| e-texts navigator |
| Wylie |
273a1 དེ་བཞིན་དངོས་པོར་མངོན་ཞེན་པའང་། །བྱིས་པས་ལོག་པར་རྣམ་པར་བརྟགས། །ཇི་ཙམ་སྲིད་གསུམ་ཉེར་འདོགས་པ། །དངོས་པོའི་རང་བཞིན་ཡོད་མ་ཡིན། །དངོས་པོའི་རང་བཞིན་ཉེར་བཏགས་པས། །རྟོག་པ
273a2 ཅན་རྣམས་རྟོག་པར་བྱེད། །མཚན་དངོས་ཚིག་ནི་རྣམ་བཞག་པས། །ཡིད་འཁྲུག་རབ་ཏུ་གཡོས་པར་འགྱུར། །རྒྱལ་སྲས་རྣམ་རྟོག་དེ་དག་ལས། །ཤིན་དུ་འདས་ཤིང་ཡོངས་སུ་སྤངས། །ཆུ་མ་ཡིན་ལ་ཆུར་འཛིན་པ། །དེ་ནི་སྐོམ
273a3 གྱི་སྲེད་ལས་སྐྱེས། །བྱིས་པ་དེ་བཞིན་ནོར་བར་འགྱུར། །འཕགས་པས་མཐོང་བ་དེ་ལྟ་མིན། །འཕགས་པའི་མཐོང་བ་ཡོངས་དག་སྟེ། །རྣམ་ཐར་ཏིང་ངེ་འཛིན་ལས་སྐྱེས། །སྐྱེ་དང་འཇིག་པ་རབ་སྤངས་ཏེ། །སྣང་བ་མེད་ལ་རབ
273a4 ཏུ་སྤྱོད། །སྣང་བ་མེད་ལ་རྣལ་འབྱོར་པས། །དངོས་དང་དངོས་མེད་པ་ཡང་མེད། །དངོས་དང་དངོས་མེད་མཉམ་པ་ན། །དེ་ལ་འཕགས་པའི་འབྲས་བུ་སྐྱེ། །ཇི་ལྟར་དངོས་པོ་དངོས་མེད་དང་། །མཉམ་པ་ཉིད་དུ་ཇི་ལྟར་འགྱུར། །སེམས
273a5 ཀྱིས་དེ་ནི་མ་ཤེས་པས། །ཕྱི་དང་ནང་ནི་རབ་ཏུ་གཡོས། །ནམ་ཞིག་དེ་ནི་འཇིག་བྱེད་ན། །སེམས་ཀྱིས་མཉམ་པ་ཉིད་ཀྱང་མཐོང་། །དེ་ནས་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས
273a6 བཅོམ་ལྡན་འདས་ཀྱིས་ཇི་སྐད་དུ་ནམ་དམིགས་པར་བྱ་བའི་དངོས་པོ་ཤེས་པས་མི་དམིགས་པ་དེ་ན་བཏགས་པ་ཙམ་དུ་རྣམ་པར་གཞག་པ་ཡིན་ཏེ། རྣམ་པར་གཞག་པའི་གཟུང་བ་མེད་པས་འཛིན་པ་ཡང་མེད་པ་ཡིན་ནོ། །འཛིན
273a7 པ་མེད་པའི་ཕྱིར་ཤེས་པ་ཡང་མི་འཇུག་སྟེ། བཏགས་པའི་མིང་ཙམ་མོ་ཞེས་གསུངས་ན། བཅོམ་ལྡན་འདས་ཅི་དངོས་པོ་རྣམས་ཀྱི་རང་དང་སྤྱིའི་མཚན་ཉིད་ཐ་དད་པ་དང་ཐ་དད་པ་མ་ལགས་པར་ཁོང་དུ་མ་ཆུད་པའི་སླད་དུ་ཤེས
273a8 པས་མི་དམིགས་ལགས་སམ། འོན་ཏེ་རང་དང་སྤྱིའི་མཚན་ཉིད་སྣ་ཚོགས་ཀྱིས་དངོས་པོའི་ངོ་བོ་ཉིད་ཟིལ་དུ་རླག་པའི་སླད་དུ་ཤེས་པས་མི་དམིགས་ལགས་སམ། དེ་སྟེ་རི་བྲག་དང་། རྩིག་པ་དང་། ས་དང་། ཆུ་དང་། མེ་དང་། རླུང་གིས
iiif viewer powered by OpenSeadragon
