| e-texts navigator |
| Wylie |
267a1 ལྟ་བུ་དོན་ནི་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་དེའི་ཕྱིར་ཤིན་དུ་ལེགས་པར་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་དོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ
267a2 པ་ལེགས་སོ། །བཅོམ་ལྡན་འདས་དེ་བཞིན་དུ་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལ་བློ་གྲོས་ཆེན་པོ་ངག་གང་ཞེ་ན། འདི་ལྟ་སྟེ། ཚིག་དང་ཡི་གེའི་རྣམ་པར་རྟོག་པ་ཕྲད་པ་ཡིན་ཏེ། མགྲིན་པ་དང་།
267a3 མིད་པ་དང་། མཆུ་དང་། ལྕེ་དང་། སོ་དང་། རྐན་དང་། འགྲམ་པ་ལ་བརྟེན་ནས་ངག་ཏུ་བརྗོད་པའི་རྣམ་པར་རྟོག་པའི་བག་ཆགས་ཀྱི་རྒྱུ་དེ་ལས་བྱུང་བ་དེ་ནི་ངག་ཅེས་བྱའོ། །བློ་གྲོས་ཆེན་པོ་དོན་གང་ཞེ་ན། འདི་ལྟ་སྟེ། རྣམ་པར་རྟོག་པའི་མཚན
267a4 ཉིད་ཐམས་ཅད་དང་། བརྗོད་པའི་མཚན་ཉིད་ཡོངས་སུ་སྤངས་པ་དེ་ནི་དོན་ཅེས་བྱའོ། །བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོས་དོན་འདི་ལྟ་བུའི་ཕྱིར་གཅིག་པུ་དབེན་པར་སོང་ནས་ཐོས་པ་དང་། བསམས་པ
267a5 དང་། བསྒོམས་པའི་ཤེས་རབ་ཀྱིས་རང་གིས་རིག་པ་ལ་དམིགས་ཤིང་མྱ་ངན་ལས་འདའ་པའི་གྲོང་ཁྱེར་དུ་འགྲོ་བ། བག་ཆགས་ཀྱི་ལུས་རབ་ཏུ་གྱུར་ནས་སོ་སོ་རང་གིས་རིག་པའི་སྤྱོད་ཡུལ་ས་དང་སའི་གནས་གཞན་གྱི་བྱེ་བྲག
267a6 གི་དོན་གྱི་མཚན་ཉིད་ལ་རབ་ཏུ་སྤྱོད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དོན་ལ་མཁས་པ་ཡིན་ནོ། །གཞན་ཡང་བློ་གྲོས་ཆེན་པོ་ངག་གི་དོན་ལ་མཁས་པའི་བྱང་ཆུབ་སེམས་དཔའ་སེམས་དཔའ་ཆེན
267a7 པོ་ནི་ངག་དང་དོན་ཐ་དད་པ་ཡང་མ་ཡིན། ཐ་མི་དད་པར་ཡང་མ་ཡིན་པར་སོ་སོར་རབ་ཏུ་རྟོག་སྟེ། དོན་དང་ངག་ལ་སོ་སོར་རྟོག་པ་ཡང་དེ་བཞིན་ནོ། །གལ་ཏེ་ངག་དང་དོན་ཐ་དད་ན་ནི་དོན་གསལ་བར་བྱེད་པའི་རྒྱུ་དག་མ་ཡིན་པར་འགྱུར
267a8 བ་ཞིག་ན། ངག་གི་དོན་གྱི་རྗེས་སུ་འཇུག་སྟེ། ཇི་ལྟར་མར་མེས་གཟུགས་ལ་སོགས་པ་གསལ་བར་བྱེད་པ་བཞིན་ནོ། །གཞན་ཡང་བློ་གྲོས་ཆེན་པོ་མ་སྐྱེས་པ་དང་། མ་འགགས་པ་དང་། རང་བཞིན་གྱིས་ཡོངས་སུ་མྱ་ངན་ལས་འདས
iiif viewer powered by OpenSeadragon
