| e-texts navigator |
| Wylie |
275b1 འཁོར་ལོ་གཞིག་པར་བྱའོ། །བདག་ཕམ་པར་གྱུར་ན་ནི་མགོ་རེ་རེ་ནས་བཅད་དེ་ཕམ་པའི་ཉེས་པ་ཁས་བླང་ངོ་ཞེས་དམ་བཅས་ནས་ཆོས་སྨྲས་པ་ལས་བརྒྱ་བྱིན་ལྷའི་དབང་པོ་ཕམ་པར་བྱས་ཏེ། འཁོར་ལོ་རྩིབས་སྟོང་དང་ལྡན་པ་བཤིག་ནས
275b2 སླར་མིའི་འཇིག་རྟེན་འདིར་འོངས་སོ། །དེ་ལྟར་བློ་གྲོས་ཆེན་པོ་འཇིག་རྟེན་རྒྱང་པན་པ་རྒྱུ་དང་དཔེ་སྣ་ཚོགས་བཀོད་པས་འདི་ལྟར་ཐ་ན་བྱོལ་སོང་དུ་གྱུར་པས་ཀྱང་ཚིག་གི་ཚོགས་རྣམ་པ་སྣ་ཚོགས་ཀྱིས་ལྷ་དང་ལྷ་མ་ཡིན་རྣམས
275b3 ཤིན་དུ་རྨོངས་པར་བྱེད་ཅིང་། སྐྱེ་བ་དང་། འཇིག་པའི་ལྟ་བ་ལ་རབ་ཏུ་འགོད་པར་བྱེད་ན། མི་རྣམས་ལྟ་སྨོས་ཀྱང་ཅི་དགོས། དེ་ལྟ་བས་ན་བློ་གྲོས་ཆེན་པོ་འཇིག་རྟེན་རྒྱང་པན་པ་རྣམས་ཡོངས་སུ་སྤང་བར་བྱ་སྟེ། སྡུག་བསྔལ་སྐྱེ་བའི
275b4 རྒྱུ་འཐོབ་པར་བྱེད་པས་བསླབ་ཅིང་བསྙེན་པར་མི་བྱའོ། །བློ་གྲོས་ཆེན་པོ་འཇིག་རྟེན་རྒྱང་པན་པ་རྣམས་ནི་ལུས་དང་བློས་ཡུལ་དམིགས་པ་ཙམ་དུ་སྟོན་ཏོ། །བློ་གྲོས་ཆེན་པོ་འཇིག་རྟེན་རྒྱང་པན་པ་དེ་དག་སྟོང་ཕྲག་བརྒྱ་ཡོད་དེ། ཕྱི
275b5 མའི་དུས་ལྔ་བརྒྱ་ཐ་མ་ལ་བསྟན་པ་བསྡུས་པ་རྣམས་འཇིག་པར་བྱེད་ཅིང་རྟོག་གེ་ངན་པའི་རྒྱུ་དང་། ལྟ་བ་རྣམས་རྒྱས་པར་འགྱུར་བ་ན་སློབ་མ་ངན་པ་རྣམས་ཡོངས་སུ་འཛིན་པར་བྱེད་དོ། །འདི་ལྟར་བློ་གྲོས་ཆེན་པོ་འཇིག་རྟེན
275b6 རྒྱང་པན་པ་བསྡུས་པ་འཇིག་པར་བྱེད་པ་རྣམས་ནི་ཚིག་གི་ཚོགས་དང་། རྒྱུ་དང་། དཔེ་སྣ་ཚོགས་བཀོད་པས་མུ་སྟེགས་ཀྱི་དངོས་པོ་རྗོད་ཅིང་རང་གི་རྐྱེན་ལ་མངོན་པར་ཞེན་པས་རང་གི་ཚུལ་ཡོད་པ་མ་ཡིན་ནོ། །བློ་གྲོས་ཆེན་པོ་མུ
275b7 སྟེགས་ཅན་དེ་དག་ལ་རང་གི་ཚུལ་གྱི་བསྟན་བཅོས་མེད་པས་གཞན་དག་ལ་འཇིག་རྟེན་རྒྱང་པན་པ་རྣམས་དངོས་པོའི་སྒོ་བརྒྱ་སྟོང་དུ་མ་ཚད་མེད་པ་རྣམས་རྒྱ་ཆེར་སྟོན་པར་བྱེད་དེ། རང་གི་ཚུལ་ཡོད་པ་མ་ཡིན་པ་དང་། བླུན་ཞིང
275b8 གཏི་མུག་པ་འཇིག་རྟེན་རྒྱང་པན་པ་ཡིན་པར་རང་གིས་མི་ཤེས་སོ། །དེ་ལ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་མུ་སྟེགས་ཅན་འཇིག་རྟེན་རྒྱང་པན་པ་རྣམས་ཚིག་གི
iiif viewer powered by OpenSeadragon
