| e-texts navigator |
| Wylie |
279a1 དང་། དེ་དག་གི་རྣམ་པར་རྟོག་པ་མྱ་ངན་ལས་འདས་པའི་རྗེས་སུ་འཐུན་པར་འགྱུར་བ་མ་ཡིན་པ་བཤད་པར་བྱའོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། དེ་བཞིན་དུ་འཚལ་ལོ་ཞེས་བཀའ་མཉན་པ་དང་།
279a2 བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བློ་གྲོས་ཆེན་པོ་མུ་སྟེགས་ཅན་ཁ་ཅིག་ནི་ཕུང་པོ་དང་། ཁམས་དང་། སྐྱེ་མཆེད་རྣམས་འགགས་པ་དང་། ཡུལ་འདོད་ཆགས་དང་བྲལ་བ་དང་། ཆོས་རྣམས་མི་རྟག་པར
279a3 མཐོང་བ་དང་། སེམས་དང་སེམས་ལས་བྱུང་བའི་ཆོས་ཀྱི་ཕྱོགས་མི་སྐྱེ་བ་དང་། འདས་པ་དང་། མ་འོངས་པ་དང་། ད་ལྟར་གྱི་ཡུལ་མི་དྲན་པ་དང་། ཉེ་བར་ལེན་པ་ཕུང་པོ་ཟད་པ་མར་མེ་བཞིན་འགགས་པ་དང་། ས་བོན་ལྟར་ཞིག་པས
279a4 རྣམ་པར་རྟོག་པ་མི་སྐྱེའོ་ཞེས་དེ་དག་གིས་འདི་དག་ལ་མྱ་ངན་ལས་འདས་པར་འདུ་ཤེས་ཏེ། བློ་གྲོས་ཆེན་པོ་འཇིག་པར་ལྟ་བ་ལ་མྱ་ངན་ལས་འདས་པ་ཞེས་བྱ་བ་ནི་མ་ཡིན་ནོ། །ཁ་ཅིག་ནི་ཕྱོགས་ནས་ཕྱོགསུ་སོང་ན་ཐར་པ་ཞེས
279a5 བརྗོད་དོ། །ཁ་ཅིག་ནི་ཡུལ་གྱི་རྟོག་པ་འགགས་ཏེ། ཇི་ལྟར་རླུང་ཞི་བ་བཞིན་དུ་གྱུར་ན་ཐར་པ་ཞེས་བརྗོད་དོ། །ཁ་ཅིག་ནི་བློ་དང་རིག་པར་བྱ་བ་མཐོང་བ་རྣམ་པར་ཞིག་པ་ལ་ཐར་པ་ཞེས་རྗོད་དོ། །ཁ་ཅིག་ནི་རྟག་པ་དང་། མི་རྟག་པར་མཐོང
279a6 བ་ལ་ཐར་པའོ་ཞེས་འདུ་ཤེས་སོ། །ཁ་ཅིག་ནི་མཚན་མར་འདུ་ཤེས་པ་མང་པོ་ནི་སྡུག་བསྔལ་བསྐྱེད་པའི་རྒྱུ་འཐོབ་པར་འགྱུར་རོ་སྙམ་དུ་བསམས་ནས། རང་གི་སེམས་སྣང་བ་ཙམ་ལ་མི་མཁས་པས་མཚན་མ་རྣམས་ཀྱིས
279a7 འཇིགས་ཤིང་སྐྲག་སྟེ། མཚན་མིད་མེད་པར་མཐོང་བ་ལ་རབ་ཏུ་མོས་ཤིང་འདོད་ནས་མྱ་ངན་ལས་འདས་པར་འདུ་ཤེས་སོ། །ཁ་ཅིག་ནི་ནང་དང་ཕྱིའི་ཆོས་ཐམས་ཅད་ཀྱི་རང་དང་སྤྱིའི་མཚན་ཉིད་ཁོང་དུ་ཆུད་པ་དང་། འདས་པ
279a8 དང་། མ་འོངས་པ་དང་། ད་ལྟར་བྱུང་བ་ནི་དངོས་པོར་ཡོད་དེ། མི་འཇིགས་པའོ་ཞེས་མྱ་ངན་ལས་འདས་པར་འདུ་ཤེས་སོ། །ཁ་ཅིག་ནི་བདག་དང་། གང་ཟག་དང་། སེམས་ཅན་དང་། སྲོག་དང་། ཆོས་ཐམས་ཅད་མི་འཇིག་པ་ལ
iiif viewer powered by OpenSeadragon
