་འཇུག་པ་དག་།མཐའ་གཉིས་སུ་ནི་བྱིང་བ་སྟེ། །བདག་དང་འཇིག་རྟེན་རླག་པར་བྱེད།
282b7 ཉེས་པ་ཀུན་ལས་རྣམ་གྲོལ་ཞིང་། །ང་ཡི་ཚུལ་ནི་རབ་རྟོག་ན། །དེ་ནི་ཡང་དག་རྟོགས་པ་སྟེ། །འདྲེན་པ་ཆེ་ལ་དེ་མི་སྨོད། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས
282b8 ཇི་ལྟར་བཅོམ་ལྡན་འདས་ཀྱིས་མདོ་སྡེ་གསུངས་པ་ལས་སྐྱེ་བ་མ་མཆིས་པ་དང་། འགག་པ་མ་མཆིས་པ་ཞེས་སྨོས་པ་ཡང་མཛད་ལ། གཞན་ཡང་བཅོམ་ལྡན་འདས་ཀྱིས་སྐྱེ་བ་མ་མཆིས་པ་དང་། འགག་པ་མ་མཆིས་པ་དེ་ནི་དེ་བཞིན
iiif viewer powered by OpenSeadragon
