| e-texts navigator |
| Wylie |
280b1 རྣམ་པར་ཤེས་པ་ཡོངས་སུ་སྤངས་པ་ནི་མྱ་ངན་ལས་འདས་པ་ཞེས་བསྟན་ཏོ། །བློ་གྲོས་ཆེན་པོ་དེ་ལ་ཁྱོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་གིས་བསླབ་པར་བྱ་ཞིང་། མུ་སྟེགས་ཅན་ཐམས་ཅད
280b2 ཀྱི་མྱ་ངན་ལས་འདས་པར་ལྟ་བ་རྣམས་མྱུར་དུ་ཡོངས་སུ་སྤང་བར་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །མུ་སྟེགས་མྱ་ངན་འདས་ལྟ་ཞིང་། །སོ་སོར
280b3 རྣམ་རྟོག་གང་བྱུང་བ། །དེ་དག་སེམས་ཀྱི་རྟོག་ལས་སྐྱེས། །ཐར་པའི་ཐབས་ནི་ཡོད་མ་ཡིན། །འཆིང་དང་བཅིང་བྱ་ལ་རྨོངས་པ། །ཐབས་མཁས་ཡོངས་སུ་སྤངས་པས་ན། །མུ་སྟེགས་ཐར་པ་འདུ་ཤེས་པ། །ཐར་པ་ནམ་ཡང
280b4 སྐྱེ་མི་འགྱུར། །ཤེས་པ་མང་པོས་ཐ་དད་འཇུག་།མུ་སྟེགས་ཅན་གྱིས་མཐོང་བའི་ཚུལ། །དེ་དག་ཐར་པ་ཡོད་མ་ཡིན། །བླུན་ཞིང་གཏི་མུག་རྣམ་རྟོག་ཕྱིར། །མུ་སྟེགས་བླུན་པོས་ཐམས་ཅད་ཀུན། །རྣམ་རྟོག་བྱེད་དང་བྱ་བར་མཐོང་། །
280b5 ཡོད་མེད་ཕྱོགས་སུ་སྨྲ་བ་རྣམས། །དེ་དག་ལ་ནི་ཐར་པ་མེད། །བྱིས་པ་རྣམ་པར་རྟོག་ལ་མོས། །ཡང་དག་བློ་གྲོས་ཐོས་མི་འགྱུར། །སྨྲ་བ་སྡུག་བསྔལ་གསུམ་གྱི་གནས། །ཡང་དག་སྡུག་བསྔལ་འཇིག་པའི་རྒྱུ། །ཇི་ལྟར་མེ་ལོང
280b6 གཟུགས་བརྙན་དག་། སྣང་བ་ཡོད་པ་མ་ཡིན་ལྟར། །རྣམ་རྟོག་སེམས་ཀྱི་མེ་ལོང་ལ། །བྱིས་པ་དག་གིས་གཉིས་ཡོད་མཐོང་། །སེམས་དང་དམིགས་པ་མ་ཤེས་པ། །རྣམ་པར་རྟོག་པ་གཉིས་སྐྱེ་སྟེ། །སེམས་དང་ཡུལ་ནི་ཡོངས
280b7 ཤེས་ན། །རྣམ་པར་རྟོག་པ་སྐྱེ་མི་འགྱུར། །སེམས་ནི་སྣ་ཚོགས་འགྱུར་བ་སྟེ། །མཚན་ཉིད་མཚན་གཞི་ཡོངས་སྤངས་པས། །བྱ་བ་སྣང་ཡང་སྣང་བ་མེད། །ཇི་ལྟར་བྱིས་པས་རྣམ་བརྟགས་བཞིན། །སྲིད་གསུམ་རྣམ་པར་རྟོག་ཙམ
280b8 པས། །ཕྱི་རོལ་གྱི་ནི་དོན་མེད་དེ། །རྣམ་པར་རྟོག་པ་སྣ་ཚོགས་སྣང་། །བྱིས་པ་དག་གིས་མི་རྟོགས་སོ། །མདོ་དང་མདོ་ལས་རྣམ་རྟོག་བཤད། །ནམ་ཡང་མིང་ལས་འདའ་མི་འགྱུར། །བརྗོད་པ་དག་ནི་མ་གཏོགས་པར། །བརྗོད་པར་བྱ་བ
iiif viewer powered by OpenSeadragon
