| e-texts navigator |
| Wylie |
270b1 པ་སོ་སོའི་སྐྱེ་བོ་རྣམས་ཀྱི་མཚམས་སྦྱོར་བ་ནི་རྣམ་པ་གསུམ་ཡོད་དེ། འདི་ལྟ་སྟེ། འདོད་ཆགས་དང་། ཞེ་སྡང་དང་། གཏི་མུག་ཡིན་ཏེ། མ་འོངས་པ་ལ་སྲེད་པ་ཡང་སྲིད་པ་ལ་དགའ་བའི་འདོད་ཆགས་དང་ལྡན་པ་དེས་མཚམས་སྦྱོར་བའི་ཕྱིར
270b2 སྲིད་པའི་འགྲོ་བ་རྣམས་སུ་མཚམས་སྦྱོར་བར་འགྱུར་རོ། །དེའི་མཚམས་སྦྱོར་བ་ནི་འགྲོ་བ་ལྔ་པོ་རྣམས་སུ་མཚམས་སྦྱོར་བ་ཡིན་ཏེ། བློ་གྲོས་ཆེན་པོ་མཚམས་སྦྱོར་བ་བཅད་པ་ལ་ནི་མཚམས་སྦྱོར་བ་དང་། མཚམས་སྦྱོར་བ་མ་ཡིན
270b3 པའི་མཚན་ཉིད་གང་ཡང་མེད་དོ། །གཞན་ཡང་བློ་གྲོས་ཆེན་པོ་གསུམ་འདུས་པའི་རྐྱེན་དང་། བྱ་བའི་སྦྱོར་བ་ལ་མངོན་པར་ཞེན་པ་རྣམ་པར་ཤེས་པ་རྣམས་ཀྱི་མཚམས་སྦྱོར་བ་བར་ཆད་མེད་པར་འབྱུང་ངོ་། །སྦྱོར་བ་ལ་མངོན་པར་ཞེན
270b4 པས་སྲིད་པའི་མཚམས་སྦྱོར་བར་འགྱུར་ཏེ། གསུམ་འདུས་པའི་རྐྱེན་གྱིས་རྣམ་པར་ཤེས་པ་སྤངས་ཤིང་རྣམ་པར་ཐར་པ་གསུམ་མཐོང་ན། མཚམས་སྦྱོར་བ་ཐམས་ཅད་མི་འབྱུང་ངོ་། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང
270b5 བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །ཡང་དག་མ་ཡིན་རྣམ་རྟོག་ནི། །མཚམས་སྦྱོར་མཚན་ཉིད་ཅེས་བྱ་སྟེ། །དེ་དག་ཡང་དག་ཡོངས་ཤེས་ན། མཚམས་སྦྱོར་དྲ་བ་ཆོད་པར་འགྱུར། །དངོས་པོ་རྣམས་ནི་མ་ཤེས
270b6 པས། །སྒྲ་ཡི་རྗེས་སུ་འཛིན་པར་བྱེད། །ཇི་ལྟར་དར་གྱི་སྲིན་བུ་བཞིན། །མཚམས་སྦྱོར་དྲ་བས་རང་ལ་འཆིང་། །བྱིས་པ་རྣམ་རྟོག་རབ་བཅིངས་པས། །མཚམས་སྦྱོར་སོ་སོར་རྟོག་མི་བྱེད།། །། །།
270b7 འཕགས་པ་ལང་ཀར་གཤེགས་པ་རིན་པོ་ཆེའི་མདོ་ལས། བམ་པོ་དྲུག་པ། ཡང་བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་ཇི་སྐད་དུ་རྣམ་པར་རྟོག་པ་གང་དང་གང་གིས་དངོས་པོ་གང་དང་གང
270b8 བརྟགས་པ་དེ་དང་དེ་དག་ནི་ཀུན་བརྟགས་པ་ཉིད་དེ། དེ་དག་ལ་རང་བཞིན་མེད་པས་ཀུན་བརྟགས་པའི་རང་བཞིན་ཁོ་ནའོ་ཞེས་གང་གསུངས་པ། བཅོམ་ལྡན་འདས་གལ་ཏེ་ཀུན་བརྟགས་པའི་རང་བཞིན་ཙམ་ཁོ་ན་སྟེ། དངོས་པོའི
iiif viewer powered by OpenSeadragon
