| e-texts navigator |
| Wylie |
277b1 འཇིག་རྟེན་རྒྱང་པན་མ་ཡིན་པ་དང་། གྲུབ་པའི་མཐའ་མེད་པ་ཡང་མ་ཡིན་པ་དང་། མི་སྟོན་པ་ཡང་མ་ཡིན་པ་དེ་ལྟ་བུ་ཡིན། ངས་དེའི་ཚེ་འདི་སྐད་དུ་བྲམ་ཟེ་འཇིག་རྟེན་རྒྱང་པན་མ་ཡིན་པ་ཡོད་དེ། མུ་སྟེགས་ཅན་ཁྱེད་རྣམས་ཀྱིས
277b2 ཤེས་པར་མི་ནུས་ཏེ། འདི་ལྟར་ཕ་རོལ་གྱི་དངོས་པོ་ལ་ཡང་དག་པ་མ་ཡིན་པ་རྣམ་པར་རྟོག་པའི་སྤྲོས་པས་མངོན་པར་ཞེན་པའི་ཕྱིར་རོ། །འདི་ལྟ་སྟེ་རྣམ་པར་རྟོག་པ་མི་སྐྱེ་ཞིང་ཡོད་པ་དང་མེད་པ་རང་གི་སེམས་སྣང་བ་ཙམ་དུ་ཁོང་དུ
277b3 ཆུད་པས་རྣམ་པར་རྟོག་པ་མི་སྐྱེ་བ་དང་། ཕྱི་རོལ་གྱི་ཡུལ་ལ་འཛིན་པ་མེད་ཅིང་རྣམ་པར་རྟོགས་པ་རབ་ཏུ་ཞི་བ་དེ་ནི་འཇིག་རྟེན་རྒྱང་པན་མ་ཡིན་པ་ཞེས་བྱ་སྟེ། འདི་ནི་ངའི་ཆོས་ཡིན་པས་ཁྱོད་ལ་ཡོད་པ་མ་ཡིན་ནོ། །ཀྱེ་བྲམ་ཟེ་མདོར
277b4 བསྡུས་ཏེ་བསྟན་ན་རྣམ་པར་ཤེས་པ་དེ་འོང་བ་དང་། འགྲོ་བ་དང་། ཤི་འཕོ་བ་དང་། སྐྱེ་བ་དང་། བདེ་བ་དང་། སྡུག་བསྔལ་བ་དང་། བྱ་བ་དང་། ལྟ་བ་དང་། རེག་པ་དང་། མཚན་ཉིད་སྣ་ཚོགས་ལ་མངོན་པར་ཞེན་པ་དང་། འདུས་ཏེ་འཚམས་སྦྱོར
277b5 བ་དང་། སྲེད་པ་དང་། རྒྱུ་ལ་མངོན་པར་ཞེན་པ་སྟེ། ཀྱེ་བྲམ་ཟེ་འདི་ལྟ་བུ་ལ་སོགས་པ་དེ་དག་ཐམས་ཅད་ནི་ཁྱོད་ལ་སོགས་པའི་འཇིག་རྟེན་རྒྱང་པན་ཡིན་ཏེ་ང་ལ་ཡོད་པ་ནི་མ་ཡིན་ནོ། །བློ་གྲོས་ཆེན་པོ་བྲམ་ཟེ་འཇིག་རྟེན་རྒྱང་པན་པས
277b6 དྲིས་པ་ལ་ངས་དེ་སྐད་དུ་ལན་བཏབ་པ་དང་། དེ་ཅང་མི་སྨྲ་བར་གྱུར་ཏེ། ལན་མེད་པས་སླར་སོང་ངོ་། །དེ་རང་གི་ཚུལ་གྱི་གནས་ལ་སེམས་ཤིང་འདི་སྐད་དུ་དགེ་སྦྱོང་ཤཱཀྱའི་བུ་ནི་ཚུལ་ལས་ཤིན་དུ་འདས་པས་ན་སྐྱེ་བ་མེད་པ་དང་། མཚན་མ
277b7 མེད་པ་དང་། རྒྱུ་མེད་པ་དང་། རང་གི་རྣམ་པར་རྟོག་པ་སྣང་བའི་མཚན་ཉིད་ཁོང་དུ་ཆུད་པས་རྣམ་པར་རྟོག་པ་མི་སྐྱེ་བར་སྨྲའོ་སྙམ་མོ། །བློ་གྲོས་ཆེན་པོ་འདི་ནི་ཁྱོད་ཀྱིས་སྔར་ང་ལ་ཅིའི་སླད་དུ་འཇིག་རྟེན་རྒྱང་པན་པ་སྤོབས་པ་སྣ་ཚོགས
277b8 ཅན་ལ་སློབ་ཅིང་བསྟེན་ལ་ཟང་ཟིང་སྡུད་དེ། ཆོས་སྡུད་པ་མ་ཡིན་ནོ་ཞེས་བཀའ་སྩལ་ཅེས་དྲིས་པའིའོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཟང་ཟིང་སྡུད་པ་དང་། ཆོས་ཤེས་བགྱི་བའི་ཚིག
iiif viewer powered by OpenSeadragon
