| e-texts navigator |
| Wylie |
272a1 བསྟན་པ་ཡང་མ་ཡིན་ཏེ། འོན་ཀྱང་སེམས་ཅན་རྣམས་ཀྱི་སྐྲག་པའི་གནས་ཡོངས་སུ་སྤང་བའི་ཕྱིར་སེམས་ཅན་གང་དག་ཐོག་མ་མེད་པའི་དུས་ནས་དངོས་པོའི་རང་བཞིན་གྱི་མཚན་ཉིད་ལ་མངོན་པར་ཞེན་པ། འཕགས་པའི་ཡེ
272a2 ཤེས་ཀྱི་དངོས་པོའི་རང་བཞིན་ལ་མཚན་ཉིད་དུ་ལྟ་ཞིང་མངོན་པར་ཞེན་པ་དག་ལ་སྟོང་པ་ཉིད་ཀྱི་ཆོས་བཤད་དོ། །བློ་གྲོས་ཆེན་པོ་ངས་དངོས་པོའི་རང་བཞིན་བསྟན་པ་ནི་མེད་མོད་ཀྱི། བློ་གྲོས་ཆེན་པོ་འོན་ཀྱང་ང་ནི་རང་ཉིད་ཀྱིས་ཡང་དག་པ་ཇི་ལྟ
272a3 བ་བཞིན་དུ་ཁོང་དུ་ཆུད་པ། སྟོང་པ་ཉིད་ཀྱི་ཆོས་ལ་རབ་ཏུ་གནས་ཤིང་ནོར་པའི་མཚན་ཉིད་དུ་ལྟ་བ་ཡོངས་སུ་སྤངས་པས་རང་གི་སེམས་སྣང་བ་དང་། དངོས་པོ་དང་། དངོས་པོ་མེད་པར་ལྟ་བ་དང་བྲལ་བ་རྣམ་པར་ཐར་པ་གསུམ་གྱི་ཡང་དག
272a4 པ་ཇི་ལྟ་བ་བཞིན་དུ་ཁོང་དུ་ཆུད་པའི་ཕྱག་རྒྱས་ཤིན་དུ་བཏབ་ཅིང་དངོས་པོའི་རང་བཞིན་རྣམས་ལ་སོ་སོ་རང་གིས་རིག་པའི་བློས་སོ་སོར་རབ་ཏུ་རྟོག་ཅིང་གནས་པས་ཡོད་པ་དང་། མེད་པའི་དངོས་པོར་ལྟ་བའི་མཚན་ཉིད་ཡོངས་སུ
272a5 སྤངས་པ་ཡིན་ནོ། །གཞན་ཡང་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་མ་སྐྱེས་པའོ་ཞེས་དམ་བཅའ་བར་མི་བྱའོ། །དེ་ཅིའི་ཕྱིར་ཞེ་ན། འདི་ལྟ་སྟེ། དམ་བཅའ་བའི་དངོས་པོ་ཐམས་ཅད
272a6 དངོས་པོ་མེད་པའི་ཕྱིར་དང་། དེའི་རྒྱུ་ལས་སྐྱེ་བའི་མཚན་ཉིད་ཀྱི་ཕྱིར་ཆོས་ཐམས་ཅད་མ་སྐྱེས་པའོ་ཞེས་དམ་བཅས་ཏེ་སྨྲས་ན། དམ་བཅས་པ་དེ་ཉམས་པར་འགྱུར་རོ། །གང་དམ་བཅས་པ་དེས་ཆོས་ཐམས་ཅད་མ་སྐྱེས་པའོ་ཞེས
272a7 དམ་བཅས་པ་དེ་ཉམས་པར་འགྱུར་བ་ནི་འདི་ལྟར་དམ་བཅའ་བ་ཡང་ལྟོས་པ་ཡོད་པ་ལས་སྐྱེས་པའི་ཕྱིར་རོ། །ཡང་མ་སྐྱེས་པ་ཞེས་དམ་བཅས་པ་དེ་ནི་ཆོས་ཐམས་ཅད་ཀྱི་ནང་དུ་གཏོགས་པའི་ཕྱིར་རོ། །མ་ཉམས་པའི་མཚན
272a8 ཉིད་ནི་མི་སྐྱེ་བའི་ཕྱིར་ཆོས་ཐམས་ཅད་མ་སྐྱེས་པ་ཞེས་དམ་བཅས་ན་སྨྲ་བ་དེ་ཉམས་པར་འགྱུར་རོ། །བློ་གྲོས་ཆེན་པོ་ཡོད་པ་དང་། མེད་པ་མ་སྐྱེས་པར་དམ་བཅས་པའི་དམ་བཅས་པ་དེ་ནི་དངོས་པོ་ཐམས་ཅད་ཀྱི་ནང་དུ་གཏོགས
iiif viewer powered by OpenSeadragon
