| e-texts navigator |
| Wylie |
278a1 གི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ཁྱོད་ཀྱིས་མ་འོངས་པའི་སེམས་ཅན་རྣམས་ཀྱི་ཕྱིར་ཚིག་གི་དོན་འདི་ལྟ་བུ་སེམས་ཤིང་འདྲི་བ་ལེགས་སོ་ལེགས་སོ། །དེའི་ཕྱིར་ཤིན་དུ་ལེགས་པར
278a2 ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། དེ་བཞིན་དུ་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་འདི་ལྟ་སྟེ། ཟང་ཟིང་ཞེས
278a3 བྱ་བ་ནི་ལེན་པ་དང་། གཏོང་བ་དང་། རེག་པ་དང་། མྱང་བ་དང་། ཕྱི་རོལ་གྱི་ཡུལ་ལ་མངོན་པར་ཞེན་པ་དང་། མཐའ་གཉིས་ཀྱི་ལྟ་བར་ལྷུང་བ་དང་། ཡང་སྡུག་བསྔལ་གྱི་ཕུང་པོ་བསྐྱེད་པ་དང་། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་།
278a4 སྨྲེ་སྔགས་འདོན་པ་དང་། འཁྲུག་པ་རྣམས་ཏེ། དེ་ལྟ་བུའི་སྒྱུ་མ་རྣམས་ནི་སྲེད་པ་ལས་བྱུང་བས། དེའི་ཕྱིར་འཇིག་རྟེན་རྒྱང་པན་སློབ་ཅིང་སྟེན་པ་རྣམས་དང་། འཇིག་རྟེན་རྒྱང་པན་པ་རྣམས་ནི་ང་དང་སངས་རྒྱས་གཞན་དག་གིས་ཀྱང་ཟང
278a5 ཟིང་ཞེས་བརྗོད་དེ། འདི་ནི་ཟང་ཟིང་སྡུད་ཅིང་ཆོས་སྡུད་པ་མ་ཡིན་པ་ཞེས་བྱའོ། །བློ་གྲོས་ཆེན་པོ་ཆོས་སྡུད་པ་གང་ཞེ་ན། འདི་ལྟ་སྟེ། རང་གི་སེམས་སྣང་བ་ཙམ་དུ་ལེགས་པར་རྟོགས་ཤིང་ཁོང་དུ་ཆུད་པ་དང་། གང་ཟག་དང་ཆོས་བདག་མེད་པའི
278a6 མཚན་ཉིད་ཐོབ་པས་རྣམ་པར་རྟོག་པ་མི་སྐྱེ་བ་དང་། ས་རྣམས་ལ་གོང་ནས་གོང་དུ་ཤིན་དུ་མཁས་པས་སེམས་དང་ཡིད་དང་། ཡིད་ཀྱི་རྣམ་པར་ཤེས་པ་ལྡོག་པ་དང་། སངས་རྒྱས་ཐམས་ཅད་ཀྱི་ཡེ་ཤེས་དང་། དབང་བསྐུར་བ་ཕུན་སུམ་ཚོགས
278a7 པ་དང་། མཐར་ཐུགས་པ་མེད་པའི་གནས་བཅུ་ཡོངས་སུ་གཟུང་བ་དང་། ཆོས་ཐམས་ཅད་ལ་རྩོལ་བ་མེད་པར་དབང་བྱེད་པ་ནི་ཆོས་ཤེས་བྱ་སྟེ། དེ་ནི་འདི་ལྟ་སྟེ། ལྟ་བ་ཐམས་ཅད་དང་། སྤྲོས་པ་ཐམས་ཅད་དང་། རྣམ་པར་རྟོག་པ་ཐམས་ཅད་དང་།
278a8 དངོས་པོ་ཐམས་ཅད་དང་། མཐའ་གཉིས་ཐམས་ཅད་དུ་མི་ལྟུང་ངོ་། །བློ་གྲོས་ཆེན་པོ་མུ་སྟེགས་ཅན་བྱིས་པ་རྣམས་ནི་ཕལ་ཆེར་རྟག་པ་དང་། ཆད་པའི་མཐའ་གཉིས་སུ་ལྟུང་གི་མཁས་པ་རྣམས་ནི་མ་ཡིན་ནོ། །དེ་ལ་རྒྱུ་མེད་པར་སྨྲ་བ
iiif viewer powered by OpenSeadragon
