| e-texts navigator |
| Wylie |
279b1 མྱ་ངན་ལས་འདས་པར་འདུ་ཤེས་སོ། །མུ་སྟེགས་ཅན་ཁ་ཅིག་ནི་ལོག་པའི་མེས་ཤེས་རབ་སྲེག་པ་དང་། རང་བཞིན་དང་། སྐྱེས་བུ་མཐོང་ཞིང་། དེ་གཉིས་ཀྱི་ཡོད་པ་ལས་སྐྱེས་བུས་འབྱིན་པ་རྣམས་ནི་རང་བཞིན་ཞེས་བྱ་སྟེ། ཇི་ལྟར
279b2 དང་པོའི་མུན་པ་བཞིན་དུ་ཡོན་ཏན་རྣམ་པར་འགྱུར་བ་དང་། ཡོན་ཏན་གྱི་བྱེད་པ་པོ་ལ་མྱ་ངན་ལས་འདས་པར་འདུ་ཤེས་སོ། །ཁ་ཅིག་ནི་བསོད་ནམས་དང་། བསོད་ནམས་མ་ཡིན་པ་ཟད་པས། ཁ་ཅིག་ནི་ཉོན་མོངས་པ་ཟད་ཅིང་ཤེས་པས།
279b3 ཁ་ཅིག་ནི་འཁོར་བ་རྣམས་དབང་ཕྱུག་གིས་ཡང་དག་པར་བྱས་པར་མཐོང་བ་ལ་མྱ་ངན་ལས་འདས་པར་འདུ་ཤེས་སོ། །ཁ་ཅིག་འཁོར་བ་རྣམས་ནི་གཅིག་གིས་གཅིག་བསྐྱེད་པས་རྒྱུ་གཞན་ཅི་ཡང་མེད་དེ། འདི་ལྟར་རྒྱུ་ལ་མངོན་པར་ཞེན
279b4 ཅིང་དེ་གཏི་མུག་པས་ཁོང་དུ་མི་ཆུད་དེ། ཁོང་དུ་མ་ཆུད་པའི་ཕྱིར་མྱ་ངན་ལས་འདས་པའོ་ཞེས་འདུ་ཤེས་སོ། །མུ་སྟེགས་ཅན་ཁ་ཅིག་ནི་ཡང་དག་པའི་བདེན་པའི་ལམ་ཐོབ་པ་ལ་མྱ་ངན་ལས་འདས་པར་འདུ་ཤེས་སོ། །ཁ་ཅིག་ནི་ཡོན
279b5 ཏན་ཅན་དང་། ཡོན་ཏན་གྱིས་བསྐྱེད་པ་ལ་ཚོགས་པ་དང་། གཅིག་པ་དང་། ཐ་དད་པ་དང་། གཉི་ག་དང་། གཉི་ག་མ་ཡིན་པར་མཐོང་བ་ལ་མྱ་ངན་ལས་འདས་པར་འདུ་ཤེས་སོ། །ཁ་ཅིག་ནི་རང་བཞིན་ལས་བྱུང་བས་རྨ་བྱའི་རྣམ་པར་བཀྲ་བ
279b6 དང་། རིན་པོ་ཆེ་སྣ་ཚོགས་ཀྱིས་འབྱུང་གནས་དང་། ཚེར་མ་རྣོ་བ་ལ་སོགས་པ་ལྟ་བུར་དངོས་པོ་རྣམས་ཀྱི་རང་བཞིན་མཐོང་ནས་མྱ་ངན་ལས་འདས་པར་འདུ་ཤེས་སོ། །བློ་གྲོས་ཆེན་པོ་ཁ་ཅིག་ནི་སྲིད་པ་ཉི་ཤུ་རྩ་ལྔ་དེ་ཁོ་ན་ཉིད་ཡིན་པར་ཁོང་དུ་ཆུད
279b7 པས། ཁ་ཅིག་ནི་རྒྱལ་པོའི་ཡུལ་སྐྱོང་བ་དང་། ཡོན་ཏན་དྲུག་གི་བསྟན་པ་འཛིན་པས་མྱ་ངན་ལས་འདས་པར་འདུ་ཤེས་སོ། །ཁ་ཅིག་ནི་བྱེད་པ་པོ་དུས་ཡིན་པར་མཐོང་ནས། འཇིག་རྟེན་འབྱུང་བ་ནི་དུས་ལ་རག་ལས་སོ་ཞེས་དེ་ལྟར་ཁོང་དུ
279b8 ཆུད་པ་ལས་མྱ་ངན་ལས་འདས་པར་འདུ་ཤེས་སོ། །ཁ་ཅིག་ནི་དངོས་པོས་སོ། །ཁ་ཅིག་ནི་དངོས་པོ་མེད་པས་སོ། །ཁ་ཅིག་ནི་དངོས་པོ་དང་དངོས་པོ་མེད་པ་ཡོངས་སུ་ཤེས་པས་སོ། །ཁ་ཅིག་ནི་དངོས་པོའི་རྟོག་པ་དང་། མྱ་ངན་ལས་འདས་པ་བྱེ
iiif viewer powered by OpenSeadragon
